ਕਾਲਾਂਵਾਲੀ/ਸਿਰਸਾ, 21 ਜੁਲਾਈ (ਭੁਪਿੰਦਰ ਪੰਨੀਵਾਲੀਆ)- ਭਾਰਤ ਵਿਕਾਸ ਪ੍ਰੀਸ਼ਦ ਸ਼ਾਖਾ ਕਾਲਾਂਵਾਲੀ ਨੇ ਮਾਡਲ ਟਾਊਨ ਸਥਿਤ ਅਸ਼ੀਰਵਾਦ ਹਸਪਤਾਲ ਵਿੱਚ ਇੱਕ ਮੁਫ਼ਤ ਹੋਮਿਓਪੈਥਿਕ ਕੈਂਪ ਲਗਾਇਆ ਗਿਆ | ਕੈਂਪ ਵਿੱਚ 45 ਮਰੀਜ਼ਾਂ ਦੀ ਜਾਂਚ ਕੀਤੀ ਗਈ ਅਤੇ ਹੋਮਿਓਪੈਥਿਕ ਦਵਾਈਆਂ ਰਾਹੀਂ ਸ਼ੂਗਰ, ਬੀਪੀ, ਗੋਡਿਆਂ ਅਤੇ ਜੋੜਾਂ ਦੇ ਦਰਦ, ਐਲਰਜੀ ਅਤੇ ਹੋਰ ਬਿਮਾਰੀਆਂ ਦਾ ਮੁਫ਼ਤ ਇਲਾਜ ਕੀਤਾ ਗਿਆ | ਕੈਂਪ ਕੋਆਰਡੀਨੇਟਰ ਡਾ: ਨਵੀਨ ਮੋਂਗਾ ਅਤੇ ਖਜ਼ਾਨਚੀ ਲਲਿਤ ਮੋਹਨ ਗਰਗ ਨੇ ਦੱਸਿਆ ਕਿ ਆਚਾਰੀਆ ਸ਼੍ਰੀ ਤੁਲਸੀ ਮਹਾਪ੍ਰਗਿਆ ਹੋਮਿਓਪੈਥਿਕ ਜੈਨ ਹਸਪਤਾਲ ਕਾਲਾਂਵਾਲੀ ਦੇ ਡਾ: ਸੋਹਨ ਸਿੰਘ, ਪ੍ਰੀਤੀ ਕੁਮਾਰੀ, ਮੋਨੂ ਜਿੰਦਲ ਅਤੇ ਅੰਮਿ੍ਤਪਾਲ ਨੇ ਕੈਂਪ ਵਿੱਚ ਆਪਣੀਆਂ ਸੇਵਾਵਾਂ ਪ੍ਰਦਾਨ ਕੀਤੀਆਂ | ਭਾਰਤ ਵਿਕਾਸ ਪਰੀਸ਼ਦ ਦੇ ਪ੍ਰਧਾਨ ਅਜੈ ਗਰਗ ਜੈਮਕੋ ਅਤੇ ਮੀਡੀਆ ਇੰਚਾਰਜ ਪੂਰਨ ਨਾਗਰ ਨੇ ਦੱਸਿਆ ਕਿ ਸ਼ਾਖਾ ਜਲਦੀ ਹੀ ਇੱਕ ਦਿਵਿਆਂਗ (ਅਪਾਹਜ) ਚੈੱਕਅਪ ਅਤੇ ਇਲਾਜ (ਆਪ੍ਰੇਸ਼ਨ) ਕੈਂਪ ਲਾਵੇਗੀ | ਇਸ ਮੌਕੇ ਦਿਨੇਸ਼ ਗਰਗ, ਹੀਰਾ ਸਿੰਘ ਅਰਨੇਜਾ, ਸਤੀਸ਼ ਰਾਜਪਾਲ, ਲਲਿਤ ਮੋਹਨ ਗਰਗ, ਆਦਿ ਮੌਜੂਦ ਸਨ |