ਮੰਡੀ ਕਿੱਲਿਆਂਵਾਲੀ, 23 ਜਨਵਰੀ (ਇਕਬਾਲ ਸਿੰਘ ਸ਼ਾਂਤ)-ਦਸਮੇਸ਼ ਗਰਲਜ਼ ਕਾਲਜ ਬਾਦਲ ਵਿਖੇ ਨੌਵੀਂ ਪਾਤਿਸ਼ਾਹੀ ਦੇ ਗੁਰਪੁਰਬ ਨੂੰ ਸਮਰਪਿਤ ਸ੍ਰੀ ਅਖੰਡ ਪਾਠ ਸਾਹਿਬ ਜੀ ਦੇ ਭੋਗ ਸ਼ਰਧਾ ਭਾਵਨਾ ਨਾਲ ਪਾਏ ਗਏ | ਪੰਜਾਬ ਯੂਨੀਵਰਸਿਟੀ ਚੰਡੀਗੜ੍ਹ ਦੀਆਂ ਛੁੱਟੀਆਂ ਉਪਰੰਤ ਕਾਲਜ ਖੁੱਲ੍ਹਣ 'ਤੇ ਗੁਰਪੁਰਬ ਸਮਾਗਮ ਕਰਵਾਇਆ | ਸਮੂਹ ਸਟਾਫ਼ ਤੇ ਵਿਦਿਆਰਥਣਾਂ 'ਤੇ ਵਾਹਿਗੁਰੂ ਦੀ ਮਿਹਰ ਲਈ ਅਰਦਾਸ ਕੀਤੀ | ਕਾਲਜ ਦੀ ਟੀਮ ਨੇ ਰਸਭਿੰਨਾ ਸ਼ਬਦ ਕੀਰਤਨ ਕੀਤਾ | ਪਿ੍ੰਸੀਪਲ ਡਾ. ਐੱਸ. ਐੱਸ. ਸੰਘਾ ਨੇ ਸੰਗਤਾਂ ਨੂੰ ਸੰਬੋਧਨ ਕਰਦਿਆਂ ਕਿਹਾ ਕਿ ਗੁਰੂ ਗੋਬਿੰਦ ਸਿੰਘ ਸਾਹਿਬ ਜੀ ਸਮੂਹ ਮਾਨਵਤਾ ਦੇ ਹੱਕਾਂ ਲਈ ਡਟਣ ਵਾਲੇ ਮਹਾਨ ਸੰਤ-ਸਿਪਾਹੀ ਸਨ | ਉਹ ਸਿਰਫ਼ ਇਕ ਧਾਰਮਿਕ ਗੁਰੂ ਹੀ ਨਹੀਂ, ਸਗੋਂ ਇਕ ਲਾਸਾਨੀ ਯੋਧਾ, ਉਘੇ ਸਾਹਿਤਕਾਰ, ਦਾਰਸ਼ਨਿਕ ਤੇ ਸਮਾਜ ਸੁਧਾਰਕ ਵੀ ਸਨ | ਉਨ੍ਹਾਂ ਸੰਸਥਾ ਦੇ ਬਾਨੀ ਸਾਬਕਾ ਮੁੱਖ ਮੰਤਰੀ ਸਵ. ਪ੍ਰਕਾਸ਼ ਸਿੰਘ ਬਾਦਲ ਨੂੰ ਯਾਦ ਕੀਤਾ, ਜਿਨ੍ਹਾਂ ਦੀ ਰਹਿਨੁਮਾਈ ਹੇਠ ਇਹ ਸੰਸਥਾ ਬੁਲੰਦੀਆਂ 'ਤੇ ਪੁੱਜੀ ਹੈ | ਇਸ ਮੌਕੇ ਓ. ਐੱਸ. ਡੀ. ਬਲਕਰਨ ਸਿੰਘ, ਓ. ਐੱਸ. ਡੀ. ਗੁਰਚਰਨ ਸਿੰਘ, ਵਿਕਰਮ ਸਿੰਘ ਭੁੱਲਰ ਤੇ ਅਜਿੰਦਰ ਕੌਰ ਤੋਂ ਇਲਾਵਾ ਗਿੱਦੜਬਾਹਾ, ਮਲੋਟ ਤੇ ਪਿੰਡ ਬਾਦਲ ਦੇ ਵੱਖ-ਵੱਖ ਬੈਂਕਾਂ, ਸਕੂਲਾਂ-ਕਾਲਜਾਂ ਦੇ ਮੁਖੀ ਤੇ ਅਧਿਕਾਰੀਆਂ ਨੇ ਵੀ ਸਮਾਗਮ ਵਿਚ ਹਾਜ਼ਰੀ ਲਗਵਾਈ | ਪਿ੍ੰਸੀਪਲ ਡਾ. ਐੱਸ. ਐੱਸ. ਸੰਘਾ ਤੇ ਦਸਮੇਸ਼ ਗਰਲਜ਼ ਸਿੱਖਿਆ ਕਾਲਜ ਦੇ ਪਿੰ੍ਰਸੀਪਲ ਡਾ. ਸਿਮਰਜੀਤ ਕੌਰ ਬਰਾੜ ਨੇ ਰਾਗੀ ਸਿੰਘਾਂ ਅਤੇ ਪਾਠੀ ਸਿੰਘਾਂ ਨੂੰ ਸਿਰੋਪਾਓ ਦੇ ਕੇ ਸਨਮਾਨਿਤ ਕੀਤਾ |
