ਤਾਰਾਗੜ੍ਹ, 17 ਅਪ੍ਰੈਲ (ਸੋਹਨ ਲਾਲ)-ਤਾਰਾਗੜ੍ਹ ਦੇ ਨਜ਼ਦੀਕ ਪੈਂਦੇ ਪਿੰਡ ਠਾਕੁਰਪੁਰ ਵਿਚ ਰਮੇਸ਼ ਸਿੰਘ ਪੁੱਤਰ ਤੀਰਥ ਰਾਮ ਦੀ ਬਿਜਲੀ ਦੇ ਸ਼ਾਰਟ ਸਰਕਟ ਨਾਲ ਅੱਗ ਲੱਗਣ ਕਾਰਨ ਕਰੀਬ 5 ਏਕੜ ਕਣਕ ਦੀ ਫਸਲ ਸੜ ਕੇ ਸੁਆਹ ਹੋ ਜਾਣ ਦੀ ਖ਼ਬਰ ਹੈ | ਰਮੇਸ਼ ਸਿੰਘ ਨੇ ਦੱਸਿਆ ਕਿ ਪਹਿਲਾਂ ਤਾਂ ਮੌਸਮ ਨੇ ਸਾਨੰੂ ਚਿੰਤਾ ਵਿਚ ਪਾਇਆ ਹੋਇਆ ਸੀ, ਜੇ ਹੁਣ ਮੌਸਮ ਠੀਕ ਹੋਇਆ ਸੀ ਤਾਂ ਅਸੀਂ ਸੋਚਿਆ ਸੀ ਕਿ ਅਸੀਂ ਆਪਣੀ ਕਣਕ ਦੀ ਫਸਲ ਦੀ ਕੱਟਾਈ ਕਰਾਂਗੇ ਪਰ ਕੱਟਾਈ ਕਰਨ ਤੋਂ ਪਹਿਲਾਂ ਹੀ ਸਾਡੀ ਫਸਲ ਬਿਜਲੀ ਵਿਭਾਗ ਦੀ ਗ਼ਲਤੀ ਨਾਲ ਸੜ ਕੇ ਸੁਆਹ ਹੋ ਗਈ | ਉਨ੍ਹਾਂ ਦੱਸਿਆ ਕਿ ਅੱਗ ਲੱਗਣ ਨਾਲ ਹੋਰ ਵੀ ਨਾਲ ਦੇ ਖੇਤਾਂ ਵਿਚ ਲੱਗੀ ਕਣਕ ਦੀ ਫਸਲ ਸੜ ਜਾਣੀ ਸੀ ਪਰ ਮੌਕੇ 'ਤੇ ਪਹੁੰਚੇ ਪਿੰਡਾਂ ਦੇ ਨੌਜਵਾਨਾਂ ਨੇ ਆਪਣੇ ਟਰੈਕਟਰਾਂ ਨਾਲ ਖੇਤਾਂ ਨੰੂ ਵਾਹ ਦਿੱਤਾ ਜਿਸ ਨਾਲ ਅੱਗ 'ਤੇ ਕਾਬੂ ਪਾ ਲਿਆ ਗਿਆ | ਉਨ੍ਹਾਂ ਪੰਜਾਬ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਸਾਡੀ ਮਦਦ ਕੀਤੀ ਜਾਵੇ |
