ਅੰਮਿ੍ਤਸਰ, 19 ਜੁਲਾਈ (ਰਾਜੇਸ਼ ਕੁਮਾਰ ਸ਼ਰਮਾ)-ਆਬਕਾਰੀ ਵਿਭਾਗ ਨੇ ਪੁਲਿਸ ਟੀਮ ਦੇ ਸਹਿਯੋਗ ਨਾਲ ਨਾਜਾਇਜ਼ ਸ਼ਰਾਬ ਸਮੇਤ ਇਕ ਵਿਅਕਤੀ ਨੂੰ ਕਾਬੂ ਕੀਤਾ ਹੈ | ਜਾਣਕਾਰੀ ਮੁਤਾਬਕ ਈ. ਟੀ. ਓ. ਲਲਿਤ ਕੁਮਾਰ ਦੀ ਨਿਗਰਾਨੀ ਹੇਠ ਆਬਕਾਰੀ ਇੰਸਪੈਕਟਰ ਰਵਿੰਦਰ ਬਾਜਵਾ (ਅੰਮਿ੍ਤਸਰ-ਪੂਰਬੀ) ਦੀ ਅਗਵਾਈ ਵਲੋਂ ਆਬਕਾਰੀ ਪੁਲਿਸ ਸਟਾਫ ਅੰਮਿ੍ਤਸਰ-1 ਅਤੇ ਥਾਣਾ ਮੋਹਕਮਪੁਰਾ ਸਟਾਫ ਨਾਲ ਮਿਲ ਕੇ ਚੈਕਿੰਗ ਦੌਰਾਨ ਐਕਟਿਵਾ ਨੰਬਰ ਪੀ.ਬੀ. 89 3252 ਸਵਾਰ ਵਿਅਕਤੀ ਨੂੰ ਰੋਕਿਆ, ਜਿਸਦੀ ਪਛਾਣ ਦਲਬੀਰ ਸਿੰਘ ਪੁੱਤਰ ਕੁਣਨ ਸਿੰਘ ਵਾਸੀ ਤੁੰਗ ਪਾਈ ਮੋਹਕਮਪੁਰਾ ਵਜੋਂ ਹੋਈ ਹੈ | ਚੈਕਿੰਗ ਦੌਰਾਨ ਇਸ ਕੋਲੋਂ ਪੰਜਾਬ ਫਸਟ ਚੁਆਇਸ ਬ੍ਰਾਂਡ (750 ਮਿ.ਲੀ./750 ਮਿ.ਲੀ.) ਦੀਆਂ 20 ਬੋਤਲਾਂ, ਪੰਜਾਬ ਕਲੱਬ (750/750 ਮਿ.ਲੀ.) ਦੀਆਂ 28 ਬੋਤਲਾਂ ਬਰਾਮਦ ਕੀਤੀਆਂ ਗਈਆਂ, ਜੋ ਬਿਨਾਂ ਹੋਲੋਗ੍ਰਾਮ ਦੇ ਸਨ | ਇਸ ਸੰਬੰਧੀ ਥਾਣਾ ਮੋਹਕਮਪੁਰਾ ਦੀ ਪੁਲਿਸ ਨੇ ਵਿਅਕਤੀ ਨੂੰ ਗਿ੍ਫ਼ਤਾਰ ਕਰਕੇ ਆਬਕਾਰੀ ਐਕਟ ਤਹਿਤ ਮਾਮਲਾ ਦਰਜ਼ ਕਰ ਲਿਆ ਹੈ |
