ਚਣਕੋਆ ਵਿਖੇ ਰਾਜ ਮਾਰਗ ਦੇ ਕਿਨਾਰੇ ਸੁੱਕੇ ਦਰਖਤਾਂ ਦਾ ਖੜ੍ਹਾ ਝੁੰਡ ਹਣ ਸਕਦਾ ਵੱਡੇ ਹਾਦਸੇ ਦਾ ਕਾਰਨ

ਅ

ਅਜੀਤ ਡੈਸਕ 05-08-2026

ਮਜਾਰੀ/ਸਾਹਿਬਾ, 4 ਅਗਸਤ (ਨਿਰਮਲਜੀਤ ਸਿੰਘ ਚਾਹਲ)-ਪਿੰਡ ਚਣਕੋਆ ਵਿਖੇ ਬੰਦ ਪਏ ਲੱਕੜ ਦੇ ਆਰੇ ਦੇ ਸਾਹਮਣੇ ਇੱਕ ਸਫੈਦੇ ਦੇ ਸੁੱਕੇ ਦਰੱਖਤਾਂ ਦਾ ਝੁੰਡ ਜੋ ਆਪਣੀ ਉਮਰ ਹੰਢਾ ਕੇ ਪੂਰੀ ਤਰਾਂ ਸੁੱਕ ਚੁੱਕਾ ਹੈ ਤੇ ਸੜਕ ਵੱਲ ਨੂੰ ਕਈ ਦਰੱਖਤ ਝੁੱਕੇ ਖੜੇ ਹਨ। ਇਹ ਸਫੈਦੇ ਇੰਨੇ ਲੰਮੇ ਹਨ ਕਿ ਜੇਕਰ ਕੋਈ ਇਹਨਾਂ ਵਿਚੋਂ ਡਿੱਗ ਗਿਆ ਤਾਂ ਇਹ ਸੜਕ ਵਿਚੋਂ ਲੰਘਣ ਵਾਲੇ ਕਿਸੇ ਵੀ ਵਾਹਨ ਨੂੰ ਤਾਂ ਆਪਣੀ ਲਪੇਟ ਵਿਚ ਲਵੇਗਾ ਹੀ ਸਗੋਂ ਸੜਕ ਦੇ ਦੂਸਰੇ ਪਾਸੇ ਬਣੇ ਘਰਾਂ ਦਾ ਵੀ ਭਾਰੀ ਨੁਕਸਾਨ ਕਰ ਸਕਦੇ ਹਨ। ਇਹਨਾਂ ਸਫੈਦਿਆਂ ਵੱਲ ਜੰਗਲਾਤ ਵਿਭਾਗ ਵਲੋਂ ਕਦੇ ਵੀ ਧਿਆਨ ਨਹੀ ਦਿੱਤਾ ਜਾ ਰਿਹਾ। ਇਸ ਮਾਰਗ ‘ਤੇ ਹੋਰ ਵੀ ਬਹੁਤ ਸਾਰੇ ਸੁੱਕੇ ਦਰੱਖਤ ਆਪ ਮੁਹਾਰੇ ਕਦੇ ਸੜਕ ‘ਤੇ ਕਦੇ ਖੇਤਾਂ ਵਿਚ ਡਿੱਗ ਕੇ ਲੋਕਾਂ ਤੇ ਕਿਸਾਨਾਂ ਦੀਆਂ ਫਸਲਾਂ ਦਾ ਨੁਕਸਾਨ ਕਰ ਰਹੇ ਹਨ। ਇਸ ਮਾਰਗ ‘ਤੇ ਦਰੱਖਤਾਂ ਦੇ ਡਿੱਗਣ ਕਾਰਨ ਕਈ ਲੋਕ ਗੰਭੀਰ ਫੱਟੜ ਹੋ ਚੁੱਕੇ ਹਨ ਤੇ ਕਈ ਜਾਨ ਵੀ ਗੁਆ ਚੁੱਕੇ ਹਨ। ਪਿੰਡ ਚਣਕੋਆ ਵਾਸੀ ਅਜੀਤ ਕੁਮਾਰ, ਦੀਪਕ ਕੁਮਾਰ, ਰਾਮ ਤੀਰਥ, ਪਾਖਰ ਸਿੰਘ ਆਦਿ ਨੇ ਸਰਕਾਰ ਤੋਂ ਮੰਗ ਕੀਤੀ ਹੈ ਕਿ ਕੋਈ ਵੱਡਾ ਹਾਦਸਾ ਵਾਪਰਨ ਤੋਂ ਪਹਿਲਾਂ ਇਨਾਂ ਦਰੱਖਤਾਂ ਦੇ ਝੁੰਡ ਨੂੰ ਸੜਕ ਦੇ ਕਿਨਾਰੇ ਤੋਂ ਹਟਾਇਆ ਜਾਵੇ।

ਪਿਛਲੀ ਖ਼ਬਰ ਸਿੱਖ ਨੈਸ਼ਨਲ ਕਾਲਜ ਬੰਗਾ ਵਿਖੇ ਕਰਵਾਇਆ ਕੈਰੀਅਰ ਕਾਊਂਸਲਿੰਗ ਸੈਮੀਨਾਰ ਅਗਲੀ ਖ਼ਬਰ ਸਹਿਯੋਗ ਸੇਵਾ ਸੁਸਾਇਟੀ ਵਲੋਂ ਸਮਾਜ ਭਲਾਈ ਦੇ ਕਾਰਜਾਂ ਦਾ ਇਕ ਸਾਲ ਹੋਇਆ ਪੂਰਾ