ਕਰੇਲੇ ਨਾਲ ਕਰੋ ਘਰੇਲੂ ਇਲਾਜ

ਕਰੇਲਾ ਮਨੁੱਖੀ ਸਰੀਰ ਲਈ ਬਹੁਤ ਹੀ ਲਾਭਕਾਰੀ ਅਤੇ ਦਵਾਈ ਪੱਖੋਂ ਵੀ ਕਈ ਗੁਣਾਂ ਦਾ ਭੰਡਾਰ ਹੈ। ਇਹ ਭੁੱਖ ਨੂੰ ਵਧਾ ਕੇ ਸਾਡੀ ਪਾਚਣ ਸ਼ਕਤੀ ਸੁਧਾਰਦਾ ਹੈ। ਪਚਣ 'ਚ ਹਲਕਾ ਹੈ। ਠੰਢਾ ਹੋਣ ਕਾਰਨ ਗਰਮੀ ਤੋਂ ਪੈਦਾ ਹੋਣ ਵਾਲੇ ਵਿਕਾਰਾਂ ਨੂੰ ਛੇਤੀ ਠੀਕ ਕਰਦਾ ਹੈ। ਕਰੇਲਾ ਬੁਖ਼ਾਰ, ਖੰਘ, ਚਮੜੀ ਦੇ ਨੁਕਸ, ਅਨੀਮੀਆ, ਸ਼ੂਗਰ ਅਤੇ ਪੇਟ ਦੇ ਕੀੜੇ ਵੀ ਨਸ਼ਟ ਕਰਦਾ ਹੈ।
ਕਰੇਲੇ ਦੇ ਕੁਝ ਔਸ਼ਧੀ ਗੁਣ: ਕਰੇਲੇ ਦੇ ਟੁਕੜਿਆਂ ਨੂੰ ਛਾਵੇਂ ਸੁਕਾ ਕੇ, ਪੀਹ ਕੇ ਬਾਰੀਕ ਚੂਰਨ ਬਣਾ ਲਓ। 6 ਗਰਾਮ ਚੂਰਨ ਪਾਣੀ ਨਾਲ ਲੈਣ ਨਾਲ ਸ਼ੂਗਰ ਦੇ ਰੋਗੀ ਨੂੰ ਲਾਭ ਮਿਲਦਾ ਹੈ।
ਕਰੇਲੇ ਦੇ ਪੱਤਿਆਂ ਦਾ ਰਸ (50 ਮਿ.ਲਿ.) 'ਚ ਥੋੜ੍ਹੀ ਜਿਹੀ ਹਿੰਗ ਮਿਲਾ ਕੇ ਪੀਣ ਨਾਲ ਪਿਸ਼ਾਬ ਖੁੱਲ੍ਹ ਕੇ ਆਉਂਦਾ ਹੈ।
ਇਸ ਦੇ ਪੱਤਿਆਂ ਨੂੰ ਪੱਥਰ 'ਤੇ ਕੁੱਟ ਕੇ ਚਟਣੀ ਜਿਹੀ ਬਣਾ ਕੇ ਲੇਪ ਲਗਾਉਣ ਨਾਲ ਚਮੜੀ ਦੇ ਰੋਗ ਮਿਟਦੇ ਹਨ ਅਤੇ ਇਸੇ ਲੇਪ ਨਾਲ ਅੱਗ ਨਾਲ ਸੜੀ ਥਾਂ ਵੀ ਠੀਕ ਹੋ ਜਾਂਦੀ ਹੈ। ਕਰੇਲੇ ਦਾ ਭੜਥਾ ਬਣਾ ਕੇ ਖਾਣ ਨਾਲ ਗਠੀਏ ਦੀ ਸੋਜ਼ ਘੱਟ ਹੋ ਜਾਂਦੀ ਹੈ। ਕਰੇਲੇ ਦੇ ਤਿੰਨ ਬੀਜ ਅਤੇ ਤਿੰਨ ਕਾਲੀਆਂ ਮਿਰਚਾਂ ਨੂੰ ਪੱਥਰ ਦੇ ਕੂੰਡੇ ਵਿਚ ਪਾਣੀ ਪਾ ਕੇ ਕੁੱਟ ਲਓ, ਇਹ ਬੱਚੇ ਨੂੰ ਪਿਲਾਉਣ ਨਾਲ ਉਲਟੀ ਅਤੇ ਦਸਤ ਬੰਦ ਹੋ ਜਾਂਦੇ ਹਨ।
ਇਸ ਨੂੰ ਜਾਂ ਇਸ ਦੇ ਪੱਤੇ ਦੇ ਰਸ 'ਚ ਇਕ ਚਮਚ ਸ਼ੱਕਰ ਮਿਲਾ ਕੇ ਖਵਾਉਣ ਨਾਲ ਖ਼ੂਨੀ ਬਵਾਸੀਰ ਤੋਂ ਲਾਭ ਮਿਲਦਾ ਹੈ।