ਕਿਸਾਨ ਦੇ ਇਕਲੌਤੇ ਪੁੱਤਰ ਦੀ ਸੁਪਰਸੀਡਰ 'ਚ ਆਉਣ ਕਾਰਨ ਮੌਤ

ਬਰਨਾਲਾ/ਰੂੜੇਕੇ ਕਲਾਂ, 28 ਨਵੰਬਰ (ਗੁਰਪ੍ਰੀਤ ਸਿੰਘ ਕਾਹਨੇਕੇ)-ਜ਼ਿਲ੍ਹਾ ਬਰਨਾਲਾ ਦੇ ਪਿੰਡ ਭੈਣੀ ਫੱਤਾ ਦੇ ਕਿਸਾਨ ਦੇ ਇਕਲੌਤੇ ਪੁੱਤਰ ਦੀ ਖੇਤ ਵਿਚ ਕਣਕ ਦੀ ਬਿਜਾਈ ਕਰਦੇ ਸਮੇਂ ਸੁਪਰਸੀਡਰ ਦੀ ਲਪੇਟ ਵਿਚ ਆਉਣ ਕਰਕੇ ਮੌਤ ਹੋਣ ਦੀ ਖ਼ਬਰ ਹੈ। ਜਾਣਕਾਰੀ ਦਿੰਦਿਆਂ ਪਿੰਡ ਦੇ ਸਰਪੰਚ ਬੀਬੀ ਪੁਸ਼ਵਿੰਦਰ ਕੌਰ ਤੇ ਸਭਾ ਦੇ ਸਕੱਤਰ ਗੁਰਪ੍ਰੀਤ ਸਿੰਘ ਭੈਣੀ ਫੱਤਾ ਨੇ ਦੱਸਿਆ ਕਿ ਨੌਜਵਾਨ ਸੁਖਵੀਰ ਸਿੰਘ ਪੁੱਤਰ ਜਗਰਾਜ ਸਿੰਘ ਰਾਜ ਵਾਸੀ ਭੈਣੀ ਫੱਤਾ ਆਪਣੇ ਖੇਤ ਵਿਚ ਕਣਕ ਦੀ ਸੁਪਰਸੀਡਰ ਨਾਲ ਬਿਜਾਈ ਕਰ ਰਿਹਾ ਸੀ। ਜਦੋਂ ਉਹ ਟਰੈਕਟਰ ਦੀ ਡਰਾਈਵਰ ਸੀਟ ਤੋਂ ਖੜ੍ਹਾ ਹੋ ਕੇ ਪਿੱਛੇ ਸੁਪਰਸੀਡਰ ਵੱਲ ਦੇਖਣ ਲੱਗਾ ਤਾਂ ਉਸਦਾ ਪੈਰ ਖਿਸਕਣ ਕਰਕੇ ਉਹ ਸੁਪਰਸੀਡਰ ਅੱਗੇ ਜਾ ਡਿੱਗਿਆ, ਜਿਸ ਕਰਕੇ ਮੌਕੇ ਉਤੇ ਹੀ ਨੌਜਵਾਨ ਦੀ ਮੌਤ ਹੋ ਗਈ। ਮ੍ਰਿਤਕ ਨੌਜਵਾਨ ਸੁਖਵੀਰ ਸਿੰਘ ਗਰੀਬ ਕਿਸਾਨ ਪਰਿਵਾਰ ਦਾ 2 ਭੈਣਾਂ ਦਾ ਇਕਲੌਤਾ ਪੁੱਤਰ ਸੀ।