ਬੇਗੋਵਾਲ, 5 ਫਰਵਰੀ (ਸੁਖਜਿੰਦਰ ਸਿੰਘ) - ਕਸਬਾ ਬੇਗੋਵਾਲ ਦੇ ਨਜ਼ਦੀਕ ਪੈਂਦੇ ਪਿੰਡ ਭਦਾਸ ਦੇ ਅਮਰੀਕਾ ਵਲੋਂ ਡਿਪੋਰਟ ਕੀਤੇ ਗਏ 104 ਭਾਰਤੀਆਂ 'ਚੋਂ ਪੰਜਾਬ ਦੇ 30 ਪੰਜਾਬੀਆਂ 'ਚੋਂ ਪਿੰਡ ਭਦਾਸ ਦੇ ਮਾਂ-ਪੁਤ ਵੀ ਸ਼ਾਮਲ ਸਨ ਜੋ ਅਮਰੀਕਾ ਵਲੋਂ ਡਿਪੋਰਟ ਕਰਨ 'ਤੇ ਅੰਮ੍ਰਿਤਸਰ ਹਵਾਈ ਅੱਡੇ ਤੋਂ ਅੱਜ ਆਪਣੇ ਘਰ ਡੀ. ਐਸ. ਪੀ. ਦਲਜੀਤ ਸਿੰਘ ਤੇ ਡੀ. ਐਸ. ਪੀ. ਭੁਲੱਥ ਕਰਨੈਲ ਸਿੰਘ ਦੀ ਅਗਵਾਈ 'ਚ ਪੁੱਜੇ। ਇਸ ਸਮੇਂ ਪੀੜਤ ਲਵਪ੍ਰੀਤ ਕੌਰ ਨੇ ਦੱਸਿਆ ਕਿ ਉਹ 1 ਜਨਵਰੀ 2025 ਨੂੰ ਆਪਣੇ ਬੇਟੇ ਪ੍ਰਭਜੋਤ ਸਿੰਘ ਨਾਲ ਵਿਦੇਸ਼ ਅਮਰੀਕਾ ਲਈ ਗਏ ਸਨ ਜੋ ਯੂਰਪ ਤੋਂ ਵੱਖ ਵੱਖ ਦੇਸ਼ਾਂ 'ਚੋਂ ਹੁੰਦੇ ਹੋਏ 27 ਜਨਵਰੀ ਅਮਰੀਕਾ ਕੈਂਪ 'ਚ ਵੜੇ ਸਨ ਜਿਥੇ ਸਾਡੀ ਕੋਈ ਵੀ ਗੱਲਬਾਤ ਨਹੀ ਸੁਣੀ ਗਈ ਤੇ ਸਾਨੂੰ ਉਦੋਂ ਪਤਾ ਲੱਗਾ ਜਦੋਂ ਇਕ ਆਰਮੀ ਦੇ ਹਵਾਈ ਜਹਾਜ਼ 'ਤੇ ਅੰਮ੍ਰਿਤਸਰ ਲਈ 5 ਸਾਲ ਦਾ ਡੈਪੂਟੇਸ਼ਨ ਲਗਾ ਕੇ ਡਿਪੋਰਟ ਕਰ ਦਿੱਤਾ ਗਿਆ।ਪੀੜਤ ਮਾਂ ਪੁੱਤ ਦੇ ਘਰ ਪੁੱਜਣ 'ਤੇ ਪਰਿਵਾਰਕ ਮਹੌਲ ਭਾਵੁਕ ਨਜ਼ਰ ਆਇਆ । ਇਸ ਤੋਂ ਇਲਾਵਾ ਉਨ੍ਹਾਂ ਨੇ ਵਿਦੇਸ਼ ਕਿਸ ਤਤਰ੍ਹਾਂ ਤੇ ਕਿਸ ਰਾਹੀਂ ਕਿੰਨੇ ਪੈਸਿਆ 'ਚ ਗਏ ਬਾਰੇ ਕੁਝ ਨਹੀ ਦੱਸਿਆ। ਇਸ ਤੋਂ ਇਲਾਵਾ ਇਸ ਤੋਂ ਨੇੜਲੇ ਪਿੰਡ ਬਰਿਆਰ ਦਾ ਨੌਜਵਾਨ ਹਰਪ੍ਰੀਤ ਸਿੰਘ ਪੁੱਤਰ ਗੁਰਜੰਗ ਸਿੰਘ ਵੀ ਡਿਪੋਰਟ ਕੀਤਾ ਗਿਆ ਜੋ ਦੇਰ ਰਾਤ ਤੱਕ ਆਪਣੇ ਘਰ ਪਹੁੰਚਿਆ ਜਿਸ ਦੇ ਪਰਿਵਾਰਕ ਮੈਂਬਰਾਂ ਵਲੋਂ ਕੋਈ ਵੀ ਜਾਣਕਾਰੀ ਸਾਂਝੀ ਕਰਨ ਤੋਂ ਇਨਕਾਰ ਕਰ ਦਿੱਤਾ ।