ਬਲਾਕ ਸੜੋਆ ਦੇ ਮਿਡਲ ਸਕੂਲਾਂ ’ਚ ਅਧਿਆਪਕਾਂ ਦੀ ਘਾਟ ਕਦੋਂ ਪੂਰੀ ਹੋਵੇਗੀ

ਸੜੋਆ, 19 ਅਕਤੂਬਰ (ਹਰਮੇਲ ਸਹੂੰਗੜਾ)-ਬਲਾਕ ਸੜੋਆ ਦੇ ਮਿਡਲ ਸਕੂਲਾਂ ਵਿਚ ਅਧਿਆਪਕਾਂ ਦੀਆਂ ਖਾਲੀ ਪਈਆਂ ਕੁਝ ਪੋਸਟਾਂ ਸੰਬੰਧੀ ਪਿੰਡਾਂ ਦੇ ਲੋਕਾਂ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਆਲੇ ਦੁਆਲੇ ਦੇ ਪਿੰਡਾਂ ਵਿਚ ਜਿਵੇਂ ਕਿ ਮਿਲਡ ਸਕੂਲ ਆਲੋਵਾਲ ਵਿਖੇ ਕੁਲ ਪੋਸਟਾਂ ਚਾਰ ਇਕ ਪੋਸਟ ਭਰੀ ਹੋਈ ਤਿੰਨ ਪੋਸਟਾਂ ਖਾਲੀ ਅਤੇ ਇਕ ਅਧਿਆਪਕ ਡੈਪੂਟੇਸ਼ਨ ’ਤੇ ਬੱਚਿਆਂ ਨੂੰ ਪੜ੍ਹਾ ਰਹੇ ਹਨ। ਇਸੇ ਤਰ੍ਹਾਂ ਸਰਕਾਰੀ ਮਿਡਲ ਸਕੂਲ ਕਰੀਮਪੁਰ ਧਿਆਨੀ ਵਿਖੇ ਕੁੱਲ ਬੱਚੇ 16 ਇਕ ਅਧਿਆਪਕ ਦੋ ਪੋਸਟਾਂ, ਇਸੇ ਤਰ੍ਹਾਂ ਦਿਆਲਾ ਸਕੂਲ 24 ਬੱਚੇ, ਜੈਨਪੁਰ ’ਚ 23, ਕਰੀਮਪੁਰ ਚਾਹਵਾਲਾ 21, ਕਟਵਾਰਾ ਕਲਾਂ ’ਚ 21, ਮਝੋਟ ’ਚ 38, ਮੰਗੂਪੁਰ ’ਚ 41, ਮੋਜੋਵਾਲ ਮਜਾਰਾ 31, ਪੈਲੀ 12, ਸਾਧੜਾ 33, ਸਹੂੰਗੜਾ 17, ਸਜਾਵਲ 49 ਅਤੇ ਗੌਰਮੈਂਟ ਮਿਡਲ ਸਕੂਲ ਟੋਲੋਵਾਲ ’ਚ 31 ਬੱਚੇ ਪੜ੍ਹ ਰਹੇ ਹਨ।