ਵਿਸ਼ਵ ਭਰ ਦੀਆਂ 18 ਕਬੱਡੀ ਫੈਡਰੇਸ਼ਨਾਂ ਦੀ ਸਾਂਝੀ ਫੈਡਰੇਸ਼ਨ ਫਿਕਫਾ ਦੀ ਹਾਲੈਂਡ ’ ਚ ਦੋ ਰੋਜ਼ਾ ਮੀਟਿੰਗ ਸੰਪੰਨ

ਬਰੇਸ਼ੀਆ (ਇਟਲੀ), 14 ਸਤੰਬਰ (ਬਲਦੇਵ ਸਿੰਘ ਬੂਰੇ ਜੱਟਾਂ)- ਵਿਸ਼ਵ ਭਰ ਦੀਆਂ 18 ਕਬੱਡੀ ਫੈਡਰੇਸ਼ਨਾਂ ਦੀ ਸਾਂਝੀ ਫੈਡਰੇਸ਼ਨ ਫਿਕਫਾ ( ਫੈਡਰੇਸ਼ਨ ਆਫ ਇੰਟਰਨੈਸ਼ਨਲ ਕਬੱਡੀ ਫੈਡਰੇਸ਼ਨ ਐਂਡ ਐਸੋਸੀਏਸ਼ਨਸ) ਦੀ ਵਿਸ਼ੇਸ਼ ਦੋ ਰੋਜ਼ਾ ਮੀਟਿੰਗ ਹਾਲੈਂਡ ਦੇ ਸ਼ਹਿਰ ਐਮਸਟਰਡਮ ਵਿਖੇ ਰਸ਼ਪਾਲ ਸਿੰਘ ਸ਼ੀਰਾ (ਇੰਗਲੈਂਡ ) ਦੀ ਪ੍ਰਧਾਨਗੀ ਹੇਠ ਹੋਈ। ਇਸ ਮੀਟਿੰਗ ਵਿਚ ਸਾਲ 2027 ਦੇ ਕਬੱਡੀ ਸੀਜਨ ਬਾਰੇ ਖੁੱਲ ਕੇ ਵਿਚਾਰ ਵਟਾਂਦਰਾ ਕੀਤਾ ਗਿਆ ਅਤੇ ਕਬੱਡੀ ਦੇ ਮਿਆਰ ਨੂੰ ਉੱਚਾ ਚੁੱਕਣ, ਖਿਡਾਰੀਆਂ ਨੂੰ ਨਸ਼ਾ ਰਹਿਤ ਕਰਨ, ਗਰਾਊਂਡਾਂ ਵਿਚ ਅਨੁਸਾਸ਼ਨ ਬਣਾ ਕੇ ਰੱਖਣ, ਕਬੱਡੀ ਖਿਡਾਰੀਆਂ ਨੂੰ ਗਰੇਡ ਦੇ ਹਿਸਾਬ ਨਾਲ ਬੁਲਾਉਣਾ ਅਤੇ ਖੇਡ ਤੇ ਵਧੀਆ ਕੰਟਰੋਲ ਰੱਖਣ ਲਈ ਕਮੇਟੀਆਂ ਬਣਾਉਣ ਲਈ ਸਭ ਦੇ ਵਿਚਾਰ ਮੰਗੇ ਗਏ।