ਧੁੱਪ ਸੁੰਦਰਤਾ ਵਧਾਉਂਦੀ ਹੈ | ਇਸ ਦੀ ਵਰਤੋਂ ਨਾਲ ਚਿਹਰੇ 'ਤੇ ਤੇਜ਼ ਅਤੇ ਆਭਾ ਝਲਕਦੀ ਹੈ | ਸੂਰਜ ਦੀ ਕਿਰਨਾਂ ਰੋਗ ਦੇ ਕੀਟਾਣੂਆਂ ਦਾ ਨਾਸ਼ ਕਰਦੀਆਂ ਹਨ ਅਤੇ ਤਾਕਤ, ਸਾਹਸ ਦਾ ਵਾਧਾ ਕਰਦੀ ਹੈ | ਇਸ ਨਾਲ ਹਰਾਜ਼ਮਾ ਕਿਰਿਆ ਸਹੀ ਢੰਗ ਨਾਲ ਚਲਦੀ ਹੈ ਅਤੇ ਮਨੁੱਖ ਸਿਹਤਮੰਦ ਰਹਿੰਦਾ ਹੈ | ਸੂਰਜ ਤੋਂ ਬਿਨਾਂ ਜੀਵਨ ਅਸੰਭਵ ਹੈ |
ਕੁਝ ਸਾਵਧਾਨੀਆਂ
ਬਹੁਤਾਤ ਹਮੇਸ਼ਾ ਨੁਕਸਨਕਾਰੀ ਹੁੰਦੀ ਹੈ | ਧੁੱਪ ਦੇ ਸੰਬੰਧ ਵਿਚ ਵੀ ਇਹੀ ਗੱਲ ਹੈ | ਸੂਰਜ ਦੀਆਂ ਕਿਰਨਾਂ ਜਦੋਂ ਸਰੀਰ 'ਤੇ ਸਿੱਧੀਆਂ ਪੈਂਦੀਆਂ ਹਨ ਤਾਂ ਚਮੜੀ ਦਾ ਕੈਂਸਰ ਤੱਕ ਹੋਣ ਦੀ ਸੰਭਾਵਨਾ ਹੋ ਜਾਂਦੀ ਹੈ | ਇਕ ਅਧਿਐਨ ਅਨੁਸਾਰ ਬਰਫ਼ੀਲੀਆਂ ਥਾਵਾਂ 'ਤੇ ਤੇਜ਼ ਧੁੱਪ ਦਾ ਸਾਹਮਣਾ ਤਾਂ ਨੇਤਰਹੀਨਤਾ ਹੋਣ ਤੱਕ ਵੀ ਸੰਭਵ ਹੈ |
ਕਈ ਵਾਰ ਲੋਕਾਂ ਨੂੰ ਇਹ ਭਰਮ ਹੋ ਜਾਂਦਾ ਹੈ ਕਿ ਘੱਟ ਤਾਪਮਾਨ ਸੂਰਜ ਦੀਆਂ ਪਰਾਬੈਂਗਨੀ ਕਿਰਨਾਂ ਤੋਂ ਬਚਾਅ ਕਰਦਾ ਹੈ ਪਰ ਇਸ ਤਰ੍ਹਾਂ ਨਹੀਂ ਹੈ | ਠੰਢ ਦੇ ਕਾਰਨ ਸੂਰਜ ਦੀਆਂ ਕਿਰਨਾਂ ਦੀ ਗਰਮਾਹਟ ਅਸੀਂ ਮਹਿਸੂਸ ਨਹੀਂ ਕਰ ਪਾਉਂਦੇ ਅਤੇ ਪਰਾਬੈਂਗਨੀ ਕਿਰਨਾਂ ਖ਼ਤਰਨਾਕ ਸਾਬਤ ਹੋ ਜਾਂਦੀਆਂ ਹਨ |
ਧੁੱਪ ਵਿਚ ਲਗਾਤਾਰ ਦੇਰ ਤੱਕ ਨਹੀਂ ਰਹਿਣਾ ਚਾਹੀਦਾ | ਧੁੱਪ ਦੀ ਵਰਤੋਂ ਸਮੇਂ ਵਾਲ ਢੱਕ ਕੇ ਬੈਠਣ ਨਾਲ ਇਨ੍ਹਾਂ ਦੀ ਸੁੰਦਰਤਾ ਬਰਕਰਾਰ ਰਹਿੰਦੀ ਹੈ | ਦੁਪਹਿਰ ਦੀ ਗਰਮੀ ਸਭ ਤੋਂ ਵੱਧ ਖ਼ਤਰਨਾਕ ਹੁੰਦੀ ਹੈ | ਇਸ ਤੋਂ ਤਿੰਨ ਘੰਟੇ ਪਹਿਲਾਂ ਅਤੇ ਤਿੰਨ ਘੰਟੇ ਬਾਅਦ ਤੱਕ ਧੁੱਪ ਦੀ ਵਰਤੋਂ ਨਹੀਂ ਕਰਨੀ ਚਾਹੀਦੀ ਹੈ | ਪਰਾਬੈਂਗਨੀ ਕਿਰਨਾਂ ਉੱਪਰ ਤੋਂ ਹੀ ਨਹੀਂ ਸਗੋਂ ਹੇਠਾਂ ਤੋਂ ਵੀ ਚਮੜੀ, ਅੱਖਾਂ ਅਤੇ ਸਰੀਰ ਨੂੰ ਹਾਨੀ ਪਹੁੰਚਾਉਂਦੀਆਂ ਹਨ | ਹਾਨੀ ਦੀ ਇਹ ਮਾਤਰਾ ਸੁੱਕੀਆਂ ਥਾਵਾਂ ਦੀ ਬਜਾਏ ਬਰਫ਼ੀਲੀਆਂ ਥਾਵਾਂ 'ਤੇ ਜ਼ਿਆਦਾ ਹੁੰਦੀ ਹੈ | ਸੂਰਜ ਦੀਆਂ ਕਿਰਨਾਂ ਜਦੋਂ ਸਿੱਧੀਆਂ ਪੈਂਦੀਆਂ ਹੋਣ ਅਤੇ ਜ਼ਿਆਦਾ ਗਰਮਾਹਟ ਹੋਵੇ ਤਾਂ ਉਸ ਸਮੇਂ ਕੱਪੜਿਆਂ ਨਾਲ ਸਰੀਰ ਢੱਕ ਲੈਣ 'ਤੇ ਖ਼ਤਰੇ ਦਾ ਪ੍ਰਭਾਵ ਟਲ ਜਾਂਦਾ ਹੈ |
