ਦੀਨਾਨਗਰ, 19 ਜੁਲਾਈ (ਸੋਢੀ/ਸ਼ਰਮਾ)-ਭੂਤਨਾਥ ਮੰਦਰ ਰੋਡ ਦੀਨਾਨਗਰ ਦੇ ਨਿਵਾਸੀਆਂ ਨੇ ਰੋਡ 'ਤੇ ਟੁੱਟੇ ਹੋਏ ਮੇਨ ਹੋਲ਼ ਨੂੰ ਤੁਰੰਤ ਠੀਕ ਕੀਤੇ ਜਾਣ ਦੀ ਮੰਗ ਕੀਤੀ ਹੈ | ਇਸ ਸਬੰਧੀ ਜਾਣਕਾਰੀ ਦਿੰਦੇ ਹੋਏ ਮਹਿੰਦਰ ਪਾਲ, ਵਿਜੇ ਮਹਾਜਨ, ਵਿਸ਼ਾਲ ਕੁਮਾਰ, ਸਤਿੰਦਰ ਕੁਮਾਰ ਤੇ ਸੁਸ਼ੀਲ ਕੁਮਾਰ ਨੇ ਦੱਸਿਆ ਕਿ ਦੀਨਾਨਗਰ ਭੂਤਨਾਥ ਮੰਦਰ ਰੋਡ ਵਿਚਕਾਰ ਇਕ ਮੇਨ ਹੋਲ ਕਾਫ਼ੀ ਸਮੇਂ ਤੋਂ ਟੁੱਟਿਆ ਹੋਇਆ ਹੈ ਜੋ ਕਿ ਰਾਹਗੀਰਾਂ ਲਈ ਪ੍ਰੇਸ਼ਾਨੀ ਦਾ ਕਾਰਨ ਬਣਾਇਆ ਹੈ | ਉਨ੍ਹਾਂ ਦਿਆ ਕਿ ਇਸ ਸੜਕ 'ਤੇ ਰੋਜ਼ਾਨਾ ਸੈਂਕੜੇ ਲੋਕਾਂ ਦੀ ਆਵਾਜਾਈ ਹੁੰਦੀ ਹੈ ਅਤੇ ਸੜਕ ਵਿਚਕਾਰ ਟੁੱਟਿਆ ਹੋਇਆ ਮੇਨ ਹੋਲ਼ ਕਿਸੇ ਅਣਸੁਖਾਵੀਂ ਘਟਨਾ ਦਾ ਕਾਰਨ ਬਣ ਸਕਦਾ ਹੈ | ਉਨ੍ਹਾਂ ਦੱਸਿਆ ਕਿ ਭੂਤਨਾਥ ਮੰਦਰ ਵਿਚ ਸਾਵਣ ਮਹੀਨੇ ਕਾਰਨ ਸੜਕ 'ਤੇ ਸ਼ਰਧਾਲੂ ਵੀ ਵੱਡੀ ਗਿਣਤੀ ਵਿਚ ਆ ਰਹੇ ਹਨ ਅਤੇ ਰਾਤ ਵੇਲੇ ਇਸ ਟੁੱਟੇ ਮੇਨ ਹੋਲ਼ ਕਾਰਨ ਲੋਕ ਦੁਰਘਟਨਾ ਦਾ ਸ਼ਿਕਾਰ ਹੋ ਸਕਦੇ ਹਨ | ਉਨ੍ਹਾਂ ਇਸ ਮੇਨ ਹੋਲ ਨੂੰ ਤੁਰੰਤ ਬਦਲੇ ਜਾਣ ਦੀ ਅਪੀਲ ਕੀਤੀ ਹੈ |
