ਠੇਕੇਦਾਰ ਚੌਧਰੀ ਸ਼ਾਮ ਲਾਲ ਖਟਾਣਾ ਦਿੱਲੀ ਵਾਲੇ ਨਹੀਂ ਰਹੇ

ਪੋਜੇਵਾਲ ਸਰਾਂ,ਰੈਲਮਾਜਰਾ(ਨਵਾਂਸ਼ਹਿਰ) , 22 ਨਵੰਬਰ (ਬੂਥਗੜ੍ਹੀਆ,ਸ਼ੁਭਾਸ ਟੋਸਾਂ) - ਨਾਮਵਾਰ ਠੇਕੇਦਾਰ ਦਿੱਲੀ ਵਾਲੇ ਠੇਕੇਦਾਰ ਸ਼ਾਮ ਲਾਲ ਖਟਾਣਾ ਦਿੱਲੀ ਵਾਲੇ ਨਹੀਂ ਰਹੇ। ਠੇਕੇਦਾਰ ਚੌਧਰੀ ਸ਼ਾਮ ਲਾਲ ਖਟਾਣਾ ਦੇ ਅੱਜ ਸਵੇਰੇ ਅਚਾਨਕ ਦਿਲ ਦਾ ਦੌਰਾ ਪੈਣ ਨਾਲ ਉਨ੍ਹਾਂ ਦਾ ਦਿਹਾਂਤ ਹੋ ਗਿਆ । ਉਨ੍ਹਾਂ ਦਾ ਅੰਤਿਮ ਸੰਸਕਾਰ ਅੱਜ ਮਿਤੀ 23 ਨਵੰਬਰ ਨੂੰ ਉਨ੍ਹਾਂ ਦੇ ਖਟਾਣਾ ਫਾਰਮ ਹਾਊਸ ਭਰਥਲਾ ਵਿਖੇ ਸਵੇਰੇ 10 ਵਜੇ ਕੀਤਾ ਜਾਵੇਗਾ। ਇਹ ਜਾਣਕਾਰੀ ਉਨ੍ਹਾਂ ਦੇ ਸਪੁੱਤਰ ਠੇਕੇਦਾਰ ਦੀਪਕ ਖਟਾਣਾ ਵਲੋਂ ਦਿੱਤੀ ਗਈ। ਚੌਧਰੀ ਸ਼ਾਮ ਲਾਲ ਖਟਾਣਾ ਦੇ ਦਿਹਾਂਤ 'ਤੇ ਹਲਕੇ ਦੇ ਸਮੂਹ ਸਮਾਜ ਸੇਵੀ ਤੇ ਵੱਖ-ਵੱਖ ਰਾਜਨੀਤਿਕ ਪਾਰਟੀਆਂ ਵਲੋਂ ਪਰਿਵਾਰ ਨਾਲ ਦੁੱਖ ਦਾ ਪ੍ਰਗਟਾਵ ਕੀਤਾ ਗਿਆ।