ਕਪੂਰਥਲਾ, 19 ਜੁਲਾਈ (ਅਮਨਜੋਤ ਸਿੰਘ ਵਾਲੀਆ)- ਪੀਰ ਚੌਧਰੀ ਰੋਡ 'ਤੇ ਪਸ਼ੂ ਪਾਲਣ ਵਿਭਾਗ ਦਫ਼ਤਰ ਦੇ ਅੰਦਰ ਇਕ ਸਫ਼ੈਦੇ ਦਾ ਰੁੱਖ ਜੋ ਕਿ ਹਾਈ ਵੋਲਟੇਜ ਤਾਰਾਂ ਦੇ ਸਹਾਰੇ ਖੜ੍ਹਾ ਹੈ, ਜੋ ਕਿਸੇ ਵੇਲੇ ਵੀ ਹੇਠਾਂ ਡਿਗ ਕਿਸੇ ਦਾ ਜਾਨੀ ਨੁਕਸਾਨ ਕਰ ਸਕਦਾ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਗਰੇਟਰ ਕੈਲਾਸ਼ ਕਲੋਨੀ ਦੇ ਵਾਸੀ ਰਕੇਸ਼ ਕਟੋਚ ਅਤੇ ਜਗਜੀਤ ਸਿੰਘ ਨੇ ਦੱਸਿਆ ਕਿ ਪਸ਼ੂ ਪਾਲਣ ਵਿਭਾਗ ਦੇ ਦਫ਼ਤਰ ਅੰਦਰ ਇਕ ਸਫ਼ੈਦੇ ਦਾ ਦਰਖ਼ਤ ਹੈ ਟੁੱਟ ਕੇ ਹਾਈ ਵੋਲਟੇਜ ਤਾਰਾਂ ਦੇ ਸਹਾਰੇ ਖੜ੍ਹਾ ਹੈ, ਜੋ ਕਿ ਕਿਸੇ ਸਮੇਂ ਵੀ ਡਿਗ ਸਕਦਾ ਹੈ | ਉਨ੍ਹਾਂ ਦੱਸਿਆ ਕਿ ਜਿਸ ਜਗ੍ਹਾ 'ਤੇ ਸਫ਼ੈਦੇ ਦਰਖ਼ਤ ਹੈ, ਉਸ ਦੇ ਨੇੜੇ ਹੀ ਸਕੂਲ ਹੈ ਅਤੇ ਇਸੇ ਸੜਕ 'ਤੇ ਬਾਬਾ ਪੀਰ ਚੌਧਰੀ ਦਾ ਦਰਬਾਰ ਹੈ, ਜਿਸ ਕਾਰਨ ਇਸ ਸੜਕ 'ਤੇ ਕਾਫ਼ੀ ਆਵਾਜਾਈ ਰਹਿੰਦੀ ਹੈ | ਉਨ੍ਹਾਂ ਮੰਗ ਕੀਤੀ ਕਿ ਇਸ ਦਰਖ਼ਤ ਨੂੰ ਕਟਵਾਇਆ ਜਾਵੇ ਤਾਂ ਜੋ ਕਿਸੇ ਦਾ ਜਾਨੀ ਮਾਲੀ ਨੁਕਸਾਨ ਨਾ ਹੋਵੇ | ਇਸ ਮੌਕੇ ਡਾ. ਮੁਹੰਮਦ ਰਮਜ਼ਾਨ, ਕਿਰਪਾਲ ਸਿੰਘ, ਅਮਨ ਬੱਤਰਾ, ਮਨਜਿੰਦਰ ਸਿੰਘ, ਅਮਨ ਬਹਿਲ, ਰਜਿੰਦਰ ਕੁਮਾਰ, ਮਨੀ ਆਦਿ ਹਾਜ਼ਰ ਸਨ |
