ਮੁੱਖ ਮੰਤਰੀ ਨੇ ਕੁਰੂਕਸ਼ੇਤਰ ਵਿਚ ਹਰਿਆਣਾ ਮਾਲ ਸਿਖਲਾਈ ਅਕੈਡਮੀ ਨੂੰ ਦਿੱਤੀ ਮਨਜ਼ੂਰੀ <br/>

ਚੰਡੀਗੜ•, 2 ਜੂਨ (ਰਾਮ ਸਿੰਘ ਬਰਾੜ) - ਹਰਿਆਣਾ ਦੇ ਮਾਲ ਪ੍ਰਸ਼ਾਸਨ ਨੂੰ ਆਧੁਨਿਕ ਬਣਾਉਣ ਅਤੇ ਸੰਸਥਾਗਤ ਸਮਰੱਥਾ ਨਿਰਮਾਣ ਨੂੰ ਮਜ਼ਬੂਤ ਕਰਨ ਦੀ ਦਿਸ਼ਾ ਵਿਚ ਇੱਕ ਵੱਡਾ ਕਦਮ ਚੁੱਕਦਿਆਂ ਮੁੱਖ ਮੰਤਰੀ ਨਾਇਬ ਸਿੰਘ ਸੈਣੀ ਨੇ ਕੁਰੂਕਸ਼ੇਤਰ ਜ਼ਿਲ•ੇ ਦੇ ਪਿੰਡ ਉਮਰੀ ਵਿਚ 'ਹਰਿਆਣਾ ਮਾਲ ਸਿਖਲਾਈ ਅਕੈਡਮੀ' ਦੀ ਸਥਾਪਨਾ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ | ਲਗਭਗ 100 ਕਰੋੜ ਰੁਪਏ ਦੀ ਅਨੁਮਾਨਿਤ ਲਾਗਤ ਨਾਲ 14 ਏਕੜ ਜ਼ਮੀਨ 'ਤੇ ਇਸ ਪ੍ਰੋਜੈਕਟ ਨੂੰ ਵਿਕਸਤ ਕੀਤਾ ਜਾਵੇਗਾ | ਇਹ ਅਕੈਡਮੀ ਰਾਜ ਦੇ ਮਾਲ ਅਧਿਕਾਰੀਆਂ ਅਤੇ ਫੀਲਡ ਪੱਧਰ ਦੇ ਕਰਮਚਾਰੀਆਂ ਲਈ ਇੱਕ ਪ੍ਰਮੁੱਖ ਸਿਖਲਾਈ ਕੇਂਦਰ ਵਜੋਂ ਕੰਮ ਕਰੇਗੀ | ਮਾਲ ਅਤੇ ਆਪਦਾ ਪ੍ਰਬੰਧਨ ਵਿਭਾਗ ਦੀ ਵਿੱਤੀ ਕਮਿਸ਼ਨਰ ਡਾ. ਸੁਮਿਤਾ ਮਿਸ਼ਰਾ ਨੇ ਦੱਸਿਆ ਕਿ ਇਹ ਅਕੈਡਮੀ ਮਾਲ ਅਧਿਕਾਰੀਆਂ ਦੀ ਪੇਸ਼ੇਵਰ ਸਮਰੱਥਾ ਨੂੰ ਵਧਾਉਣ ਅਤੇ ਉਨ•ਾਂ ਨੂੰ ਜ਼ਮੀਨੀ ਪ੍ਰਸ਼ਾਸਨ, ਆਫ਼ਤ ਪ੍ਰਬੰਧਨ ਅਤੇ ਜਨਤਕ ਸੇਵਾ ਵੰਡ ਦੀਆਂ ਬਦਲਦੀਆਂ ਚੁਣੌਤੀਆਂ ਨਾਲ ਨਜਿੱਠਣ ਲਈ ਤਿਆਰ ਕਰਨ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਏਗੀ | ਇਹ ਫ਼ੈਸਲਾ ਮਾਲ ਅਤੇ ਆਫ਼ਤ ਪ੍ਰਬੰਧਨ ਵਿਭਾਗ ਵੱਲੋਂ ਅਕੈਡਮੀ ਲਈ ਇੱਕ ਢੁਕਵੀਂ ਥਾਂ ਦੀ ਪਛਾਣ ਕਰਨ ਲਈ ਕੀਤੀ ਗਈ ਵਿਸਤਿ੍ਤ ਚਰਚਾ ਤੋਂ ਬਾਅਦ ਲਿਆ ਗਿਆ ਹੈ, ਜਿਸਦੀ ਘੋਸ਼ਣਾ ਹਰਿਆਣਾ ਬਜਟ 2026-27 