ਚੰਡੀਗੜ੍ਹ, 7 ਫਰਵਰੀ (ਸੰਦੀਪ/ਕਮਲਜੀਤ)- ਅੱਜ ਚੰਡੀਗੜ੍ਹ ਨਗਰ ਨਿਗਮ ਦੀ ਹਾਊਸ ਮੀਟਿੰਗ ਸ਼ੁਰੂ ਹੋਈ। ਇਸ ਵਿਚ ਮੇਅਰ ਹਰਪ੍ਰੀਤ ਕੌਰ ਬਬਲਾ ਨੇ ਵਿੱਤ ਤੇ ਠੇਕਾ ਕਮੇਟੀ ਦੇ ਨਵੇਂ ਚੁਣੇ ਗਏ ਮੈਂਬਰਾਂ ਬਾਰੇ ਜਾਣਕਾਰੀ ਦਿੱਤੀ। ਮੀਟਿੰਗ ਵਿਚ ਨਵੇਂ ਮੈਂਬਰ ਗੁਰਪ੍ਰੀਤ ਸਿੰਘ ਗਾਬੀ (ਕਾਂਗਰਸ), ਜਸਮਨਪ੍ਰੀਤ ਸਿੰਘ (ਭਾਜਪਾ), ਸੋਰਭ ਜੌਸ਼ੀ (ਭਾਜਪਾ), ਪੂਨਮ (ਆਮ ਆਦਮੀ ਪਾਰਟੀ), ਸੁਮਨ (ਆਮ ਆਦਮੀ ਪਾਰਟੀ) ਸ਼ਾਮਿਲ ਸਨ। ਮੀਟਿੰਗ ਵਿਚ ਛੋਟੇ ਫਲੈਟਾਂ ਦੇ ਮੁੱਦੇ ਨੂੰ ਲੈ ਕੇ ਹੰਗਾਮਾ ਸ਼ੁਰੂ ਹੋ ਗਿਆ। ਇਸ ਦੌਰਾਨ ਜਦੋਂ ਸੌਰਭ ਜੋਸ਼ੀ ਬੋਲਣ ਲੱਗੇ ਤਾਂ ਕਾਂਗਰਸ ਤੇ ਆਪ ਦੇ ਕੌਂਸਲਰਾਂ ਨੇ ਨਾਅਰੇਬਾਜ਼ੀ ਕਰਨੀ ਸ਼ੁਰੂ ਕਰ ਦਿੱਤੀ।