ਨਵੀਂ ਦਿੱਲੀ,10 ਅਪ੍ਰੈਲ(ਜਗਤਾਰ ਸਿੰਘ)-ਸਮਾਜ ਸੇਵਾ ਤੇ ਮਨੁੱਖਤਾ ਦੀ ਭਲਾਈ ਨੂੰ ਸਮਰਪਿਤ ਸੰਸਥਾ 'ਕੋਸ਼ਿਸ਼-ਏ-ਅਮਨ' ਦੇ ਮੁਖੀ ਗੁਰਲਾਡ ਸਿੰਘ ਕਾਹਲੋਂ (ਸੁਪਰੀਮ ਕੋਰਟ ਵਿਚ 1984 ਮਾਮਲਿਆਂ ਦੇ ਪਟੀਸ਼ਨਰ) ਦੀ ਅਗਵਾਈ ਵਿਚ ਸੰਸਥਾ ਦੇ ਇੱਕ ਵਫ਼ਦ ਨੇ ਨਵੀਂ ਦਿੱਲੀ ਸਥਿਤ ਇਰਾਨ ਦੂਤਾਵਾਸ ਵਿਖੇ ਰਾਜਦੂਤ ਡਾ. ਮੁਹੰਮਦ ਫਤਹਾਲੀ ਨਾਲ ਮੁਲਾਕਾਤ ਕੀਤੀ ¢ ਵਫ਼ਦ ਵੱਲੋਂ ਇਰਾਨ ਦੇ ਲੋਕਾਂ ਨਾਲ ਇੱਕਜੁੱਟਤਾ ਪ੍ਰਗਟਾਈ ਗਈ ਅਤੇ ਮੌਜੂਦਾ ਸਮੇਂ ਚੱਲ ਰਹੇ ਸੰਘਰਸ਼ ਵਿਚ ਪ੍ਰਭਾਵਿਤ ਲੋਕਾਂ ਲਈ ਲਗਭਗ 6 ਲੱਖ ਰੁਪਏ ਦੀਆਂ ਦਵਾਈਆਂ ਦੇ ਰੂਪ ਵਿਚ ਮਨੁੱਖੀ ਸਹਾਇਤਾ ਪ੍ਰਦਾਨ ਕੀਤੀ ਗਈ ¢ ਵਫ਼ਦ ਵੱਲੋਂ ਇਰਾਨ ਦੇ ਸੁਪਰੀਮ ਆਗੂ ਆਯਤੁੱਲਾਹ ਅਲੀ ਖਾਮਨੇਈ ਸਮੇਤ ਹੋਰ ਸੀਨੀਅਰ ਆਗੂਆਂ ਅਤੇ ਨਿਰਦੋਸ਼ ਨਾਗਰਿਕਾਂ ਦੀ ਸ਼ਹਾਦਤ 'ਤੇ ਆਪਣੀਆਂ ਸੰਵੇਦਨਾਵਾਂ ਵੀ ਪ੍ਰਗਟ ਕੀਤੀਆਂ ¢ ਇਸ ਮੁਸ਼ਕਲ ਸਮੇਂ ਵਿਚ ਇਰਾਨ ਦੇ ਨਾਲ ਖੜੇ ਹੋਣ ਲਈ ਰਾਜਦੂਤ ਡਾ. ਮੁਹੰਮਦ ਫਤਹਾਲੀ ਨੇ 'ਕੋਸ਼ਿਸ਼-ਏ-ਅਮਨ' ਦਾ ਵਿਸ਼ੇਸ਼ ਧੰਨਵਾਦ ਕੀਤਾ ¢ ਇੱਥੇ ਦੱਸਣਯੋਗ ਹੈ ਕਿ ਗੁਰਲਾਡ ਸਿੰਘ ਕਾਹਲੋਂ ਵੱਲੋਂ ਪਿਛਲੇ ਮਹੀਨੇ ਵੀ ਇਰਾਨ ਦੇ ਰਾਜਦੂਤ ਨੂੰ 5 ਲੱਖ ਰੁਪਏ ਦੀ ਰਾਸ਼ੀ ਪ੍ਰਭਾਵਿਤਾਂ ਵਾਸਤੇ ਦਾਨ ਵੱਜੋ ਸੌਂਪੀ ਗਈ ਸੀ ¢ ਇਸ ਤੋਂ ਇਲਾਵਾ ਵਫ਼ਦ ਵੱਲੋਂ ਡਾ. ਆਗਾ ਮਜ਼ੀਦ ਹਕੀਮ ਇਲਾਹੀ ਅਤੇ ਡਾ. ਮੁਹੰਮਦ ਹੁਸੈਨ ਜ਼ਿਆਈਨੀਆ ਨਾਲ ਵੀ ਮੁਲਾਕਾਤ ਕਰਕੇ ਮਹੱਤਵਪੂਰਨ ਮਸਲਿਆਂ ਬਾਰੇ ਵਿਚਾਰ ਵਟਾਂਦਰਾ ਕੀਤਾ ਗਿਆ ¢ ਇਸ ਵਫ਼ਦ ਵਿਚ ਪ੍ਰੋ. ਮੁਸ਼ਤਾਕ ਆਲਮ ਕਾਦਰੀ, ਪ੍ਰੋ. ਸੈਫ਼ ਚੌਧਰੀ, ਡਾ. ਮੁਮਤਾਜ਼ ਅਹਿਮਦ, ਡਾ. ਲਿਆਕਤ ਅਲੀ, ਡਾ.ਅਬਰਾਰ ਅਲੀ ਸ਼ਾਹ, ਡਾ. ਇਸ਼ਤਿਆਕ ਅਹਿਮਦ ਮਿਸਬਾਹ, ਅਮਨ ਜਾਖੜ, ਐਡਵੋਕੇਟ ਪੁਸ਼ਪਿੰਦਰ ਸਿੰਘ, ਐਡਵੋਕੇਟ ਅਮਨਦੀਪ ਸਿੰਘ, ਐਡਵੋਕੇਟ ਬਲਜੀਤ ਸਿੰਘ,ਐਡਵੋਕੇਟ ਗਜੇਂਦਰ ਸਿੰਘ,ਇੰਦਰਦੀਪ ਸਿੰਘ ਤੇ ਗੋਲਡੀ ਸਿੰਘ ਸ਼ਾਮਲ ਸਨ ¢ ਇੱਥੇ ਇਹ ਵੀ ਦੱਸਣਯੋਗ ਹੈ ਕਿ ਵਫ਼ਦ ਦੀ ਅਗਵਾਈ ਕਰਨ ਵਾਲੇ ਗੁਰਲਾਡ ਸਿੰਘ ਕਾਹਲੋਂ, ਗੁਰੂ ਨਾਨਕ ਸੋਸ਼ਲ ਮਿਸ਼ਨ ਦੇ ਪ੍ਰਧਾਨ ਵੀ ਹਨ ਜੋ ਲੰਮੇ ਸਮੇਂ ਤੋਂ ਸਿੱਖੀ ਪ੍ਰਚਾਰ ਪ੍ਰਸਾਰ ਦੇ ਅਹਿਮ ਉਪਰਾਲਿਆਂ ਨਾਲ ਜੁੜੀ ਹੋਈ ਹੈ ¢
