ਤੇਲੰਗਾਨਾ ਸੁਰੰਗ ਹਾਦਸਾ: ਮਿ੍ਤਕਾਂ ਵਿਚ ਤਰਨਤਾਰਨ ਦਾ ਗੁਰਪ੍ਰੀਤ ਸਿੰਘ ਵੀ ਸ਼ਾਮਿਲ

ਚੀਮਾ ਕਲਾਂ, (ਤਰਨਤਾਰਨ), 10 ਮਾਰਚ (ਸੁਖਦੇਵ ਸਿੰਘ)- ਤੇਲੰਗਾਨਾ ਦੇ ਸ਼੍ਰੀਸੈਲਮ ਵਿਖੇ 22 ਫਰਵਰੀ ਨੂੰ ਲੈਫਟ ਬੈਂਕ ਕਨਾਲ ਸੁਰੰਗ ਦਾ ਕੁੱਝ ਹਿੱਸਾ ਢਹਿ ਜਾਣ ਨਾਲ ਸੁਰੰਗ ਵਿਚ ਫਸੇ ਅੱਠ ਮਜ਼ਦੂਰਾਂ ਵਿਚੋਂ ਬਚਾਅ ਟੀਮਾਂ ਨੂੰ ਸਰਹੱਦੀ ਪਿੰਡ ਚੀਮਾ ਕਲਾਂ ਦੇ ਵਸਨੀਕ ਗੁਰਪ੍ਰੀਤ ਸਿੰਘ ਦੀ ਲਾਸ਼ ਦੀ ਖ਼ਬਰ ਮਿਲਦਿਆਂ ਹੀ ਪਰਿਵਾਰ ਵਿਚ ਹਾਹਾਕਾਰ ਮੱਚ ਗਈ। ਗੁਰਪ੍ਰੀਤ ਸਿੰਘ ਦੇ ਕਰੀਬੀ ਰਿਸ਼ਤੇਦਾਰ ਪ੍ਰਗਟ ਸਿੰਘ ਨੇ ਦੱਸਿਆ 9 ਮਾਰਚ ਨੂੰ ਰਾਤ ਸਮੇਂ ਕੰਪਨੀ ਦੇ ਅਧਿਕਾਰੀਆਂ ਨੇ ਫੋਨ ਕਰਕੇ ਪਰਿਵਾਰ ਨੂੰ ਮ੍ਰਿਤਕ ਦੇਹ ਮਿਲਣ ਬਾਰੇ ਦੱਸਿਆ ਸੀ।