ਵਿਚ ਕੀਤੀ ਗਈ ਸੀ | ਕੁਰੂਕਸ਼ੇਤਰ ਜ਼ਿਲ•ੇ ਤੋਂ ਪ੍ਰਾਪਤ ਕਈ ਪ੍ਰਸਤਾਵਾਂ ਦਾ ਮੁਲਾਂਕਣ ਕਰਨ ਤੋਂ ਬਾਅਦ ਸਰਕਾਰ ਨੇ ਇਸ ਪ੍ਰੋਜੈਕਟ ਲਈ ਗ੍ਰਾਮ ਪੰਚਾਇਤ ਉਮਰੀ ਨੂੰ ਸਭ ਤੋਂ ਢੁਕਵੀਂ ਥਾਂ ਵਜੋਂ ਚੁਣਿਆ ਹੈ |
ਡਾ. ਮਿਸ਼ਰਾ ਨੇ ਦੱਸਿਆ ਕਿ ਉਮਰੀ ਵਿਚ ਪ੍ਰਸਤਾਵਿਤ ਸਥਾਨ ਦੇ ਕਈ ਰਣਨੀਤਕ ਅਤੇ ਪ੍ਰਸ਼ਾਸਨਿਕ ਲਾਭ ਹਨ | ਰਾਸ਼ਟਰੀ ਰਾਜਮਾਰਗ-44 'ਤੇ ਸਥਿਤ ਹੋਣ ਕਾਰਨ, ਇਹ ਜ਼ਮੀਨ ਹਰਿਆਣਾ ਦੇ ਸਾਰੇ ਹਿੱਸਿਆਂ ਦੇ ਨਾਲ-ਨਾਲ ਗੁਆਂਢੀ ਰਾਜਾਂ ਤੋਂ ਵੀ ਵਧੀਆ ਕਨੈਕਟੀਵਿਟੀ (ਸੰਪਰਕ) ਪ੍ਰਦਾਨ ਕਰਦੀ ਹੈ | ਇਹ ਸਥਾਨ ਮਿੰਨੀ ਸਕੱਤਰੇਤ ਅਤੇ ਤਹਿਸੀਲ ਕੰਪਲੈਕਸ ਤੋਂ ਲਗਭਗ ਦੋ ਕਿਲੋਮੀਟਰ ਦੀ ਦੂਰੀ 'ਤੇ ਹੈ, ਜਿਸ ਨਾਲ ਪ੍ਰਮੁੱਖ ਪ੍ਰਸ਼ਾਸਨਿਕ ਦਫ਼ਤਰਾਂ ਅਤੇ ਸਰਕਾਰੀ ਵਿਭਾਗਾਂ ਤੱਕ ਆਸਾਨੀ ਨਾਲ ਪਹੁੰਚਿਆ ਜਾ ਸਕਦਾ ਹੈ | ਅਕੈਡਮੀ ਦਾ ਇਹ ਸਥਾਨ ਕੁਰੂਕਸ਼ੇਤਰ ਸ਼ਹਿਰ ਦੇ ਵੀ ਨੇੜੇ ਹੈ ਅਤੇ ਆਯੂਸ਼ ਯੂਨੀਵਰਸਿਟੀ ਤੋਂ ਲਗਭਗ ਇੱਕ ਕਿਲੋਮੀਟਰ ਦੂਰ ਹੈ, ਜਿਸ ਨਾਲ ਇਹ ਤੇਜ਼ੀ ਨਾਲ ਵਿਕਸਤ ਹੋ ਰਹੇ ਵਿਦਿਅਕ ਅਤੇ ਸੰਸਥਾਗਤ ਕਾਰੀਡੋਰ ਦੇ ਅੰਦਰ ਆਉਂਦਾ ਹੈ |
ਡਾ. ਮਿਸ਼ਰਾ ਨੇ ਕਿਹਾ ਕਿ ਹਰਿਆਣਾ ਮਾਲ ਸਿਖਲਾਈ ਅਕੈਡਮੀ ਨੂੰ ਇੱਕ ਅਤਿ-ਆਧੁਨਿਕ ਸੰਸਥਾ ਵਜੋਂ ਕਲਪਨਾਬੱਧ ਕੀਤਾ ਗਿਆ ਹੈ, ਜੋ ਮਾਲ ਅਧਿਕਾਰੀਆਂ, ਪਟਵਾਰੀਆਂ, ਕਾਨੂੰਨਗੋ ਅਤੇ ਹੋਰ ਫੀਲਡ-ਪੱਧਰ ਦੇ ਅਧਿਕਾਰੀਆਂ ਨੂੰ ਸਿਖਲਾਈ ਦੇਣ ਲਈ ਸਮਰਪਿਤ ਹੋਵੇਗੀ | ਅਕੈਡਮੀ ਆਧੁਨਿਕ ਜ਼ਮੀਨੀ ਸ਼ਾਸਨ ਪ੍ਰਣਾਲੀਆਂ, ਜ਼ਮੀਨੀ ਰਿਕਾਰਡ ਦੇ ਡਿਜੀਟਲੀਕਰਨ, ਮਾਲ ਕਾਨੂੰਨਾਂ, ਵਿਵਾਦ ਨਿਪਟਾਰਾ ਪ੍ਰਣਾਲੀ, ਜ਼ਮੀਨ ਗ੍ਰਹਿਣ ਪ੍ਰਕਿਰਿਆਵਾਂ, ਆਫ਼ਤ ਪ੍ਰਬੰਧਨ ਅਤੇ ਜਨਤਕ ਪ੍ਰਸ਼ਾਸਨ ਵਿਚ ਉੱਭਰ ਰਹੀਆਂ ਚੁਣੌਤੀਆਂ 'ਤੇ ਧਿਆਨ ਕੇਂਦਰਿਤ ਕਰੇਗੀ | ਉਮੀਦ ਹੈ ਕਿ ਇਹ ਸੰਸਥਾ ਪੇਸ਼ੇਵਰ ਸਿਖਲਾਈ ਅਤੇ ਸਮਰੱਥਾ ਨਿਰਮਾਣ ਲਈ ਇੱਕ 'ਉੱਤਮਤਾ ਕੇਂਦਰ' ਵਜੋਂ ਉੱਭਰੇਗੀ, ਜਿਸ ਨਾਲ ਪੂਰੇ ਹਰਿਆਣਾ ਵਿਚ ਮਾਲ ਪ੍ਰਸ਼ਾਸਨ ਵਿਚ ਕੁਸ਼ਲਤਾ, ਪਾਰਦਰਸ਼ਤਾ ਅਤੇ ਜਵਾਬਦੇਹੀ ਵਿਚ ਸੁਧਾਰ ਕਰਨ ਵਿਚ ਮਦਦ ਮਿਲੇਗੀ | ਰਾਜ ਦੀ ਪ੍ਰਸ਼ਾਸਨਿਕ ਮਸ਼ੀਨਰੀ ਦੀ ਰੀੜ• ਦੀ ਹੱਡੀ ਵਜੋਂ, ਮਾਲ ਵਿਭਾਗ ਜ਼ਮੀਨੀ ਸ਼ਾਸਨ, ਮਾਲ ਪ੍ਰਸ਼ਾਸਨ, ਆਫ਼ਤ ਪ੍ਰਬੰਧਨ ਅਤੇ ਨਾਗਰਿਕ ਸੇਵਾਵਾਂ ਦੀ ਵੰਡ ਵਿਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦਾ ਹੈ | ਪਿਛਲੇ ਕੁੱਝ ਸਾਲਾਂ ਵਿਚ, ਡਿਜੀਟਲ ਜ਼ਮੀਨੀ ਰਿਕਾਰਡ, ਆਨਲਾਈਨ ਸੇਵਾ ਵੰਡ ਪਲੇਟਫ਼ਾਰਮ ਅਤੇ ਤਕਨਾਲੋਜੀ-ਸਮਰੱਥ ਸ਼ਾਸਨ ਪ੍ਰਣਾਲੀਆਂ ਦੀ ਸ਼ੁਰੂਆਤ ਦੇ ਨਾਲ ਇਸਦੀਆਂ ਜ਼ਿੰਮੇਵਾਰੀਆਂ ਦਾ ਦਾਇਰਾ ਅਤੇ ਜਟਿਲਤਾ ਕਾਫ਼ੀ ਵਧ ਗਈ ਹੈ | ਇਹਨਾਂ ਬਦਲਾਵਾਂ ਦੇ ਬਾਵਜੂਦ, ਇੱਕ ਸਮਰਪਿਤ ਸਿਖਲਾਈ ਈਕੋਸਿਸਟਮ (ਪ੍ਰਣਾਲੀ) ਦੀ ਘਾਟ ਇੱਕ ਵੱਡੀ ਕਮੀ ਬਣੀ ਹੋਈ ਸੀ | ਹਰਿਆਣਾ ਮਾਲ ਸਿਖਲਾਈ ਅਕੈਡਮੀ ਵਿਸ਼ਵ ਪੱਧਰੀ ਸਮਰੱਥਾ ਨਿਰਮਾਣ ਕੇਂਦਰ ਬਣ ਕੇ ਇਸ ਕਮੀ ਨੂੰ ਪੂਰਾ ਕਰੇਗੀ, ਜਿਸ ਨਾਲ ਇਹ ਯਕੀਨੀ ਹੋਵੇਗਾ ਕਿ ਮਾਲ ਅਧਿਕਾਰੀ ਡਿਜੀਟਲ ਯੁੱਗ ਵਿਚ ਕੁਸ਼ਲ, ਪਾਰਦਰਸ਼ੀ ਅਤੇ ਸੰਵੇਦਨਸ਼ੀਲ ਪ੍ਰਸ਼ਾਸਨ ਲਈ ਲੋੜੀਂਦੇ ਆਧੁਨਿਕ ਗਿਆਨ, ਡਿਜੀਟਲ ਸਮਰੱਥਾਵਾਂ ਅਤੇ ਵਿਹਾਰਕ ਹੁਨਰ ਨਾਲ ਲੈਸ ਹੋਣ |