ਬੈਗ਼ 'ਚ ਕਿਤਾਬਾਂ ਪਾ ਕੇ ਜਾਂਦੇ ਹਾਂ ਸਕੂਲ ਅਸੀਂ
ਸਿੱਖਦੇ ਹਾਂ ਜ਼ਿੰਦਗੀ ਦੇ ਸੋਹਣੇ ਜਿਹੇ ਅਸੂਲ ਅਸੀਂ।
ਟੀਚਰ ਸਿਖਾਉਂਦੇ ਸਾਨੂੰ ਗੱਲਾਂ ਬਹੁਤ ਚੰਗੀਆਂ,
ਉਨ੍ਹਾਂ ਕੋਲੋਂ ਦੂਰ ਰਹੀਏ ਗੱਲਾਂ ਜੋ ਨੇ ਮੰਦੀਆਂ।
ਗੱਲਬਾਤ ਕਰੀਏ ਨਾ ਕਦੇ ਵੀ ਫਜ਼ੂਲ ਅਸੀਂ,
ਬੈਗ਼ 'ਚ ਕਿਤਾਬਾਂ ਪਾ ਕੇ...।
ਪੜ੍ਹਾਈ ਵਿਚ ਰੱਖਦੇ ਹਾਂ ਸਦਾ ਅਸੀਂ ਧਿਆਨ ਨੂੰ,
ਦਿਮਾਗ 'ਚ ਬਿਠਾਉਂਦੇ ਹਾਂ ਕਿਤਾਬਾਂ ਦੇ ਗਿਆਨ ਨੂੰ,
ਕੰਮ ਆਉਣ ਵਾਲੇ ਸਦਾ ਸਿੱਖਦੇ ਹਾਂ ਰੂਲ ਅਸੀਂ,
ਬੈਗ 'ਚ ਕਿਤਾਬਾਂ ਪਾ ਕੇ...।
ਵੱਡਿਆਂ ਦਾ ਅਸੀਂ ਸਤਿਕਾਰ ਬਹੁਤ ਕਰਦੇ ਹਾਂ,
ਛੋਟਿਆਂ ਦੇ ਨਾਲ ਵੀ ਪਿਆਰ ਅਸੀਂ ਕਰਦੇ ਹਾਂ,
ਵੈਰ ਤੇ ਵਿਰੋਧ ਕੋਲੇ ਜਾਈਏ ਨਾ ਮੂਲ ਅਸੀਂ,
ਬੈਗ 'ਚ ਕਿਤਾਬਾਂ ਪਾ ਕੇ...।
ਅਮਰਜੀਤ ਅੰਕਲ ਸਾਨੂੰ ਬਹੁਤ ਸਮਝਾਉਂਦੇ ਨੇ,
ਹਰ ਵੇਲੇ ਗੱਲਾਂ ਸਾਨੂੰ ਚੰਗੀਆਂ ਸਿਖਾਉਂਦੇ ਨੇ,
ਤਾਹੀਉਂ ਕੰਮ ਕਰੀਏ ਨਾ ਊਲ ਤੇ ਜਲੂਲ ਅਸੀਂ,
ਬੈਗ 'ਚ ਕਿਤਾਬਾਂ ਪਾ ਕੇ...।
-ਅਮਰਜੀਤ ਸਨ੍ਹੇਰਵੀ
ਮਖੂ ਰੋਡ, ਜ਼ੀਰਾ। ਮੋਬਾਈਲ : 99142-16191
