ਅੱਜ ਵਿੱਤ ਮੰਤਰੀ ਮਹਾਕੁੰਭ ’ਚ ਲਗਾਉਣਗੇ ਡੁਬਕੀ

ਪ੍ਰਯਾਗਰਾਜ, 19 ਫਰਵਰੀ- ਮਹਾਂਕੁੰਭ ​​ਦੀ ਸਮਾਪਤੀ ਲਈ ਸਿਰਫ਼ 7 ਦਿਨ ਬਾਕੀ ਹਨ, ਪਰ ਸ਼ਰਧਾਲੂਆਂ ਦੀ ਭੀੜ ਘੱਟ ਨਹੀਂ ਹੋ ਰਹੀ ਹੈ। 38 ਦਿਨਾਂ ਵਿਚ ਕੁੱਲ 55.56 ਕਰੋੜ ਸ਼ਰਧਾਲੂਆਂ ਨੇ ਡੁਬਕੀ ਲਗਾਈ। ਅੱਜ ਸਵੇਰੇ 8 ਵਜੇ ਤੱਕ 30.94 ਲੱਖ ਸ਼ਰਧਾਲੂਆਂ ਨੇ ਸੰਗਮ ਵਿਚ ਇਸ਼ਨਾਨ ਕੀਤਾ ਹੈ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ, ਕੇਂਦਰੀ ਮੰਤਰੀ ਗਿਰੀਰਾਜ ਸਿੰਘ ਅਤੇ ਕਈ ਰਾਜਾਂ ਦੇ ਮੰਤਰੀ ਅੱਜ ਮਹਾਂਕੁੰਭ ​​ਵਿਚ ਡੁਬਕੀ ਲਗਾਉਣਗੇ। ਸੋਸ਼ਲ ਮੀਡੀਆ ’ਤੇ ਇਕ ਅਫਵਾਹ ਫੈਲਾਈ ਜਾ ਰਹੀ ਹੈ ਕਿ ਸਰਕਾਰ ਨੇ ਭੀੜ ਨੂੰ ਦੇਖਦੇ ਹੋਏ ਮਹਾਂਕੁੰਭ ​​ਮੇਲਾ ਮਾਰਚ ਤੱਕ ਵਧਾ ਦਿੱਤਾ ਹੈ। ਇਸ ’ਤੇ ਪ੍ਰਯਾਗਰਾਜ ਦੇ ਡੀ.ਐਮ. ਰਵਿੰਦਰ ਮੰਡਾਰ ਨੇ ਕਿਹਾ ਕਿ ਅਫਵਾਹਾਂ ’ਤੇ ਧਿਆਨ ਨਾ ਦਿਓ। ਮਹਾਂਕੁੰਭ ​​ਮੇਲਾ 26 ਫਰਵਰੀ ਨੂੰ ਹੀ ਸਮਾਪਤ ਹੋਵੇਗਾ।