ਡਾਕ ਸਮੱਗਰੀ ਦੀ ਬੁਕਿੰਗ ਲਈ ਪਿਕਅੱਪ ਵਾਹਨ ਨੂੰ ਹਰੀ ਝੰਡੀ ਦੇ ਕੇ ਕੀਤਾ ਰਵਾਨਾ
ਅੰਮ੍ਰਿਤਸਰ, 18 ਸਤੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਚਰਨਜੀਤ ਸਿੰਘ ਸੀਨੀਅਰ ਸੁਪਰਡੈਂਟ ਮੁੱਖ ਡਾਕ ਘਰ ਅੰਮ੍ਰਿਤਸਰ ਮੰਡਲ ਵਲੋਂ ਅੰਮ੍ਰਿਤਸਰ ਮੁੱਖ ਡਾਕ ਘਰ ਤੋਂ ਡਾਕ ਸਮੱਗਰੀ ਦੀ ਪਿਕਅੱਪ ਤੇ ਬੁਕਿੰਗ ਲਈ ਸਮਰਪਿਤ ਵੱਡੇ ਵਾਹਨ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਸ ਮੌਕੇ ਚਰਨਜੀਤ ਸਿੰਘ ਨੇ ਕਿਹਾ ਕਿ ਡਾਕ ਵਿਭਾਗ ਡਾਕ ਸੇਵਾ-ਜਨ ਸੇਵਾ ਤਹਿਤ ਬਲਕ ਗਾਹਕਾਂ ਨੂੰ ਘਰ-ਘਰ ਡਾਕ ਸੇਵਾਵਾਂ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ।
ਅੰਮ੍ਰਿਤਸਰ, 18 ਸਤੰਬਰ (ਰਾਜੇਸ਼ ਕੁਮਾਰ ਸ਼ਰਮਾ)-ਚਰਨਜੀਤ ਸਿੰਘ ਸੀਨੀਅਰ ਸੁਪਰਡੈਂਟ ਮੁੱਖ ਡਾਕ ਘਰ ਅੰਮ੍ਰਿਤਸਰ ਮੰਡਲ ਵਲੋਂ ਅੰਮ੍ਰਿਤਸਰ ਮੁੱਖ ਡਾਕ ਘਰ ਤੋਂ ਡਾਕ ਸਮੱਗਰੀ ਦੀ ਪਿਕਅੱਪ ਤੇ ਬੁਕਿੰਗ ਲਈ ਸਮਰਪਿਤ ਵੱਡੇ ਵਾਹਨ ਨੂੰ ਹਰੀ ਝੰਡੀ ਦੇ ਕੇ ਰਵਾਨਾ ਕੀਤਾ। ਇਸ ਮੌਕੇ ਚਰਨਜੀਤ ਸਿੰਘ ਨੇ ਕਿਹਾ ਕਿ ਡਾਕ ਵਿਭਾਗ ਡਾਕ ਸੇਵਾ-ਜਨ ਸੇਵਾ ਤਹਿਤ ਬਲਕ ਗਾਹਕਾਂ ਨੂੰ ਘਰ-ਘਰ ਡਾਕ ਸੇਵਾਵਾਂ ਪ੍ਰਦਾਨ ਕਰਨ ਲਈ ਵਚਨਬੱਧ ਹੈ। ਉਨ੍ਹਾਂ ਦੱਸਿਆ ਕਿ ਹੁਣ ਬਲਕ ਵਪਾਰੀ, ਈ-ਕਾਮਰਸ ਵਿਕਰੇਤਾ ਅਤੇ ਸੰਸਥਾਵਾਂ ਆਪਣੀ ਸਪੀਡ ਪੋਸਟ, ਰਜਿਸਟਰਡ ਡਾਕ, ਪਾਰਸਲ ਤੇ ਬਿਜ਼ਨਸ ਪਾਰਸਲ ਸਿੱਧੇ ਆਪਣੇ ਘਰਾਂ/ ਦੁਕਾਨਾਂ/ ਦਫ਼ਤਰਾਂ ਤੋਂ ਬਿਨਾਂ ਕਿਸੇ ਵਾਧੂ ਖਰਚੇ ਦੇ ਪਿਕਅੱਪ ਕਰਵਾ ਸਕਦੇ ਹਨ। ਪਹਿਲਾਂ ਇਹ ਸਹੂਲਤ ਛੋਟੇ ਵਾਹਨਾਂ ਰਾਹੀਂ ਦਿੱਤੀ ਜਾ ਰਹੀ ਸੀ, ਜਿਸ ਕਾਰਨ ਵੱਡੇ ਪਾਰਸਲਾਂ ਨੂੰ ਡਾਕਘਰ ਤੱਕ ਪਹੁੰਚਾਉਣ ਵਿਚ ਮੁਸ਼ਕਲ ਆ ਰਹੀ ਸੀ। ਹੁਣ ਇਸ ਕੰਮ ਲਈ ਵੱਡਾ ਵਾਹਨ ਲਗਾਇਆ ਗਿਆ ਹੈ ਜੋ ਦਫ਼ਤਰੀ ਸਮੇਂ ਦੌਰਾਨ ਗਾਹਕਾਂ ਦੀ ਥਾਂ ਤੋਂ ਪਾਰਸਲ ਪਿਕ ਕਰਕੇ ਡਾਕਘਰ ਵਿਚ ਲਿਆਵੇਗਾ ਤੇ ਉਸੇ ਦਿਨ ਬੁਕਿੰਗ ਕੀਤੀ ਜਾਵੇਗੀ। ਇਸ ਤੋਂ ਇਲਾਵਾ ਕੋਈ ਵੀ ਨਵਾਂ ਗਾਹਕ ਜੋ ਬੀ. ਐੱਨ. ਪੀ. ਐੱਲ. ਗਾਹਕ ਨਹੀਂ ਹੈ ਤੇ ਉਸ ਕੋਲ ਜ਼ਿਆਦਾ ਮਾਤਰਾ ‘ਚ ਪਾਰਸਲ ਹਨ, ਉਹ ਵੀ ਬੀ. ਪੀ. ਐੱਸ. ਅੰਮ੍ਰਿਤਸਰ ਦੇ ਵਟਸਐਪ ਗਰੁੱਪ ‘ਚ ਐਡ ਹੋ ਕੇ ਇਸ ਸੇਵਾ ਦਾ ਲਾਭ ਲੈ ਸਕਦਾ ਹੈ। ਅਜਿਹੇ ਖਪਤਕਾਰਾਂ ਲਈ ਬੀ. ਪੀ. ਐੱਸ. ਅੰਮ੍ਰਿਤਸਰ ‘ਚ ਵਿਸ਼ੇਸ਼ ਵਟਸਐਪ ਗਰੁੱਪ ਬਣਾਇਆ ਗਿਆ ਹੈ ਤਾਂ ਜੋ ਸਾਰੇ ਗਾਹਕਾਂ ਨੂੰ ਇਹ ਸਹੂਲਤ ਤੇਜ਼ ਗਤੀ ਨਾਲ ਪ੍ਰਦਾਨ ਕੀਤੀ ਜਾ ਸਕੇ। ਉਨ੍ਹਾਂ ਅੰਮ੍ਰਿਤਸਰ ਦੀ ਜਨਤਾ ਨੂੰ ਅਪੀਲ ਕੀਤੀ ਕਿ ਉਹ ਭਾਰਤੀਯ ਡਾਕ ਘਰ ਦੀ ਇਸ ਸੁਵਿਧਾਜਨਕ, ਕਿਫਾਇਤੀ ਅਤੇ ਭਰੋਸੇਮੰਦ ਪਿਕਅੱਪ ਸਹੂਲਤ ਦਾ ਲਾਭ ਉਠਾਉਣ, ਜੋ ਰੀਅਲ-ਟਾਈਮ ਟਰੈਕਿੰਗ ਦੇ ਨਾਲ ਪੂਰੇ ਭਾਰਤ ‘ਚ ਕਨੈਕਟੀਵਿਟੀ ਪ੍ਰਦਾਨ ਕਰਦੀ ਹੈ।
