ਨਾਰਥ ਜ਼ੋਨ ਯੂਥ ਫੈਸਟੀਵਲ ਦੀ ਓਵਰਆਲ ਟਰਾਫ਼ੀ ਸੀ.ਟੀ.ਈ.ਐਮ.ਟੀ. ਸ਼ਾਹਪੁਰ ਦੇ ਨਾਂਅ
ਜਲੰਧਰ, 10 ਅਕਤੂਬਰ (ਜਸਪਾਲ ਸਿੰਘ)-ਆਈਕੇਜੀ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਦੇ ਨਾਰਥ ਜ਼ੋਨ ਯੂਥ ਫੈਸਟੀਵਲ 2026 ਵਿੱਚ ਮੇਜ਼ਬਾਨ ਸੰਸਥਾ ਸੀਟੀਈਐਮਟੀ ਸ਼ਾਹਪੁਰ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਓਵਰਆਲ ਜੇਤੂ ਦੀ ਟਰਾਫ਼ੀ ਆਪਣੇ ਨਾਮ ਕੀਤੀ । ਤਿੰਨ ਰੋਜ਼ਾ ਮੇਲੇ ਦੌਰਾਨ ਸੰਸਥਾ ਨੇ 16 ਸੋਨ, 4 ਚਾਂਦੀ ਅਤੇ 3 ਕਾਂਸੀ ਦੇ ਤਗਮਿਆਂ ਸਮੇਤ ਕੁੱਲ 23 ਤਗਮੇ ਜਿੱਤੇ ।
ਨ
ਨਾਰਥ ਜ਼ੋਨ ਯੂਥ ਫੈਸਟੀਵਲ ’ਚ ਓਵਰਆਲ ਟਰਾਫੀ ਜਿੱਤਣ ਵਾਲੇ ਸੀ. ਟੀ. ਈ. ਐਮ. ਟੀ. ਸ਼ਾਹਪੁਰ ਦੇ ਵਿਦਿਆਰਥੀ ਹਰਪ੍ਰੀਤ ਸਿੰਘ, ਅਧਿਆਪਕਾਂ ਤੇ ਹੋਰਨਾਂ ਪ੍ਰਮੁੱਖ ਸ਼ਖਸੀਅਤਾਂ ਦੇ ਨਾਲ। ਤਸਵੀਰ : ਜੀ. ਪੀ. ਸਿੰਘ
11-10-2026
ਜਲੰਧਰ, 10 ਅਕਤੂਬਰ (ਜਸਪਾਲ ਸਿੰਘ)-ਆਈਕੇਜੀ ਪੰਜਾਬ ਟੈਕਨੀਕਲ ਯੂਨੀਵਰਸਿਟੀ ਦੇ ਨਾਰਥ ਜ਼ੋਨ ਯੂਥ ਫੈਸਟੀਵਲ 2026 ਵਿੱਚ ਮੇਜ਼ਬਾਨ ਸੰਸਥਾ ਸੀਟੀਈਐਮਟੀ ਸ਼ਾਹਪੁਰ ਨੇ ਸ਼ਾਨਦਾਰ ਪ੍ਰਦਰਸ਼ਨ ਕਰਦਿਆਂ ਓਵਰਆਲ ਜੇਤੂ ਦੀ ਟਰਾਫ਼ੀ ਆਪਣੇ ਨਾਮ ਕੀਤੀ । ਤਿੰਨ ਰੋਜ਼ਾ ਮੇਲੇ ਦੌਰਾਨ ਸੰਸਥਾ ਨੇ 16 ਸੋਨ, 4 ਚਾਂਦੀ ਅਤੇ 3 ਕਾਂਸੀ ਦੇ ਤਗਮਿਆਂ ਸਮੇਤ ਕੁੱਲ 23 ਤਗਮੇ ਜਿੱਤੇ । ਖਾਲਸਾ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ, ਅੰਮ੍ਰਿਤਸਰ ਨੇ ਓਵਰਆਲ ਉਪ-ਜੇਤੂ ਦਾ ਖ਼ਿਤਾਬ ਹਾਸਲ ਕੀਤਾ । ਸੀਟੀਈਐਮਟੀ ਸ਼ਾਹਪੁਰ ਨੇ ਭੰਗੜਾ, ਗਿੱਧਾ, ਮਾਈਮ, ਮਿਮਿਕਰੀ, ਇਕਾਂਗੀ ਨਾਟਕ, ਭਾਰਤੀ ਹਲਕਾ ਗਾਇਨ, ਸ਼ਾਸਤਰੀ ਸਾਜ਼ ਇਕੱਲਾ (ਗੈਰ-ਤਾਲ ਸਾਜ਼), ਸ਼ਾਸਤਰੀ ਗਾਇਨ ਇਕੱਲਾ, ਲੋਕ ਗੀਤ, ਵਾਰ ਗਾਇਨ, ਸਮੂਹ ਸ਼ਬਦ/ਭਜਨ, ਭਾਰਤੀ ਸਮੂਹ ਗਾਇਨ, ਪੱਛਮੀ ਇਕੱਲਾ ਗਾਇਨ, ਪੱਛਮੀ ਸਮੂਹ ਗਾਇਨ, ਮੌਕੇ ’ਤੇ ਚਿੱਤਰਕਾਰੀ ਅਤੇ ਮੌਕੇ ’ਤੇ ਫੋਟੋਗ੍ਰਾਫ਼ੀ ਵਿੱਚ ਪਹਿਲਾ ਸਥਾਨ ਪ੍ਰਾਪਤ ਕੀਤਾ । ਸੰਸਥਾ ਦੇ ਵਿਨੋਦ ਨੂੰ ਇਕਾਂਗੀ ਨਾਟਕ ਵਿੱਚ ਸਰਵੋਤਮ ਅਦਾਕਾਰ ਅਤੇ ਗਿੱਧੇ ਵਿੱਚ ਸਰਵੋਤਮ ਨਰਤਕ ਦਾ ਸਨਮਾਨ ਵੀ ਮਿਲਿਆ । ਫੈਸਟੀਵਲ ਦਾ ਉਦਘਾਟਨ ਪੰਜਾਬ ਦੇ ਸੱਭਿਆਚਾਰ ਅਤੇ ਸੈਰ-ਸਪਾਟਾ ਵਿਭਾਗ ਦੇ ਸਲਾਹਕਾਰ ਅਤੇ ਪੰਜਾਬ ਕ੍ਰਿਕਟ ਐਸੋਸੀਏਸ਼ਨ ਦੇ ਉਪ-ਪ੍ਰਧਾਨ ਸ੍ਰੀ ਦੀਪਕ ਬਾਲੀ ਨੇ ਮੁੱਖ ਮਹਿਮਾਨ ਵਜੋਂ ਕੀਤਾ । ਇਸ ਮੌਕੇ ਆਈਕੇਜੀ ਪੀਟੀਯੂ ਦੇ ਸਹਾਇਕ ਨਿਰਦੇਸ਼ਕ, ਯੁਵਾ ਮਾਮਲੇ, ਸ੍ਰੀ ਸਮੀਰ ਸ਼ਰਮਾ ਅਤੇ ਨੌਰਥ ਜ਼ੋਨ ਯੂਥ ਫੈਸਟੀਵਲ ਦੇ ਨਿਗਰਾਨ ਸ੍ਰੀ ਦੀਪਕ ਸ਼ਾਹ ਵਿਸ਼ੇਸ਼ ਮਹਿਮਾਨ ਵਜੋਂ ਸ਼ਾਮਲ ਹੋਏ । ਸੀਟੀ ਗਰੁੱਪ ਵੱਲੋਂ ਮੈਨੇਜਿੰਗ ਡਾਇਰੈਕਟਰ ਡਾ. ਮਨਬੀਰ ਸਿੰਘ, ਵਾਈਸ ਚੇਅਰਮੈਨ ਹਰਪ੍ਰੀਤ ਸਿੰਘ, ਐਗਜ਼ੀਕਿਊਟਿਵ ਡਾਇਰੈਕਟਰ ਡਾ. ਨਿਤਿਨ ਟੰਡਨ, ਕੈਂਪਸ ਡਾਇਰੈਕਟਰ ਡਾ. ਜਯਾਸ਼ੀਸ਼ ਸੇਠੀ, ਗਰੁੱਪ ਡਾਇਰੈਕਟਰ ਡੀਐੱਸਡਬਲਿਊ ਇੰਜੀਨੀਅਰ ਦਵਿੰਦਰ ਸਿੰਘ ਅਤੇ ਡਿਪਟੀ ਡਾਇਰੈਕਟਰ ਡੀਐੱਸਡਬਲਿਊ ਲੈਫਟੀਨੈਂਟ ਤਾਬਿਸ਼ ਅਲੀ ਖ਼ਾਨ ਨੇ ਵੀ ਸਮਾਗਮ ਵਿੱਚ ਸ਼ਿਰਕਤ ਕੀਤੀ । ਇਸ ਮੌਕੇ ਸੀਟੀ ਗਰੁੱਪ ਦੇ ਮੈਨੇਜਿੰਗ ਡਾਇਰੈਕਟਰ ਡਾ. ਮਨਬੀਰ ਸਿੰਘ ਨੇ ਸੀਟੀਈਐਮਟੀ ਸ਼ਾਹਪੁਰ ਦੇ ਵਿਦਿਆਰਥੀਆਂ ਅਤੇ ਅਧਿਆਪਕਾਂ ਦੇ ਸਮਰਪਣ, ਅਨੁਸ਼ਾਸਨ ਅਤੇ ਰਚਨਾਤਮਕਤਾ ਦੀ ਸ਼ਲਾਘਾ ਕੀਤੀ । ਹੋਰ ਸ਼੍ਰੇਣੀਆਂ ਵਿੱਚ ਪਿਰਾਮਿਡ ਕਾਲਜ, ਕਪੂਰਥਲਾ ਨੇ ਫਾਈਨ ਆਰਟਸ ਦੀ ਓਵਰਆਲ ਟਰਾਫ਼ੀ, ਜਦਕਿ ਆਈਕੇਜੀ ਪੀਟੀਯੂ, ਕਪੂਰਥਲਾ ਨੇ ਸਾਹਿਤਕ ਮੁਕਾਬਲਿਆਂ ਦੀ ਓਵਰਆਲ ਟਰਾਫ਼ੀ ਜਿੱਤੀ। ਪਿਰਾਮਿਡ ਕਾਲਜ ਦੇ ਗੁਰਸ਼ਰਨ ਸਿੰਘ ਨੂੰ ਭੰਗੜੇ ਵਿੱਚ ਸਰਵੋਤਮ ਨਰਤਕ ਅਤੇ ਖਾਲਸਾ ਕਾਲਜ ਆਫ਼ ਇੰਜੀਨੀਅਰਿੰਗ ਐਂਡ ਟੈਕਨਾਲੋਜੀ ਦੀ ਨਰੂਪ ਕੌਰ ਨੂੰ ਇਕਾਂਗੀ ਨਾਟਕ ਵਿੱਚ ਸਰਵੋਤਮ ਅਦਾਕਾਰਾ ਦਾ ਸਨਮਾਨ ਮਿਲਿਆ। ਸੀਟੀਆਈਐਮਟੀ ਮਕਸੂਦਾਂ ਨੇ ਸਕਿੱਟ ਅਤੇ ਸ਼ਾਸਤਰੀ ਸਾਜ਼ ਇਕੱਲਾ (ਤਾਲ ਸਾਜ਼) ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ। ਅੰਮ੍ਰਿਤਸਰ ਗਰੁੱਪ ਆਫ਼ ਕਾਲਜਿਜ਼, ਸ੍ਰੀ ਸਾਈ ਕਾਲਜ ਆਫ਼ ਮੈਨੇਜਮੈਂਟ ਅਤੇ ਸੇਂਟ ਸੋਲਜਰ ਗਰੁੱਪ ਨੇ ਕ੍ਰਮਵਾਰ ਕਵਿਤਾ ਉਚਾਰਨ, ਰਚਨਾਤਮਕ ਲੇਖਣ ਅਤੇ ਕੁਇਜ਼ ਮੁਕਾਬਲੇ ਵਿੱਚ ਪਹਿਲੇ ਸਥਾਨ ਪ੍ਰਾਪਤ ਕੀਤੇ । ਅੰਤਿਮ ਨਤੀਜਿਆਂ ਵਿੱਚ ਅੰਮ੍ਰਿਤਸਰ ਗਰੁੱਪ ਆਫ਼ ਕਾਲਜਿਜ਼ ਤੀਜੇ ਸਥਾਨ ’ਤੇ ਰਿਹਾ।
