ਐਡਮਿਰਲ ਦਿਨੇਸ਼ ਕੇ. ਤ੍ਰਿਪਾਠੀ 1 ਤੋਂ 4 ਜੁਲਾਈ ਤੱਕ ਚਾਰ ਦਿਨਾਂ ਲਈ ਬੰਗਲਾਦੇਸ਼ ਦੇ ਅਧਿਕਾਰਤ ਦੌਰੇ 'ਤੇ ਜਾਣਗੇ

ਨਵੀਂ ਦਿੱਲੀ, 30 ਸੂਚੀ - ਜਲ ਸੈਨਾ ਦੇ ਇਕ ਪ੍ਰੈਸ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਐਡਮਿਰਲ ਦਿਨੇਸ਼ ਕੇ. ਤ੍ਰਿਪਾਠੀ 1 ਤੋਂ 4 ਜੁਲਾਈ ਤੱਕ ਚਾਰ ਦਿਨਾਂ ਲਈ ਬੰਗਲਾਦੇਸ਼ ਦੇ ਅਧਿਕਾਰਤ ਦੌਰੇ 'ਤੇ ਜਾਣਗੇ। ਇਸ ਦੌਰੇ ਦਾ ਉਦੇਸ਼ ਭਾਰਤ ਅਤੇ ਬੰਗਲਾਦੇਸ਼ ਦਰਮਿਆਨ ਦੁਵੱਲੇ ਰੱਖਿਆ ਸੰਬੰਧਾਂ ਨੂੰ ਮਜ਼ਬੂਤ ​​ਕਰਨਾ ਅਤੇ ਜਲ ਸੈਨਾ ਸਹਿਯੋਗ ਲਈ ਨਵੇਂ ਮੌਕਿਆਂ ਦੀ ਖੋਜ ਕਰਨਾ ਹੈ। ਜਲ ਸੈਨਾ ਮੁਖੀ ਆਪਣੇ ਹਮਰੁਤਬਾ ਐਡਮਿਰਲ ਐੱਮ ਨਜ਼ਮੁਲ ਹਸਨ, ਜਲ ਸੈਨਾ ਦੇ ਮੁਖੀ, ਬੰਗਲਾਦੇਸ਼ ਨੇਵੀ ਸਟਾਫ਼ ਦੇ ਨਾਲ ਢਾਕਾ ਵਿਚ ਦੁਵੱਲੀ ਗੱਲਬਾਤ ਕਰਨਗੇ ਅਤੇ 4 ਜੁਲਾਈ ਨੂੰ ਚਟਗਾਓਂ ਵਿਖੇ ਬੰਗਲਾਦੇਸ਼ ਨੇਵਲ ਅਕੈਡਮੀ (ਬੀ.ਐਨ.ਏ.) ਵਿਚ ਹੋਣ ਵਾਲੀ ਪਾਸਿੰਗ ਆਊਟ ਪਰੇਡ ਦੀ ਸਮੀਖਿਆ ਵੀ ਕਰਨਗੇ।