ਰਾਮਗੜ੍ਹ ਸੀਕਰੀ, 26 ਮਾਰਚ (ਕਟੋਚ)-ਰਾਮਨੌਮੀ ਦੇ ਪਵਿੱਤਰ ਦਿਹਾੜੇ 'ਤੇ ਪ੍ਰਸਿੱਧ ਵਕੀਲ ਅਤੇ ਸਮਾਜ ਸੇਵੀ ਐਡ. ਰਾਜਗੁਲਜਿੰਦਰ ਸਿੰਘ ਸਿੱਧੂ ਨੇ ਜਿੱਥੇ ਹਲਕਾ ਨਿਵਾਸੀਆਂ ਨੂੰ ਸ਼ੁੱਭਕਾਮਨਾਵਾਂ ਭੇਟ ਕੀਤੀਆਂ ਹਨ ਉੱਥੇ ਭਗਵਾਨ ਸ੍ਰੀ ਰਾਮ ਨੂੰ ਸਮਾਜਿਕ ਬਰਾਬਰੀ ਦੇ ਜਿਉਂਦੇ ਜਾਗਦੇ ਪ੍ਰਤੀਕ ਦੱਸਿਆ | ਉਨ੍ਹਾਂ ਦੱਸਿਆ ਕਿ ਭਗਵਾਨ ਸ੍ਰੀ ਰਾਮ ਨੇ ਆਪ ਬਨਵਾਸ ਦੇ ਔਖੇ ਸਮੇਂ ਦੌਰਾਨ ਆਪਣੇ ਸਹਿਯੋਗੀ ਜੰਗਲਾਂ ਵਿਚੋਂ ਹੀ ਚੁਣੇ | ਕੇਵਟ, ਨਿਸ਼ਾਦ, ਕੋਲ, ਭੀਲ ਅਤੇ ਵਾਨਰ-ਭਾਲੂ ਸਾਰੇ ਹੀ ਉਨ੍ਹਾਂ ਦੇ ਸਾਥੀ ਬਣੇ | ਜੇਕਰ ਉਹ ਚਾਹੁੰਦੇ ਤਾਂ ਅਯੁੱਧਿਆ ਤੋਂ ਸਹਾਇਤਾ ਲੈ ਸਕਦੇ ਸੀ, ਪਰ ਉਨ੍ਹਾਂ ਨੇ ਸਮਾਜ ਦੇ ਉਨ੍ਹਾਂ ਵਰਗਾਂ ਨੂੰ ਅਪਣਾਇਆ, ਜਿਨ੍ਹਾਂ ਨੂੰ ਅੱਜ ਦਲਿਤ ਆਦਿਵਾਸੀ ਜਾ ਪਛੜਿਆਂ ਕਿਹਾ ਜਾਂਦਾ ਹੈ | ਐਡ. ਸਿੱਧੂ ਨੇ ਭਗਵਾਨ ਸ੍ਰੀ ਰਾਮ ਦੇ ਆਦਰਸ਼ਾਂ ਨੂੰ ਅਪਣਾਉਣ 'ਤੇ ਜ਼ੋਰ ਦਿੱਤਾ |
