18-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 02-06-2025

ਜੈਨ ਸਭਾ ਵਿੱਚ ਪੰਜ ਦਿਨਾ ਜੈਨ ਸੰਸਕਾਰ ਕੈਂਪ ਸ਼ੁਰੂ <br/>

ਐਸ.ਐਸ. ਜੈਨ ਸਭਾ ਦੇ ਜੈਨ ਸੰਸਕਾਰ ਕੈਂਪ ਵਿੱਚ ਜੈਨ ਸਾਧਵੀਆਂ ਦੇ ਨਾਲ ਬੱਚੇ | ਤਸਵੀਰ : ਪੰਨੀਵਾਲੀਆ <br/> 02-06-2025
ਕਾਲਾਵਾਲੀ/ਸਿਰਸਾ, 1 ਜੂਨ (ਭੁਪਿੰਦਰ ਪੰਨੀਵਾਲੀਆ)- ਐਸਐਸ ਜੈਨ ਸਭਾ ਕਾਲਾਂਵਾਲੀ ਵਿੱਚ ਨਰਿੰਦਰ ਮੁਨੀ ਮਹਾਰਾਜ, ਸੁਮਿਤ ਮੁਨੀ, ਮਹਾਸਾਧਵੀ ਸ਼ਿਵਪ੍ਰਗਿਆ ਠਾਣੇ ਚਾਰ ਦੀ ਅਗਵਾਈ ਹੇਠ ਅੱਜ ਪੰਜ ਦਿਨਾਂ ਸੰਸਕਾਰ ਕੈਂਪ ਸ਼ੁਰੂ ਕੀਤਾ ਗਿਆ | ਜੈਨ ਸੰਸਕਾਰ ਸਮਾਜ ਸੇਵਕ ਡਾ. ਮੀਨਾਕਸ਼ੀ, ਵੈਸ਼ਾਲੀ ਜੈਨ, ਪੂਜਾ ਜੈਨ ਕੈਂਪ ਵਿੱਚ ਆਪਣੀਆਂ ਸੇਵਾਵਾਂ ਪ੍ਰਦਾਨ ਕਰਨਗੀਆਂ | ਐਸ.ਐਸ. ਜੈਨ ਸਭਾ ਦੇ ਪ੍ਰਧਾਨ ਸੰਦੀਪ ਜੈਨ ਨੇ ਕਿਹਾ ਕਿ ਇਸ ਕੈਂਪ ਵਿੱਚ ਬੱਚਿਆਂ ਨੂੰ ਸਿਖਾਉਣ ਲਈ ਕੁਝ ਜ਼ਰੂਰੀ ਸੁਝਾਅ ਦੇਣ ਤੋਂ ਇਲਾਵਾ, ਬੱਚਿਆਂ ਨੂੰ ਆਪਣੇ ਮਾਪਿਆਂ ਅੱਗੇ ਮੱਥਾ ਟੇਕਣ ਲਈ ਉਤਸ਼ਾਹਿਤ ਕੀਤਾ ਜਾਵੇਗਾ ਅਤੇ ਹਰ ਬੱਚੇ ਨੂੰ ਨਵਕਾਰ ਮੰਤਰ ਅਤੇ ਗੁਰੂ ਵੰਦਨਾ ਸੂਤਰ ਨੂੰ ਯਾਦ ਕਰਕੇ ਇੱਕ ਚੰਗਾ ਇਨਸਾਨ ਬਣਨ ਦੀ ਸਿੱਖਿਆ ਦਿੱਤੀ ਜਾਵੇਗੀ | ਕੈਂਪ ਵਿੱਚ ਬੱਚਿਆਂ ਨੂੰ ਅਨੁਸ਼ਾਸਨ ਵਿੱਚ ਰਹਿਣਾ ਸਿਖਾਇਆ ਜਾਵੇਗਾ | ਇਹ ਕੈਂਪ 5 ਜੂਨ ਤੱਕ ਚੱਲੇਗਾ | ਕੈਂਪ ਵਿੱਚ ਬੱਚਿਆਂ ਨੂੰ ਜੈਨ ਸੱਭਿਆਚਾਰ ਸਿਖਾਇਆ ਜਾਵੇਗਾ ਅਤੇ ਆਖਰੀ ਦਿਨ ਸਾਰੇ ਬੱਚੇ ਆਪਣਾ ਮਨਪਸੰਦ ਭੋਜਨ ਤਿਆਰ ਕਰਕੇ ਮੁਕਾਬਲੇ ਲਈ ਲਿਆਉਣਗੇ | ਜੇਤੂ ਭਾਗੀਦਾਰਾਂ ਦਾ ਐਲਾਨ ਜੱਜਾਂ ਵੱਲੋਂ ਕੀਤਾ ਜਾਵੇਗਾ |

ਪਿਛਲੀ ਖ਼ਬਰ ਬੀ.ਕੇ.ਯੂ. ਏਕਤਾ ਉਗਰਾਹਾਂ ਜ਼ਿਲ੍ਹਾ ਕਮੇਟੀ ਮੋਗਾ ਦੀ ਮੀਟਿੰਗ ਅਗਲੀ ਖ਼ਬਰ ਛੋਟੇ ਬੱਚਿਆਂ ਨੇ ਛਬੀਲ ਲਗਾ ਕੇ ਰਾਹਗੀਰਾਂ ਨੂੰ ਪਿਲਾਇਆ ਠੰਢਾ ਮਿੱਠਾ ਜਲ <br/>

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।