ਜਲੰਧਰ, 17 ਜੁਲਾਈ (ਸ਼ਿਵ)- ਆਬਕਾਰੀ ਵਿਭਾਗ ਨੇ ਰੇਲਵੇ ਸਟੇਸ਼ਨ ਸ਼ਰਾਬ ਦੇ ਗਰੁੱਪ ਦੇ ਇਕ ਠੇਕੇ ਤੋਂ ਇਕ ਸ਼ਰਾਬ ਪੇਟੀ ਵੇਚਣ ਕਰਕੇ ਉਕਤ ਗਰੁੱਪ ਇਕ ਦਿਨ ਲਈ ਬੰਦ ਕਰਨ ਦੇ ਆਦੇਸ਼ ਦਿੱਤੇ ਹਨ ਜਿਸ ਕਰ ਕੇ 17 ਜੁਲਾਈ ਨੂੰ ਉਕਤ ਗਰੁੱਪ ਗੁਰਫ਼ਤਿਹ ਇੰਟਰਪ੍ਰਾਈਜ਼ਿਜ ਨਾਲ ਸਬੰਧਿਤ 18 ਠੇਕੇ ਬੰਦ ਕਰਵਾਏ ਗਏ ਸਨ | ਆਬਕਾਰੀ ਵਿਭਾਗ ਦੇ ਡੀ. ਈ. ਟੀ. ਸੀ. ਸੁਰਿੰਦਰ ਗਰਗ ਵਲੋਂ ਉਕਤ ਗਰੁੱਪ ਦੇ ਇਕ ਠੇਕੇ ਵਲੋਂ ਸ਼ਰਾਬ ਦੀ ਇਕ ਪੇਟੀ ਵੇਚਣ 'ਤੇ ਚਲਾਨ ਕੀਤੇ ਗਏ ਸੀ ਤਾਂ ਬਾਅਦ ਵਿਚ ਸ਼ਰਾਬ ਗਰੁੱਪ ਵਲੋਂ ਪੰਜਾਬ ਆਬਕਾਰੀ ਕਮਿਸ਼ਨਰ ਜਤਿੰਦਰ ਜੋਰਵਾਲ ਕੋਲ ਅਪੀਲ ਪਾਈ ਗਈ ਸੀ ਪਰ ਉਨ੍ਹਾਂ ਵਲੋਂ ਗਰੁੱਪ ਨੂੰ 5 ਲੱਖ ਰੁਪਏ ਜੁਰਮਾਨਾ ਕੀਤਾ ਗਿਆ ਹੈ | ਵਿਭਾਗ ਨੇ ਇਸ ਕਰਕੇ ਕਾਰਵਾਈ ਕੀਤੀ ਸੀ ਕਿ ਇਸ ਤਰ੍ਹਾਂ ਨਾਲ ਇਕ ਪੇਟੀ ਵੇਚਣ 'ਤੇ ਸ਼ਰਾਬ ਕਾਰੋਬਾਰ ਦੇ ਮਾਲੀਏ ਨੂੰ ਨੁਕਸਾਨ ਪੁੱਜਦਾ ਹੈ ਜਿਸ ਕਰ ਕੇ ਆਬਕਾਰੀ ਵਿਭਾਗ ਵਲੋਂ ਇਸ ਤਰ੍ਹਾਂ ਦੀ ਕਾਰਵਾਈ ਕੀਤੀ ਜਾਂਦੀ ਹੈ |
