ਨੇਪਾਲ ਦੇ ਦੋਲਖਾ ਜ਼ਿਲ੍ਹੇ ਵਿਚ ਬਰਫ਼ ਖਿਸਕਣ ਵਿਚ ਪੰਜ ਵਿਦੇਸ਼ੀ ਪਰਬਤਾਰੋਹੀਆਂ ਸਮੇਤ ਘੱਟੋ-ਘੱਟ ਸੱਤ ਪਰਬਤਾਰੋਹੀਆਂ ਦੀ ਮੌਤ

ਕਾਠਮੰਡੂ [ਨੇਪਾਲ], 3 ਨਵੰਬਰ (ਏਐਨਆਈ): ਨੇਪਾਲ ਦੇ ਦੋਲਖਾ ਜ਼ਿਲ੍ਹੇ ਵਿਚ ਯਾਲੁੰਗ ਰੀ ਪੀਕ ਦੇ ਬੇਸ ਕੈਂਪ 'ਤੇ ਹੋਏ ਬਰਫ਼ ਖਿਸਕਣ ਕਾਰਨ 5 ਵਿਦੇਸ਼ੀ ਪਰਬਤਾਰੋਹੀਆਂ ਸਮੇਤ ਘੱਟੋ-ਘੱਟ 7 ਪਰਬਤਾਰੋਹੀਆਂ ਦੀ ਮੌਤ ਦੀ ਪੁਸ਼ਟੀ ਹੋਈ ਹੈ। "ਹੁਣ ਤੱਕ, ਜ਼ਿਲ੍ਹੇ ਦੀ ਰੋਲਵਾਲਿੰਗ ਘਾਟੀ ਵਿਚ 5,630 ਮੀਟਰ ਉੱਚੀ ਚੋਟੀ ਦੇ ਬੇਸ ਕੈਂਪ ਨਾਲ ਟਕਰਾਉਣ ਵਾਲੇ ਬਰਫ਼ ਖਿਸਕਣ ਵਿਚ 7ਲੋਕਾਂ ਦੀ ਮੌਤ ਦੀ ਪੁਸ਼ਟੀ ਹੋਈ ਹੈ, 4 ਜ਼ਖ਼ਮੀ ਹਨ, ਅਤੇ 4 ਹੋਰ ਲਾਪਤਾ ਹਨ। ਜ਼ਿਲ੍ਹਾ ਪੁਲਿਸ ਦਫ਼ਤਰ, ਦੋਲਖਾ ਦੇ ਡਿਪਟੀ ਸੁਪਰਡੈਂਟ ਆਫ਼ ਪੁਲਿਸ ਗਿਆਨ ਕੁਮਾਰ ਮਹਤੋ ਨੇ ਫ਼ੋਨ 'ਤੇ ਏਐਨਆਈ ਨੂੰ ਦੱਸਿਆ ਕਿ ਹੈਲੀਕਾਪਟਰ ਨੇ ਅੱਜ ਉਡਾਣ ਭਰਨ ਦੀ ਕੋਸ਼ਿਸ਼ ਕੀਤੀ ਸੀ, ਪਰ ਪ੍ਰਤੀਕੂਲ ਮੌਸਮ ਕਾਰਨ ਇਸ ਵਿਚ ਰੁਕਾਵਟ ਆਈ।

ਅਸੀਂ ਕੱਲ੍ਹ ਸਵੇਰੇ ਖੋਜ ਅਤੇ ਬਚਾਅ ਕਾਰਜ ਜਾਰੀ ਰੱਖਾਂਗੇ । ਪੁਲਿਸ ਅਧਿਕਾਰੀ ਦੇ ਅਨੁਸਾਰ, ਅੱਜ ਸਵੇਰੇ ਪਰਬਤਾਰੋਹੀ ਟੱਕਰ ਦਾ ਸ਼ਿਕਾਰ ਹੋਏ ਜਦੋਂ ਉਹ ਡੋਲਮਾ ਖਾਂਗ (6332 ਮੀਟਰ) ਚੋਟੀ 'ਤੇ ਚੜ੍ਹਨ ਦੀ ਤਿਆਰੀ ਕਰ ਰਹੇ ਸਨ ।