ਵਿਜੀਲੈਂਸ ਬਿਊਰੋ ਵਲੋਂ ਤਹਿਸੀਲਦਾਰ ਤਪਾ ਨੂੰ 20 ਹਜ਼ਾਰ ਰਿਸ਼ਵਤ ਲੈਂਦੇ ਕੀਤਾ ਕਾਬੂ

ਬਰਨਾਲਾ, 27 ਨਵੰਬਰ (ਨਰਿੰਦਰ ਅਰੋੜਾ)-ਵਿਜੀਲੈਂਸ ਬਿਊਰੋ ਬਰਨਾਲਾ ਵਲੋਂ ਤਹਿਸੀਲਦਾਰ ਤਪਾ ਸੁਖਚਰਨ ਸਿੰਘ ਨੂੰ 20 ਹਜ਼ਾਰ ਰੁਪਏ ਰੰਗੇ ਹੱਥੀਂ ਲੈਂਦੇ ਕਾਬੂ ਕੀਤਾ ਗਿਆ। ਡੀ.ਐਸ.ਪੀ. ਵਿਜੀਲੈਂਸ ਬਰਨਾਲਾ ਲਵਪ੍ਰੀਤ ਸਿੰਘ ਅਤੇ ਇੰਸਪੈਕਟਰ ਗੁਰਮੇਲ ਸਿੰਘ ਨੇ ਦੱਸਿਆ ਕਿ ਅਮਰੀਕ ਸਿੰਘ ਦੇ ਦੋਸਤ ਹਰਭਜਨ ਸਿੰਘ ਦੀ ਸਹੀ ਰਜਿਸਟਰੀ ਸੀ, ਜਿਸ ਬਾਬਤ ਤਹਿਸੀਲਦਾਰ ਤਪਾ ਸੁਖਚਰਨ ਸਿੰਘ ਵਲੋਂ 20 ਹਜ਼ਾਰ ਰੁਪਏ ਦੀ ਮੰਗ ਕੀਤੀ ਗਈ ਸੀ ਅਤੇ ਅਮਰੀਕ ਸਿੰਘ ਵਲੋਂ ਸ਼ਿਕਾਇਤ ਵਿਜੀਲੈਂਸ ਬਰਨਾਲਾ ਵਿਖੇ ਕੀਤੀ ਗਈ ਅਤੇ ਸਾਡੀ ਟੀਮ ਵਲੋਂ ਕਾਰਵਾਈ ਕਰਦੇ ਹੋਏ ਤਹਿਸੀਲਦਾਰ ਤਪਾ ਸੁਖਚਰਨ ਸਿੰਘ ਨੂੰ 20 ਹਜ਼ਾਰ ਰੁਪਏ ਲੈਂਦਿਆਂ ਰੰਗੇ ਹੱਥੀਂ ਕਾਬੂ ਕਰਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।