ਪਰਿਵਾਰ ਸਮੇਤ ਵੋਟ ਪਾਉਣ ਪੁੱਜੇ ਕਾਂਗਰਸੀ ਨੇਤਾ ਭੁਪੇਂਦਰ ਸਿੰਘ ਹੁੱਡਾ

ਰੋਹਤਕ, 5 ਅਕਤੂਬਰ- ਹਰਿਆਣਾ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਕਾਂਗਰਸੀ ਨੇਤਾ ਭੁਪੇਂਦਰ ਸਿੰਘ ਹੁੱਡਾ ਆਪਣੇ ਪੁੱਤਰ ਦੀਪੇਂਦਰ ਸਿੰਘ ਹੁੱਡਾ ਅਤੇ ਪਰਿਵਾਰ ਦੇ ਹੋਰਨਾਂ ਮੈਂਬਰਾਂ ਦੇ ਨਾਲ ਰੋਹਤਕ ਦੇ ਆਪਣੇ ਜੱਦੀ ਪਿੰਡ ਸਾਂਘੀ ਦੇ ਵੋਟਿੰਗ ਸੈਂਟਰ ’ਤੇ ਆਪਣੀ ਵੋਟ ਪਾਉਣ ਪੁੱਜੇ। ਭੁਪੇਂਦਰ ਸਿੰਘ ਹੁੱਡਾ ਗੜੀ ਸਾਂਪਲਾ-ਕਿਲੋਈ ਤੋਂ ਕਾਂਗਰਸ ਦੇ ਉਮੀਦਵਾਰ ਹਨ। ਇਸ ਮੌਕੇ ਪੱਤਰਕਾਰਾਂ ਨਾਲ ਗੱਲ ਕਰਦੇ ਹੋਏ ਉਨ੍ਹਾਂ ਕਿਹਾ ਕਿ ਹਰਿਆਣਾ ਵਿਚ ਕਾਂਗਰਸ ਆ ਰਹੀ ਹੈ ਤੇ ਭਾਜਪਾ ਜਾ ਰਹੀ ਹੈ।