ਲੁਧਿਆਣਾ, 20 ਨਵੰਬਰ (ਜਸਵਿੰਦਰ ਸਿੰਘ)-ਇੰਟਰਨਲ ਕੁਆਲਿਟੀ ਅਸ਼ੋਰੈਂਸ ਸੈੱਲ ਦੀ ਅਗਵਾਈ ਹੇਠ ਗੁਰੂ ਨਾਨਕ ਖ਼ਾਲਸਾ ਕਾਲਜ ਫ਼ਾਰ ਵੁਮੈਨ ਦੇ ਮਹਿਲਾ ਵਿਕਾਸ ਸੈੱਲ ਨੇ ਅਰਥ ਸ਼ਾਸਤਰ ਵਿਭਾਗ ਦੇ ਸਹਿਯੋਗ ਨਾਲ ਅੱਜ ਕਾਲਜ ਕੈਂਪਸ ਵਿਚ ਮਹਿਲਾ ਉਦਮਤਾ ਦਿਵਸ ਮਨਾਇਆ | ਕਾਲਜ ਦੇ ਛੇ ਨੌਜਵਾਨ ਉੱਦਮੀ, ਜਿਨ੍ਹਾਂ ਨੇ ਮਹਿੰਦੀ ਐਪਲੀਕੇਸ਼ਨ, ਨੇਲ ਆਰਟ, ਕਿਸ਼ਮਿਸ਼ ਆਰਟ, ਕ੍ਰੋਸ਼ੇਟ ਅਤੇ ਬੇਕਿੰਗ ਵਰਗੀਆਂ ਆਪਣੀਆਂ ਕਲਾਤਮਕ ਪ੍ਰਤਿਭਾਵਾਂ ਨੂੰ ਪੇਸ਼ੇਵਰ ਉੱਦਮਾਂ ਵਿਚ ਬਦਲ ਦਿੱਤਾ ਹੈ | ਵਿਦਿਆਰਥੀਆਂ ਨੇ ਆਪਣੇ ਉਤਪਾਦਾਂ ਦਾ ਪ੍ਰਦਰਸ਼ਨ ਕੀਤਾ, ਆਪਣੇ ਸੋਸ਼ਲ ਮੀਡੀਆ ਹੈਂਡਲ ਸਾਂਝੇ ਕੀਤੇ ਅਤੇ ਆਪਣੇ ਕਲਾਤਮਕ ਸਫ਼ਰ ਬਾਰੇ ਗੱਲ ਕੀਤੀ | ਹਰੇਕ ਭਾਗੀਦਾਰ ਦੀ ਫੈਕਲਟੀ ਦੁਆਰਾ ਨਿੱਘੀ ਪ੍ਰਸ਼ੰਸਾ ਅਤੇ ਉਤਸ਼ਾਹਿਤ ਕੀਤਾ ਗਿਆ ਅਤੇ ਉਨ੍ਹਾਂ ਦੇ ਉਤਪਾਦਾਂ ਅਤੇ ਸੇਵਾਵਾਂ ਨੂੰ ਬਹੁਤ ਪ੍ਰਸ਼ੰਸਾ ਮਿਲੀ | ਪਿ੍ੰਸੀਪਲ ਡਾ. ਮਨੀਤਾ ਕਾਹਲੋਂ ਨੇ ਵਿਦਿਆਰਥੀਆਂ ਨੂੰ ਆਪਣੇ ਹੁਨਰਾਂ ਨੂੰ ਪਾਲਨ ਅਤੇ ਆਪਣੀ ਪ੍ਰਤਿਭਾ ਨੂੰ ਸਫਲ ਪੇਸ਼ਿਆਂ ਵਿਚ ਬਦਲਣ ਬਾਰੇ ਵਿਚਾਰ ਕਰਨ ਲਈ ਪ੍ਰੇਰਿਤ ਕੀਤਾ |
