ਜਦੋਂ ਸਾਡੇ ਵਾਲ ਚਿੱਟੇ ਹੁੰਦੇ ਸੀ
ਉਰਦੂ ਅਦਬ ਦੇ ਨਾਮਵਰ ਸ਼ਾਇਰ ਜਨਾਬ ਅਹਿਮਦ ਰਾਹੀ ਦੇ ਪਿਆਰੇ ਮਿੱਤਰ ਅਤੇ ਸ਼ਾਇਰ ਅਹਿਮਦ ਨਦੀਮ ਕਾਸਮੀ ਪੰਦਰਾਂ ਸਾਲ ਪਹਿਲਾਂ ਤੱਕ ਵਾਲਾਂ ਨੂੰ ਖਿਜ਼ਾਬ ਨਹੀਂ ਲਗਾਉਂਦੇ ਸਨ | ਬਾਅਦ ਵਿਚ ਉਨ੍ਹਾਂ ਨੇ ਬਾਕਾਇਦਾ ਆਪਣੇ ਵਾਲ ਰੰਗਣੇ ਸ਼ੁਰੂ ਕਰ ਦਿੱਤੇ ਸਨ | ਕੁਝ ਦਿਨ ਪਹਿਲਾਂ ਰੇਡੀਓ ਸਟੇਸ਼ਨ 'ਤੇ ਇਕ ਸਮਾਰੋਹ ਵਿਚ ਕਾਫੀ ਸ਼ਾਇਰ ਇਕੱਠੇ ਹੋਏ ਅਤੇ ਆਪਸੀ ਗੱਲਬਾਤ ਵਿਚ ਰੁੱਝ ਗਏ | ਸਾਰੇ ਆਪਣੇ ਤੇ ਰੇਡੀਓ ਸਟੇਸ਼ਨ ਦੇ ਆਪਸੀ ਤਅਲੁਕਾਤ ਦਾ ਜ਼ਿਕਰ ਕਰਦੇ ਪਏ ਸਨ | ਜਨਾਬ ਅਹਿਮਦ ਰਾਹੀ ਸਾਹਿਬ ਨੇ ਬੜੇ ਮਾਣ ਨਾਲ ਆਪਣੇ ਸੰਬੰਧਾਂ ਦਾ ਜ਼ਿਕਰ ਕਰਦੇ ਹੋਏ ਕਿਹਾ, 'ਮੇਰੇ ਅਤੇ ਰੇਡੀਓ ਸਟੇਸ਼ਨ ਦੇ ਸੰਬੰਧ ਤਦ ਤੋਂ ਹਨ ਜਦ ਤੋਂ ਮੈਂ ਆਪਣੇ ਵਾਲ ਕਾਲੇ ਕਾਲੇ ਨਹੀਂ ਸਨ ਕੀਤੇ |'
-ਮੋਬਾਈਲ : 94170-91668
