ਜਲੰਧਰ, 16 ਜੁਲਾਈ (ਅ.ਬ.) - ਸ਼ਿਵ ਜੋਤੀ ਪਬਲਿਕ ਸਕੂਲ 'ਚ ਪ੍ਰਬੰਧਕਾਂ ਤੇ ਪ੍ਰਧਾਨ ਸ੍ਰੀਮਤੀ ਪ੍ਰਵੀਣ ਸ਼ੈਲੀ ਦੀ ਅਗਵਾਈ 'ਚ ਵਿਦਿਆਰਥੀਆਂ ਲਈ ਗਤੀਵਿਧੀਆਂ ਕਰਵਾਈਆਂ ਗਈਆਂ | ਖ਼ਾਸ ਤੌਰ 'ਤੇ ਬੱਚਿਆਂ ਲਈ ਕਲਾਕ੍ਰਿਤੀਆਂ 'ਚ ਰੰਗ ਭਰਨ ਦੀ ਗਤੀਵਿਧੀ ਕਰਵਾਈ ਗਈ ਜਿਸ ਵਿੱਚ ਬੱਚਿਆਂ ਨੇ ਸ੍ਰੀਮਤੀ ਪਿ੍ਅੰਕਾ ਠੁਕਰਾਲ ਦੀ ਅਗਵਾਈ 'ਚ ਉਤਸ਼ਾਹ ਨਾਲ ਭਾਗ ਲਿਆ | ਪ੍ਰਧਾਨ ਸ੍ਰੀਮਤੀ ਪ੍ਰਵੀਣ ਸ਼ੈਲੀ, ਉਪ ਪ੍ਰਧਾਨ ਰਮਨਦੀਪ, ਸਹਾਇਕ ਉਪ ਪ੍ਰਧਾਨ ਸ੍ਰੀਮਤੀ ਮਮਤਾ ਅਰੋੜਾ ਨੇ ਮੋਨਿਕਾ ਸ਼ਰਮਾ ਅਤੇ ਸ੍ਰੀਮਤੀ ਆਰਤੀ ਖੰਨਾ ਵਲੋਂ ਐਲਾਨੇ ਹੋਏ ਜੇਤੂਆਂ ਨੂੰ ਇਨਾਮ ਤੇ ਪ੍ਰਮਾਣ ਪੱਤਰ ਦੇ ਕੇ ਸਨਮਾਨਿਤ ਕੀਤਾ | ਡਾ: ਵਿਦੁਰ ਜੋਤੀ ਚੇਅਰਮੈਨ ਟਰੱਸਟ, ਡਾ: ਸੁਵਿਕਰਮ ਜੋਤੀ ਚੇਅਰਮੈਨ ਕਮ ਮੈਨੇਜਰ ਤੋਂ ਇਲਾਵਾ ਮੈਨੇਜਿੰਗ ਕਮੇਟੀ, ਜਨਰਲ ਸੈਕਟਰੀ ਨੇ ਵੀ ਜੇਤੂਆਂ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ |
