ਕੇਂਦਰ ਸਰਕਾਰ ਚੀਨੀ ਦੇ ਰੇਟ ਵਧਾ ਕੇ 36 ਹਜ਼ਾਰ ਕਰੋੜ ਦਾ ਭਾਰਤ ਵਾਸੀਆਂ ਉਪਰ ਤਿਉਹਾਰਾਂ ਦੇ ਸੀਜ਼ਨ ਵਿਚ ਬੋਝ ਪਾ ਰਹੀ ਹੈ - ਬਾਵਾ
ਲੁਧਿਆਣਾ, 14 ਸਤੰਬਰ (ਜਤਿੰਦਰ ਭੰਬੀ)-ਕੇਂਦਰ ਸਰਕਾਰ ਦੇ ਰਾਜ ਵਿਚ ਚੀਨੀ ਦੇ ਰੇਟ ਵਧਣ ਨਾਲ ਭਾਰਤ ਵਾਸੀਆਂ ‘ਤੇ 36 ਹਜ਼ਾਰ ਕਰੋੜ ਦਾ ਬੋਝ ਪਏਗਾ, ਪਰ ਭਾਰਤੀ ਜਨਤਾ ਪਾਰਟੀ ਆਗੂ ਕਹਿ ਰਹੇ ਹਨ ਕਿ ਇਸ ਨਾਲ ਆਮ ਲੋਕਾਂ ਦੀ ਸ਼ੂਗਰ ਘਟੇਗੀ। ਕੀ ਇਹ ਦੇਸ਼ ਦੇ ਲੋਕਾਂ ਦੀ ਆਸਥਾ, ਵਿਸ਼ਵਾਸ, ਤਿਉਹਾਰਾਂ ਸਮੇਂ ਮਠਿਆਈ ਦੇ ਭੋਗ ਲਗਾਉਣ ਨੂੰ ਲੈ ਕੇ ਭਾਰਤ ਵਾਸੀਆਂ ਨਾਲ ਦਿਨ ਦਿਹਾੜੇ ਕੋਝਾ ਮਜ਼ਾਕ ਨਹੀਂ ਕਰ ਰਹੀ ਭਾਰਤੀ ਜਨਤਾ ਪਾਰਟੀ ਸਰਕਾਰ?
ਲੁਧਿਆਣਾ, 14 ਸਤੰਬਰ (ਜਤਿੰਦਰ ਭੰਬੀ)-ਕੇਂਦਰ ਸਰਕਾਰ ਦੇ ਰਾਜ ਵਿਚ ਚੀਨੀ ਦੇ ਰੇਟ ਵਧਣ ਨਾਲ ਭਾਰਤ ਵਾਸੀਆਂ ‘ਤੇ 36 ਹਜ਼ਾਰ ਕਰੋੜ ਦਾ ਬੋਝ ਪਏਗਾ, ਪਰ ਭਾਰਤੀ ਜਨਤਾ ਪਾਰਟੀ ਆਗੂ ਕਹਿ ਰਹੇ ਹਨ ਕਿ ਇਸ ਨਾਲ ਆਮ ਲੋਕਾਂ ਦੀ ਸ਼ੂਗਰ ਘਟੇਗੀ। ਕੀ ਇਹ ਦੇਸ਼ ਦੇ ਲੋਕਾਂ ਦੀ ਆਸਥਾ, ਵਿਸ਼ਵਾਸ, ਤਿਉਹਾਰਾਂ ਸਮੇਂ ਮਠਿਆਈ ਦੇ ਭੋਗ ਲਗਾਉਣ ਨੂੰ ਲੈ ਕੇ ਭਾਰਤ ਵਾਸੀਆਂ ਨਾਲ ਦਿਨ ਦਿਹਾੜੇ ਕੋਝਾ ਮਜ਼ਾਕ ਨਹੀਂ ਕਰ ਰਹੀ ਭਾਰਤੀ ਜਨਤਾ ਪਾਰਟੀ ਸਰਕਾਰ? ਉਪਰੋਕਤ ਸ਼ਬਦ ਸੀਨੀਅਰ ਕਾਂਗਰਸੀ ਆਗੂ ਕ੍ਰਿਸ਼ਨ ਕੁਮਾਰ ਬਾਵਾ ਕੋਆਰਡੀਨੇਟਰ ਏ.