ਕਿਸਾਨ ਪਰਿਵਾਰ ਦੀ ਧੀ ਸ਼ਹਿਰੀਨ ਹਾਂਡਾ ਕੰਬੋਜ਼ ਨੇ ਰੈਸਲਿੰਗ 'ਚ ਸਿਲਵਰ ਮੈਡਲ ਜਿੱਤਿਆ

ਮਲੇਰਕੋਟਲਾ, 21 ਨਵੰਬਰ (ਮੁਹੰਮਦ ਹਨੀਫ਼ ਥਿੰਦ)-'ਖੇਡਾਂ ਵਤਨ ਪੰਜਾਬ ਦੀਆਂ ਸੀਜ਼ਨ-3' ਦੇ ਰੈਸਲਿੰਗ ਮੁਕਾਬਲੇ ਜ਼ਿਲ੍ਹਾ ਮਾਨਸਾ ਵਿਖੇ ਸ਼ਾਨੋ-ਸ਼ੌਕਤ ਨਾਲ ਸਮਾਪਤ ਹੋਏ। ਇਨ੍ਹਾਂ ਪੰਜਾਬ ਪੱਧਰੀ ਹੋਏ ਰੈਸਲਿੰਗ ਮੁਕਾਬਲੇ ਵਿਚ ਜ਼ਿਲ੍ਹਾ ਮਲੇਰਕੋਟਲਾ ਦੇ ਇਲਾਕਾ ਕਿਲ੍ਹਾ ਰਹਿਮਤਗੜ੍ਹ ਦੇ ਕਿਸਾਨ ਡਾਕਟਰ ਅਨਵਾਰ ਹਾਂਡਾ ਕੰਬੋਜ਼ ਦੀ ਹੋਣਹਾਰ ਬੇਟੀ ਸ਼ਹਿਰੀਨ ਹਾਂਡਾ (ਕੰਬੋਜ਼) ਨੇ ਰੈਸਲਿੰਗ ਮੁਕਾਬਲੇ ਵਿਚ ਸਿਲਵਰ ਮੈਡਲ ਜਿੱਤਿਆ। ਇਲਾਕੇ ਅਤੇ ਖੇਡ ਪ੍ਰੇਮੀਆਂ ਵਿਚ ਖੁਸ਼ੀ ਦੀ ਲਹਿਰ ਹੈ।