ਸ਼ਾਹਕੋਟ, 14 ਜੂਨ (ਸੁਖਦੀਪ ਸਿੰਘ)-ਦਰਬਾਰ ਹਜ਼ਰਤ ਬਾਬਾ ਊਧੋ ਸ਼ਾਹ ਚਿਸ਼ਤੀ ਸਾਬਰੀ ਸ਼ਾਹਕੋਟ ਦਾ ਸਲਾਨਾ ਮੇਲਾ 29 ਤੇ 30 ਜੂਨ ਨੂੰ ਸਮੂਹ ਨਾਹਰ ਪਰਿਵਾਰ ਵੱਲੋਂ ਮੁਹੱਲਾ ਰਿਸ਼ੀ ਨਗਰ, ਸ਼ਾਹਕੋਟ ਵਿਖੇ ਮੁੱਖ ਸੇਵਾਦਾਰ ਸਾਂਈ ਨਰੇਸ਼ ਨਾਹਰ ਦੀ ਅਗਵਾਈ ਹੇਠ ਸੰਗਤਾਂ ਦੇ ਸਹਿਯੋਗ ਨਾਲ ਕਰਵਾਇਆ ਜਾ ਰਿਹਾ ਹੈ | ਮੁੱਖ ਸੇਵਾਦਾਰ ਸਾਂਈ ਨਰੇਸ਼ ਨਾਹਰ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਮੇਲੇ ਮੌਕੇ 29 ਜੂਨ ਦਿਨ ਸੋਮਵਾਰ ਨੂੰ ਸਵੇਰੇ 11 ਵਜੇ ਚਾਦਰ ਤੇ ਝੰਡੇ ਦੀ ਰਸਮ ਹੋਵੇਗੀ ਅਤੇ ਰਾਤ 9 ਵਜੇ ਤੋਂ ਮਹਿਫ਼ਲ-ਏ-ਕਵਾਲੀ ਦਾ ਪ੍ਰੋਗਰਾਮ ਹੋਵੇਗਾ, ਜਿਸ ਵਿਚ ਸੋਨੂੰ ਸਲੀਮ ਐਂਡ ਪਾਰਟੀ ਅਟਾਰੀ ਵਾਲੇ ਅਤੇ ਸਲਾਮਤ ਅਲੀ ਮਤੋਈ ਆਪਣੇ ਪ੍ਰੋਗਰਾਮ ਪੇਸ਼ ਕਰਨਗੇ | ਮੇਲੇ ਦੇ ਆਖ਼ਰੀ ਦਿਨ 30 ਜੂਨ ਦਿਨ ਮੰਗਲਵਾਰ ਨੂੰ ਦੁਪਹਿਰ 12 ਵਜੇ ਸੱਭਿਆਚਾਰਕ ਪ੍ਰੋਗਰਾਮ ਹੋਵੇਗਾ, ਜਿਸ ਵਿਚ ਸੰਨੀ ਮਿੱਤਲ ਸਮੇਤ ਹੋਰ ਪ੍ਰਸਿੱਧ ਕਲਾਕਾਰ ਮੇਲੇ ਦੀ ਰੌਣਕ ਨੂੰ ਵਧਾਉਣਗੇ | ਇਸ ਮੌਕੇ ਭਾਜਪਾ ਆਗੂ ਰਾਣਾ ਹਰਦੀਪ ਸਿੰਘ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕਰਨਗੇ, ਜਦਕਿ ਗੁਰੂ ਮੁਰਸ਼ਦ ਰਾਜੂ ਸਰਕਾਰ (ਨਸੀਰਪੁਰ ਵਾਲੇ) ਤੇ ਸਾਂਈ ਕਸ਼ਮੀਰ ਸਿੰਘ (ਪੱਥੋਰਾਈਵਾਲੇ) ਉਚੇਚੇ ਤੌਰ 'ਤੇ ਪਹੁੰਚਣਗੇ |
