ਭਾਰਤੀ ਮਹਿਲਾ ਟੀਮ ਨੇ ਨਿਪਾਲ ਨੂੰ ਹਰਾ ਕੇ ਪਹਿਲਾ ਖੋ-ਖੋ ਵਿਸ਼ਵ ਕੱਪ ਜਿੱਤਿਆ

ਨਵੀਂ ਦਿੱਲੀ, 19 ਜਨਵਰੀ-ਭਾਰਤੀ ਮਹਿਲਾ ਟੀਮ ਨੇ ਨਿਪਾਲ ਨੂੰ 78-40 ਨਾਲ ਹਰਾ ਕੇ ਪਹਿਲਾ ਖੋ-ਖੋ ਵਿਸ਼ਵ ਕੱਪ ਜਿੱਤਿਆ। ਭਾਰਤ ਖੋ-ਖੋ ਦੀ ਪਹਿਲੀ ਵਿਸ਼ਵ ਚੈਂਪੀਅਨ ਟੀਮ ਬਣ ਗਿਆ ਹੈ। ਐਤਵਾਰ ਨੂੰ ਨਵੀਂ ਦਿੱਲੀ ਵਿਚ ਖੇਡੇ ਗਏ ਫਾਈਨਲ ਵਿਚ, ਭਾਰਤੀ ਮਹਿਲਾ ਟੀਮ ਨੇ ਨਿਪਾਲ ਨੂੰ ਇੱਕਤਰਫਾ 38 ਅੰਕਾਂ ਦੇ ਵੱਡੇ ਫਰਕ ਨਾਲ ਹਰਾ ਕੇ ਖਿਤਾਬ ਜਿੱਤਿਆ। ਭਾਰਤੀ ਮਹਿਲਾ ਟੀਮ, ਜੋ ਟੂਰਨਾਮੈਂਟ ਦੇ ਪਹਿਲੇ ਮੈਚ ਤੋਂ ਹੀ ਹਰ ਮੈਚ ਦਬਦਬੇ ਨਾਲ ਜਿੱਤ ਰਹੀ ਹੈ ਅਤੇ ਫਾਈਨਲ ਵਿਚ ਵੀ ਇਹੀ ਅੰਦਾਜ਼ ਜਾਰੀ ਰੱਖਿਆ ਅਤੇ ਨਿਪਾਲ ਨੂੰ 78-40 ਦੇ ਸਕੋਰ ਨਾਲ ਹਰਾ ਕੇ ਚੈਂਪੀਅਨਸ਼ਿਪ ਜਿੱਤੀ।