ਜਲੰਧਰ, 17 ਜੁਲਾਈ (ਡਾ.ਜਤਿੰਦਰ ਸਾਬੀ)-ਰਾਸ਼ਟਰਮੰਡਲ ਖੇਡਾਂ ਲਈ ਪੰਜਾਬ ਦੇ ਟਰੈਕ ਸਾਈਕਲਿਸਟ ਹਰਸ਼ਵੀਰ ਸਿੰਘ ਸੇਖੋ ਦੀ ਭਾਰਤੀ ਟੀਮ ’ਚ ਚੋਣ ਹੋ ਗਈ ਹੈ। ਸਾਲ 2019 ਵਿਚ ਭਾਰਤੀ ਰਾਸ਼ਟਰੀ ਟਰੈਕ ਸਾਈਕਲਿੰਗ ਦਾ ਹਿੱਸਾ ਬਣਨ ਤੋਂ ਬਾਅਦ ਹਰਸ਼ਵੀਰ ਸਿੰਘ ਸੇਖੋ ਨੇ ਕੌਮਾਂਤਰੀ ਪੱਧਰ ਤੇ ਸ਼ਾਨਦਾਰ ਪ੍ਰਦਰਸ਼ਨ ਕਰਕੇ ਮਿਹਨਤ ਸਦਕਾ ਸਭ ਤੋਂ ਵੱਡਾ ਇਨਾਮ ਸਾਲ 2024 ’ਚ ਵਿਸ਼ਵ ਰੈਕਿੰਗ ਦੇ 13ਵੇਂ ਸਥਾਨ ਤੇ ਰਹਿ ਕੇ ਹਾਸਲ ਕਰਕੇ ਭਾਰਤ ਦੇ ਪਹਿਲੇ ਸਭ ਤੋਂ ਉੱਚੀ ਰੈਕਿੰਗ ਵਾਲੇ ਟਰੈਕ ਸਾਈਕਲਿਸਟ ਬਣਨ ਦਾ ਮਾਣ ਹਾਸਲ ਕੀਤਾ। ਕੋਚ ਗੁਰਬਾਜ ਸਿੰਘ ਨੇ ਦੱਸਿਆ ਕਿ ਹਰਸ਼ਵੀਰ ਸਿੰਘ ਸੇਖੋ ਨੇ 2023 ਦੀਆਂ ਏਸ਼ੀਅਨ ਖੇਡਾਂ ’ਚ ਭਾਰਤ ਦੀ ਨੁਮਾਇੰਦਗੀ ਕੀਤੀ ਤੇ ਰਾਸ਼ਟਰੀ ਪੱਧਰ ਤੇ ਕਈ ਤਗਮੇ ਜਿੱਤੇ ਤੇ ਇਸ ਵੇਲੇ ਇਸ ਦੀ ਚੋਣ ਏਸ਼ੀਆਈ ਖੇਡਾਂ ਤੇ 30 ਜੁਲਾਈ ਤੋਂ 2 ਅਗਸਤ ਤੱਕ ਗਲਾਸਗੋ ਵਿਖੇ ਹੋਣ ਵਾਲੀਆਂ ਰਾਸ਼ਟਰਮੰਡਲ ਖੇਡਾਂ ਲਈ ਭਾਰਤੀ ਟੀਮ ਦੇ ਵਿਚ ਹੋਈ ਹੈ।
