ਮੁਕੰਦਪੁਰ, 20 ਜੁਲਾਈ (ਅਮਰੀਕ ਸਿੰਘ ਢੀਂਡਸਾ) - ਨਸ਼ਿਆਂ ਖਿਲਾਫ ਅਰੰਭੀ ਗਈ ਮੁਹਿੰਮ ਯੁੱਧ ਨਸ਼ਿਆਂ ਵਿਰੁੱਧ ਤਹਿਤ ਕਾਰਵਾਈ ਕਰਦਿਆਂ ਮੁਕੰਦਪੁਰ ਪੁਲਿਸ ਥਾਣਾ ਨੂੰ ਵੱਡੀ ਕਾਮਯਾਬੀ ਲਗਾਤਾਰ ਮਿਲ ਰਹੀ ਹੈ | ਜਿਸ ਤਹਿਤ ਕਾਰਵਾਈ ਕਰਦਿਆਂ ਪੁਲਿਸ ਥਾਣਾ ਮੁਕੰਦਪੁਰ ਵਲੋਂ ਸ਼ਰਾਬ ਦੀਆਂ 24 ਬੋਤਲਾਂ ਸਮੇਤ ਇੱਕ ਕਥਿਤ ਦੋਸ਼ੀ ਨੂੰ ਰੰਗੇ ਹੱਥੀਂ ਕਾਬੂ ਕੀਤੇ ਜਾਣ ਦੀ ਜਾਣਕਾਰੀ ਮਿਲੀ ਹੈ | ਇਸ ਸਬੰਧੀ ਥਾਣਾ ਮੁਖੀ ਸਬ ਇੰਸਪੈਕਟਰ ਮਹਿੰਦਰ ਸਿੰਘ ਨੇ ਦੱਸਿਆ ਕਿ ਏ.ਐਸ. ਆਈ ਰਾਮ ਲਾਲ ਸਮੇਤ ਪੁਲਿਸ ਪਾਰਟੀ ਇਲਾਕੇ 'ਚ ਗਸ਼ਤ ਕਰ ਰਹੇ ਸਨ ਤਾਂ ਮੁਖਬਰ ਖਾਸ ਦੀ ਇਤਲਾਹ 'ਤੇ ਨਿਸ਼ਾਨਦੇਹੀ ਕਰਦਿਆਂ ਸ਼ਰਾਬ ਦੀਆਂ ਕਾਊਾਟਰ ਗੋਲਡ ਵਿਸਕੀ ਸੇਲ ਓਨਲੀ ਚੰਡੀਗੜ੍ਹ 12 ਬੋਤਲਾਂ ਅਤੇ 12 ਬੋਤਲਾਂ ਪੰਜਾਬ ਫਸਟ ਚੋਇਸ ਸੇਲ ਇਨ ਪੰਜਾਬ ਬਰਾਮਦ ਕੀਤੀਆਂ ਜੋ ਕਿਸੇ ਗਾਹਕ ਨੂੰ ਦੇਣ ਦੀ ਉਡੀਕ 'ਚ ਸੀ, ਨੂੰ ਗਿ੍ਫਤਾਰ ਕਰ ਲਿਆ | ਜਿਸ ਦੀ ਪਹਿਚਾਣ ਚਮਨ ਲਾਲ ਉਰਫ ਕਾਲਾ ਪੁੱਤਰ ਹਰਬੰਸ ਲਾਲ ਵਾਸੀ ਗੁਣਾਚੌਰ ਥਾਣਾ ਮੁਕੰਦਪੁਰ ਵਜੋਂ ਹੋਈ 'ਤੇ ਬਣਦੀ ਕਾਰਵਾਈ ਕਰਦਿਆਂ ਅਦਾਲਤ 'ਚ ਪੇਸ਼ ਕੀਤਾ ਜਾਵੇਗਾ ਤੇ ਅਗਲੀ ਤਫਤੀਸ਼ ਅਰੰਭ ਦਿੱਤੀ ਜਾਵੇਗੀ |