ਮੰਡੀ ਕਿੱਲਿਆਂਵਾਲੀ, 31 ਜਨਵਰੀ (ਇਕਬਾਲ ਸਿੰਘ ਸ਼ਾਂਤ)-ਪੀ.ਐੱਮ. ਸ੍ਰੀ ਸਕੂਲ ਜਵਾਹਰ ਨਵੋਦਿਆ ਵਿਦਿਆਲਿਆ ਵੜਿੰਗਖੇੜਾ ਵਿਚ ਅੰਤਰ-ਸਕੂਲ ਪ੍ਰਸ਼ਨ-ਉਤਰ ਮੁਕਾਬਲਾ ਕਰਵਾਇਆ ਗਿਆ | ਆਪ੍ਰੇਸ਼ਨ ਸੰਧੂਰ ਅਤੇ ਸਵਦੇਸ਼ੀ ਵਿਸ਼ੇ 'ਤੇ ਆਧਾਰਿਤ ਮੁਕਾਬਲੇ ਵਿਚ 11ਵੀਂ ਜਮਾਤ ਦੀ ਵਿਦਿਆਰਥਣ ਕਣਨ ਮਿੱਤਲ ਪੁੱਤਰੀ ਵਰੁਣ ਮਿੱਤਲ ਵਾਸੀ ਡੱਬਵਾਲੀ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਪਹਿਲਾ ਸਥਾਨ ਹਾਸਿਲ ਕੀਤਾ | ਇਸ ਮੁਕਾਬਲੇ ਵਿਚ ਜ਼ਿਲ੍ਹਾ ਸ੍ਰੀ ਮੁਕਤਸਰ ਸਾਹਿਬ ਦੇ ਆਕਸਫੋਰਡ ਇੰਟਰਨੈਸ਼ਨਲ ਸਕੂਲ ਸਿੰਘੇਵਾਲਾ ਢਾਣੀ, ਸਰਕਾਰੀ ਹਾਈ ਸਕੂਲ ਤਰਮਾਲਾ, ਹਾਈ ਸਕੂਲ ਹਾਕੂਵਾਲਾ, ਸਰਕਾਰੀ ਹਾਈ ਸਕੂਲ ਵੜਿੰਗਖੇੜਾ ਅਤੇ ਪੀ.ਐੱਮ. ਸ੍ਰੀ ਸਕੂਲ ਜਵਾਹਰ ਨਵੋਦਿਆ ਵਿਦਿਆਲਿਆ ਵੜਿੰਗਖੇੜਾ ਸਮੇਤ ਹੋਰਨਾਂ ਸਕੂਲਾਂ ਦੇ ਵਿਦਿਆਰਥੀ ਸ਼ਾਮਿਲ ਰਹੇ | ਮੁਕਾਬਲੇ ਵਿਚ ਜੂਨੀਅਰ ਵਰਗ (ਕਲਾਸ 6ਵੀਂ ਤੋਂ 8ਵੀਂ) ਵਿਚ ਲਵਦੀਪ ਕੌਰ, ਅਕਸ਼ਿਤਾ, ਦਕਸ਼, ਸੁਖਮਨ ਸਿੰਘ ਤੇ ਅਕਸ਼ਿਤਾ ਨੇ ਜਿੱਤ ਹਾਸਲ ਕੀਤੀ | ਜਦਕਿ ਸੀਨੀਅਰ ਵਰਗ (ਕਲਾਸ 9ਵੀਂ ਤੋਂ 12ਵੀਂ) ਵਿਚ ਕਣਨ ਮਿੱਤਲ, ਅਰਜੂ ਕੰਬੋਜ, ਆਰਾਧਿਆ, ਪ੍ਰਭਲੀਨ ਸਿੱਧੂ ਅਤੇ ਪੁਲਕਿਤ ਜੇਤੂ ਰਹੇ | ਇਸ ਮੌਕੇ ਜਵਾਹਰ ਨਵੋਦਿਆ ਵਿਦਿਆਲਿਆ ਵੜਿੰਗਖੇੜਾ ਦੇ ਪਿ੍ੰਸੀਪਲ ਪੀ.ਕੇ. ਬੈਣੀਵਾਲ ਨੇ ਸਾਰੇ ਭਾਗੇਦਾਰਾਂ ਨੂੰ ਵਧਾਈ ਦਿੰਦਿਆਂ ਉਨ੍ਹਾਂ ਦੇ ਸੁਚੱਜੇ ਭਵਿੱਖ ਦੀ ਕਾਮਨਾ ਕੀਤੀ |
