ਬੱਚਿਆਂ ਦੇ ਕੈਂਸਰ ਖ਼ਿਲਾਫ਼ 600 ਕਿਲੋਮੀਟਰ ਸਾਈਕਲ ਯਾਤਰਾ ਮੁਕੰਮਲ
19 ਪੁਲਿਸ ਤੇ ਐਮਰਜੈਂਸੀ ਕਰਮਚਾਰੀਆਂ ਨੇ ਦਿਖਾਈ ਏਕਤਾ ਦੀ ਮਿਸਾਲ
ਵੈਨਕੂਵਰ, 20 ਸਤੰਬਰ (ਮਲਕੀਤ ਸਿੰਘ)-ਬੱਚਿਆਂ ਦੇ ਕੈਂਸਰ ਖ਼ਿਲਾਫ਼ ਖੋਜ ਅਤੇ ਕੈਂਸਰ ਪੀੜਤ ਬੱਚਿਆਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀ ਸਹਾਇਤਾ ਲਈ ਕੱਢੀ ਗਈ 6 ਦਿਨਾਂ ਦੀ ‘ਕੌਪਸ ਫਾਰ ਕੈਂਸਰ-ਟੂਰ ਡੀ ਵੈਲੀ 2026’ ਸਾਈਕਲ ਯਾਤਰਾ 600 ਕਿਲੋਮੀਟਰ ਤੋਂ ਵੱਧ ਦਾ ਸਫ਼ਰ ਤੈਅ ਕਰਨ ਮਗਰੋਂ ਸਮਾਪਤ ਹੋ ਗਈ ਹੈ। ਇਸ ਸਾਲ 19 ਪੁਲਿਸ, ਅੱਗ ਬੁਝਾਊ ਅਤੇ ਹੋਰ ਐਮਰਜੈਂਸੀ ਸੇਵਾਵਾਂ ਨਾਲ ਜੁੜੇ ਕਰਮਚਾਰੀਆਂ ਨੇ ਇਸ ਯਾਤਰਾ ਵਿੱਚ ਹਿੱਸਾ ਲਿਆ।
ਵੈਨਕੂਵਰ, 20 ਸਤੰਬਰ (ਮਲਕੀਤ ਸਿੰਘ)-ਬੱਚਿਆਂ ਦੇ ਕੈਂਸਰ ਖ਼ਿਲਾਫ਼ ਖੋਜ ਅਤੇ ਕੈਂਸਰ ਪੀੜਤ ਬੱਚਿਆਂ ਤੇ ਉਨ੍ਹਾਂ ਦੇ ਪਰਿਵਾਰਾਂ ਦੀ ਸਹਾਇਤਾ ਲਈ ਕੱਢੀ ਗਈ 6 ਦਿਨਾਂ ਦੀ ‘ਕੌਪਸ ਫਾਰ ਕੈਂਸਰ-ਟੂਰ ਡੀ ਵੈਲੀ 2026’ ਸਾਈਕਲ ਯਾਤਰਾ 600 ਕਿਲੋਮੀਟਰ ਤੋਂ ਵੱਧ ਦਾ ਸਫ਼ਰ ਤੈਅ ਕਰਨ ਮਗਰੋਂ ਸਮਾਪਤ ਹੋ ਗਈ ਹੈ। ਇਸ ਸਾਲ 19 ਪੁਲਿਸ, ਅੱਗ ਬੁਝਾਊ ਅਤੇ ਹੋਰ ਐਮਰਜੈਂਸੀ ਸੇਵਾਵਾਂ ਨਾਲ ਜੁੜੇ ਕਰਮਚਾਰੀਆਂ ਨੇ ਇਸ ਯਾਤਰਾ ਵਿੱਚ ਹਿੱਸਾ ਲਿਆ।ਸਾਈਕਲ ਸਵਾਰਾਂ ਨੇ ਸਰੀ, ਲੈਂਗਲੀ, ਵ੍ਹਾਈਟ ਰਾਕ, ਐਬਟਸਫੋਰਡ, ਮਿਸ਼ਨ ਅਤੇ ਚਿਲੀਵੈਕ ਸਮੇਤ ਫਰੇਜ਼ਰ ਵੈਲੀ ਦੇ ਵੱਖ-ਵੱਖ ਇਲਾਕਿਆਂ ਵਿੱਚੋਂ ਲੰਘਦਿਆਂ ਲੋਕਾਂ ਨੂੰ ਬੱਚਿਆਂ ਦੇ ਕੈਂਸਰ ਬਾਰੇ ਜਾਗਰੂਕ ਕੀਤਾ। ਯਾਤਰਾ ਦੌਰਾਨ ਸਕੂਲਾਂ, ਪੁਲਿਸ ਦਫ਼ਤਰਾਂ ਅਤੇ ਹੋਰ ਥਾਵਾਂ ‘ਤੇ ਲੋਕਾਂ ਵਲੋਂ ਸਾਈਕਲ ਸਵਾਰਾਂ ਦਾ ਸਵਾਗਤ ਕੀਤਾ ਗਿਆ। ਇਸ ਮੁਹਿੰਮ ਦਾ ਮੁੱਖ ਮਕਸਦ ਕੈਨੇਡੀਅਨ ਕੈਂਸਰ ਸੁਸਾਇਟੀ ਲਈ ਰਾਸ਼ੀ ਇਕੱਠਾ ਕਰਨਾ ਹੈ। ਇਹ ਰਕਮ ਬੱਚਿਆਂ ਦੇ ਕੈਂਸਰ ਸਬੰਧੀ ਖੋਜ ਦੇ ਨਾਲ ਕੈਂਪ ਗੁੱਡਟਾਈਮਜ਼ ਲਈ ਵੀ ਵਰਤੀ ਜਾਂਦੀ ਹੈ, ਜਿਥੇ ਕੈਂਸਰ ਨਾਲ ਜੂਝ ਰਹੇ ਜਾਂ ਇਲਾਜ ਕਰਵਾ ਚੁੱਕੇ ਬੱਚਿਆਂ ਅਤੇ ਉਨ੍ਹਾਂ ਦੇ ਪਰਿਵਾਰਾਂ ਨੂੰ ਡਾਕਟਰੀ ਨਿਗਰਾਨੀ ਹੇਠ ਮਨੋਰੰਜਨ ਅਤੇ ਸਹਾਇਤਾ ਮੁਹੱਈਆ ਕਰਵਾਈ ਜਾਂਦੀ ਹੈ। ਪ੍ਰਾਪਤ ਵੇਰਵਿਆਂ ਮੁਤਾਬਕ ਇਸ ਸਾਲ ਦੀ ਮੁਹਿੰਮ ਦੌਰਾਨ 2 ਲੱਖ 36 ਹਜ਼ਾਰ 400 ਡਾਲਰ ਰਾਸ਼ੀ ਇਕੱਤਰ ਹੋਈ ਹੈ।
