ਰਾਤ ਦੀ ਰੋਟੀ ਵਕਤ ਘਾਬਦਾਂ ਦੇ ਨਸ਼ਾਂ ਛਡਾਊ ਤੇ ਮੁੜ ਵਸੇਵਾਂ ਕੇਂਦਰ ਵਿਚੋਂ 13 ਮਰੀਜ਼ ਭੱਜੇ

ਭਵਾਨੀਗੜ੍ਹ (ਸੰਗਰੂਰ), 20 ਅਪ੍ਰੈਲ (ਲਖਵਿੰਦਰ ਪਾਲ ਗਰਗ) - ਪਿੰਡ ਘਾਬਦਾਂ ਦੇ ਨਸ਼ਾਂ ਛਡਾਊ ਤੇ ਮੁੜ ਵਸੇਵਾ ਕੇਂਦਰ ਵਿਚੋਂ ਰਾਤ ਦੀ ਰੋਟੀ ਖਾਣ ਮੌਕੇ 13 ਮਰੀਜ਼ਾਂ ਦੇ ਭੱਜ ਜਾਣ ਦਾ ਸਮਾਚਾਰ ਮਿਲਿਆ। ਇਸ ਸੰਬੰਧੀ ਸੂਤਰਾਂ ਤੋਂ ਮਿਲੀ ਜਾਣਕਾਰੀ ਅਨੁਸਾਰ ਬੀਤੀ ਰਾਤ ਜਦੋਂ ਇਥੇ ਰਹਿੰਦੇ ਮਰੀਜ਼ਾਂ ਨੂੰ ਰਾਤ ਦਾ ਖਾਣਾ ਖਵਾਇਆ ਜਾ ਰਿਹਾ ਸੀ ਤਾਂ ਇਨ੍ਹਾਂ ਵਿਚੋਂ 13 ਮਰੀਜ਼ਾਂ ਨੇ ਰੋਟੀ ਵਰਤਾਉਣ ਵਾਲੇ ਵਿਅਕਤੀਆਂ ਨੂੰ ਧੱਕਾ ਦੇ ਕੇ ਭੱਜ ਗਏ। ਇਹ ਵੀ ਪਤਾ ਚੱਲਿਆ ਹੈ ਕਿ ਇਸ ਦੀ ਸੂਚਨਾ ਮਿਲਣ 'ਤੇ ਪੁਲਿਸ ਦੇ ਅਧਿਕਾਰੀਆਂ ਨੇ ਇਸ ਕੇਂਦਰ ’ਚ ਪਹੁੰਚ ਕੇ ਘਟਨਾ ਦਾ ਜਾਇਜ਼ਾ ਲਿਆ ਹੈ।