ਸਫ਼ਦਰਜੰਗ ਹਸਪਤਾਲ ਨੇ ਕੁਝ ਖਾਸ ਕਿਸਮਾਂ ਦੇ ਲਿਮਫੋਮਾ ਅਤੇ ਬਲੱਡ ਕੈਂਸਰ ਦੇ ਇਲਾਜ ਲਈ ਆਪਣੀ ਪਹਿਲੀ ਟੀ-ਸੈੱਲ ਥੈਰੇਪੀ ਕੀਤੀ

ਨਵੀਂ ਦਿੱਲੀ, 24 ਜਨਵਰੀ (ਏਐਨਆਈ)- ਵੀਐਮਐਮਸੀ ਅਤੇ ਸਫਦਰਜੰਗ ਹਸਪਤਾਲ ਨੇ ਪ੍ਰੋਫੈਸਰ ਸੰਦੀਪ ਬਾਂਸਲ (ਮੈਡੀਕਲ ਸੁਪਰਡੈਂਟ) ਦੀ ਅਗਵਾਈ ਹੇਠ ਆਪਣੀ ਪਹਿਲੀ ਚਾਈਮੇਰਿਕ ਐਂਟੀਜੇਨ ਰੀਸੈਪਟਰ (ਸੀਏਆਰ ) ਟੀ-ਸੈੱਲ ਥੈਰੇਪੀ ਸਫਲਤਾਪੂਰਵਕ ਕੀਤੀ ਹੈ, ਜੋ ਕਿ ਕੁਝ ਖਾਸ ਕਿਸਮਾਂ ਦੇ ਲਿਮਫੋਮਾ ਅਤੇ ਬਲੱਡ ਕੈਂਸਰਾਂ ਲਈ ਇਕ ਨਵਾਂ ਇਲਾਜ ਹੈ।  ਸਫਦਰਜੰਗ ਹਸਪਤਾਲ ਦੁਆਰਾ ਜਾਰੀ ਬਿਆਨ ਦੇ ਅਨੁਸਾਰ, "ਇਹ ਮਹੱਤਵਪੂਰਨ ਪ੍ਰਾਪਤੀ ਮੈਡੀਕਲ ਓਨਕੋਲੋਜੀ ਵਿਭਾਗ ਦੇ ਸਮਰਪਣ ਅਤੇ ਮੁਹਾਰਤ ਦੁਆਰਾ ਸੰਭਵ ਹੋਈ ਹੈ, ਜਿਸ ਦੀ ਅਗਵਾਈ ਵਿਭਾਗ ਦੇ ਮੁਖੀ ਡਾ. ਕੌਸ਼ਲ ਕਾਲਰਾ ਨੇ ਕੀਤੀ।"