ਜੈ ਮਾਂ ਕਾਲੀ ਸ਼ਨੀਦੇਵ ਮੰਦਰ ਰਾਮਪੁਰਾ ਫੂਲ ਦੀ ਵਿਸ਼ੇਸ਼ ਮੀਟਿੰਗ ਹੋਈ

ਰਾਮਪੁਰਾ ਫੂਲ, 31 ਅਕਤੂਬਰ (ਹੇਮੰਤ ਕੁਮਾਰ ਸ਼ਰਮਾ)- ਧੋਬੀ ਸਮਾਜ ਵੈੱਲਫ਼ੇਅਰ ਸੁਸਾਇਟੀ (ਰਜਿ:) ਨੰਬਰ 29 ਸੰਚਾਲਕ ਜੈ ਮਾਂ ਕਾਲੀ ਸ਼ਨੀਦੇਵ ਮੰਦਿਰ ਰਾਮਪੁਰਾ ਫੂਲ ਦੀ ਮੀਟਿੰਗ ਪਿਛਲੇ ਦਿਨੀਂ ਸਥਾਨਕ ਮੰਦਿਰ (ਨੇੜੇ ਸਿਵਲ ਹਸਪਤਾਲ) ਵਿਖੇ ਹੋਈ, ਜਿਸ ਵਿਚ ਸੁਸਾਇਟੀ ਦੇ ਸਟੋਰ ਕੀਪਰ ਅਤੇ ਭੰਡਾਰਾ ਇੰਚਾਰਜ ਰਣਜੀਤ ਮੁਕੇਰੀਆਂ ਅਤੇ ਖ਼ਜ਼ਾਨਚੀ ਤਰਸੇਮ ਚੰਦ ਸੁਨਾਰੀਆ ਨੇ ਸਾਂਝੇ ਤੌਰ ’ਤੇ ਸਪਸ਼ਟੀਕਰਨ ਦਿੰਦੇ ਹੋਏ ਦੱਸਿਆ ਕਿ ਪਿਛਲੇ ਦਿਨੀਂ ਜੋ ਖ਼ਬਰ ਪ੍ਰਕਾਸ਼ਿਤ ਹੋਈ ਸੀ, ਜਿਸ ਵਿਚ ਸਾਬਕਾ ਪ੍ਰਧਾਨ ਦੀਪ ਚੰਦ ਸਿਸੋਦੀਆ ਬਾਰੇ ਜੋ ਸ਼ਬਦ ਕਹੇ ਗਏ ਸਨ, ਉਹ ਬਿਲਕੁਲ ਬੇਬੁਨਿਆਦ ਹਨ, ਜੇਕਰ ਉਨ੍ਹਾਂ ਸ਼ਬਦਾਂ ਕਾਰਨ ਸਾਬਕਾ ਪ੍ਰਧਾਨ ਦੀਪ ਸਿਸੋਦੀਆ ਜਾਂ ਉਨ੍ਹਾਂ ਦੇ ਪਰਿਵਾਰ ਨੂੰ ਠੇਸ ਪਹੁੰਚੀ ਹੈ ਤਾਂ ਉਹ ਮੁਆਫ਼ੀ ਦੇ ਜਾਂਚਕ ਹਨ। ਇਸ ਮੀਟਿੰਗ ਦੌਰਾਨ ਜਾਣਕਾਰੀ ਦਿੰਦੇ ਹੋਏ ਨਵੇਂ ਚੁਣੇ ਗਏ ਆਗੂਆਂ ਨੇ ਕਿਹਾ ਕਿ ਉਨ੍ਹਾਂ ਦੀ ਨਵੀਂ ਮੈਨੇਜਮੈਂਟ ਮੰਦਿਰ ਕਮੇਟੀ ਜਿਸ ਵਿਚ ਬਿੱਲੂ ਰਾਮ ਚੌਹਾਨ, ਬਿਰਜ ਲਾਲ ਚੌਹਾਨ, ਦੀਪ ਚੰਦ ਸਿਸੋਦੀਆ, ਰਾਜੂ ਪਵਾਰ, ਰਣਜੀਤ ਮੁਕੇਰੀਆ, ਮੋਹਨ ਲਾਲ ਪਵਾਰ, ਰਵੀ ਸੁਨਾਰੀਆ, ਸੰਜੇ ਤੰਵਰ ਸ਼ਾਮਲ ਹਨ ਦੀ ਦੇਖ ਰੇਖ ਹੇਠ ਕੰਮ ਕਰੇਗੀ।