ਆਈ.ਸੀ.ਸੀ (ਓ.ਬੀ.ਸੀ) ਇੰਚਾਰਜ ਹਿਮਾਚਲ ਪ੍ਰਦੇਸ਼ ਨੇ ਇਕ ਲਿਖਤੀ ਬਿਆਨ ਰਾਹੀਂ ਕਹੇ। ਬਾਵਾ ਨੇ ਕਿਹਾ ਕਿ ਆਸਥਾ ਨਾਲ ਮਜ਼ਾਕ ਦਾ ਜਵਾਬ ਭਾਰਤ ਦੇ ਲੋਕ ਉਚਿੱਤ ਸਮੇਂ ਦੇਣਗੇ। ਉਨ੍ਹਾਂ ਕਿਹਾ ਕਿ ਹੁਣ ਭਾਰਤ ਦੇ ਲੋਕ ਡਾ. ਮਨਮੋਹਨ ਸਿੰਘ ਦੀ ਸਰਕਾਰ ਨੂੰ ਯਾਦ ਕਰ ਰਹੇ ਹਨ, ਜਿਨ੍ਹਾਂ ਨੇ ਭਾਰਤ ਦਾ ਗਿਰਵੀ ਰੱਖਿਆ ਸੋਨਾ ਵਾਪਸ ਲਿਆਂਦਾ ਸੀ। ਬਾਵਾ ਨੇ ਕਿਹਾ ਕਿ ਭਾਰਤ ਦੇ ਪ੍ਰਧਾਨ ਮੰਤਰੀ ਮੋਦੀ ਵੋਟਾਂ ਲੈਣ ਸਮੇਂ ਕਹਿੰਦੇ ਸਨ ਕਿ ‘ਮੈਂ ਦੇਸ਼ ਨਹੀਂ ਬਿਕਨੇ ਦੂੰਗਾ’। ਅੱਜ ਭਾਰਤੀ ਜਨਤਾ ਪਾਰਟੀ ਸਰਕਾਰ ਅੰਬਾਨੀ, ਅੰਡਾਨੀ ਦੀਆਂ ਖ਼ੁਸ਼ੀਆਂ ਪ੍ਰਾਪਤ ਕਰਨ ਲਈ ਉਨ੍ਹਾਂ ਕੋਲ ਭਾਰਤ ਦੇ ਹਵਾਈ ਅੱਡੇ, ਰੇਲਵੇ, ਬੰਦਰਗਾਹਾਂ, ਕੋਲੇ ਦੀਆਂ ਖਾਣਾਂ ਆਦਿ ਵੱਡੇ ਅਦਾਰੇ ਗਿਰਵੀ ਰੱਖ ਦਿੱਤੇ ਹਨ। ਮੋਦੀ ਖੁਦ ਕਹਿੰਦੇ ਸਨ ਕਿ ਡਾਲਰ ਦਾ ਰੇਟ ਵਧਣ ਨਾਲ ਪ੍ਰਧਾਨ ਮੰਤਰੀ ਦੀ ਸਾਖ ਗਿਰਤੀ ਹੈ। ਉਨ੍ਹਾਂ ਕਿਹਾ ਕਿ 60 ਵਾਲਾ ਡਾਲਰ 95 ਦਾ ਹੋ ਗਿਆ ਹੈ। ਅੱਜ ਸ਼ਾਖ ਕਿਸ ਪਾਸੇ ਜਾ ਰਹੀ ਹੈ? ਤੇਲ ਦੇ ਰੇਟ ਅਸਮਾਨੀ ਛੂ ਰਹੇ ਹਨ, ਅਸਲੀਅਤ ਇਹ ਹੈ ਕਿ ਭਾਰਤੀ ਜਨਤਾ ਪਾਰਟੀ ਦੀ ਨੀਤੀ ਅਤੇ ਨੀਅਤ ਵਿਚ ਇਮਾਨਦਾਰੀ ਦਿਖਾਈ ਨਹੀਂ ਦਿੰਦੀ।
