ਲੋਕਾਂ ਲਈ ਰਾਹਤ ਦੀ ਖ਼ਬਰ - ਕਿਸਾਨਾਂ ਤੇ ਸਰਕਾਰ ਵਿਚਕਾਰ ਬਣੀ ਸਹਿਮਤੀ ਮਗਰੋਂ ਪੰਜਾਬ ਭਰ ਦੇ ਹਾਈਵੇਜ ਖੋਲ੍ਹਣ ਦਾ ਫ਼ੈਸਲਾ

ਫਗਵਾੜਾ, 27 ਅਕਤੂਬਰ (ਹਰਜੋਤ ਸਿੰਘ ਚਾਨਾ)- ਪੰਜਾਬ ਸਰਕਾਰ ਤੇ ਕਿਸਾਨਾਂ ਵਿਚਕਾਰ ਅੱਜ ਚੱਲੀ ਲੰਬੀ ਮੀਟਿੰਗ ਮਗਰੋਂ ਬਣੀ ਸਹਿਮਤੀ ਦੌਰਾਨ ਅੱਜ ਕਿਸਾਨਾਂ ਨੇ ਪੰਜਾਬ ਭਰ ਦੇ ਹਾਈਵੇਅ ਨੂੰ ਖੋਲ੍ਹਣ ਦਾ ਫ਼ੈਸਲਾ ਕਰ ਲਿਆ ਹੈ ਤੇ ਹੁਣ ਜਲਦੀ ਹੀ ਲੋਕਾਂ ਨੂੰ ਰਾਹਤ ਮਿਲੇਗੀ ਤੇ ਹਾਈਵੇਜ ਚਾਲੂ ਕਰ ਦਿੱਤੇ ਜਾਣਗੇ, ਪਰ ਧਰਨੇ ਜਾਰੀ ਰਹਿਣਗੇ । ਇਸ ਬਾਰੇ ਕੁੱਝ ਹੀ ਸਮੇਂ ’ਚ ਫ਼ੈਸਲਾ ਸਾਹਮਣੇ ਆਵੇਗਾ। ਇਸ ਦੀ ਪੁਸ਼ਟੀ ਭਾਰਤੀ ਕਿਸਾਨ ਯੂਨੀਅਨ ਦੋਆਬਾ ਦੇ ਜਨਰਲ ਸਕੱਤਰ ਸਤਨਾਮ ਸਿੰਘ ਸਾਹਨੀ ਨੇ ਕੀਤੀ।