ਜਕਾਰਤਾ, 6 ਮਾਰਚ (ਏਜੰਸੀ)-ਇੰਡੋਨੇਸ਼ੀਆ ਦੇ ਸੰਚਾਰ ਤੇ ਡਿਜੀਟਲ ਮਾਮਲਿਆਂ ਦੇ ਮੰਤਰੀ ਮਿਊਤਿਆ ਹਾਫਿਦ ਨੇ ਕਿਹਾ ਕਿ ਦੇਸ਼ 'ਚ 16 ਸਾਲ ਤੋਂ ਘੱਟ ਉਮਰ ਦੇ ਬੱਚਿਆਂ ਲਈ ਸੋਸ਼ਲ ਮੀਡੀਆ 'ਤੇ ਪਾਬੰਦੀ ਹੋਵੇਗੀ | ਮੀਡੀਆ ਨੂੰ ਦਿੱਤੇ ਇਕ ਬਿਆਨ 'ਚ, ਹਾਫਿਦ ਨੇ ਕਿਹਾ ਕਿ ਉਸਨੇ ਹੁਣੇ ਇਕ ਸਰਕਾਰੀ ਨਿਯਮ 'ਤੇ ਦਸਤਖਤ ਕੀਤੇ ਹਨ ਜਿਸਦਾ ਮਤਲਬ ਹੈ ਕਿ 16 ਸਾਲ ਤੋਂ ਘੱਟ ਉਮਰ ਦੇ ਬੱਚੇ ਹੁਣ ਯੂਟਿਊਬ, ਟਿੱਕਟੋਕ, ਫੇਸਬੁੱਕ, ਇੰਸਟਾਗ੍ਰਾਮ, ਐਕਸ, ਬਿਗੋ ਲਾਈਵ ਤੇ ਰੋਬਲੋਕਸ ਵਰਗੇ ਡਿਜੀਟਲ ਪਲੇਟਫਾਰਮਾਂ 'ਤੇ ਖਾਤੇ ਨਹੀਂ ਬਣਾ ਸਕਣਗੇ |
