ਨਵੀਂ ਦਿੱਲੀ, 30 ਮਾਰਚ (ਏਜੰਸੀ)- ਭਾਰਤ ਲਈ ਐਲ. ਪੀ. ਜੀ., ਕੱਚਾ ਤੇਲ ਅਤੇ ਐਲ. ਐਨ. ਜੀ. ਲਿਜਾ ਰਹੇ 19 ਜਹਾਜ਼ ਇਸ ਸਮੇਂ ਹੋਰਮੁਜ਼ ਜਲਡਮਰੂ 'ਚ ਫਸੇ ਹੋਏ ਹਨ | ਪੱਛਮੀ ਏਸ਼ੀਆ ਦੇ ਘਟਨਾਕ੍ਰਮਾਂ ਦੇ ਨਤੀਜੇ 'ਤੇ ਹੋਈ ਇਕ ਅੰਤਰ ਮੰਤਰਾਲਾ ਬ੍ਰੀਫਿੰਗ 'ਚ ਬੰਦਰਗਾਹ, ਜਹਾਜ਼ਰਾਨੀ ਅਤੇ ਜਲ ਮਾਰਗ ਮੰਤਰਾਲੇ ਦੇ ਵਿਸ਼ੇਸ਼ ਸਕੱਤਰ ਰਾਜੇਸ਼ ਕੁਮਾਰ ਸਿਨ੍ਹਾ ਨੇ ਦੱਸਿਆ ਕਿ ਭਾਰਤ ਲਈ ਊਰਜਾ ਕਾਰਗੋ ਲਿਜਾ ਰਹੇ 10 ਵਿਦੇਸ਼ੀ ਝੰਡੇ ਵਾਲੇ ਜਹਾਜ਼ ਇਸ ਸਮੇਂ ਫਸੇ ਹੋਏ ਹਨ | ਇਸ ਵਿਚ ਐਲ. ਪੀ. ਜੀ. ਲਿਜਾ ਰਹੇ 3 ਜਹਾਜ਼, ਚਾਰ ਕੱਚੇ ਤੇਲ ਦੇ ਟੈਂਕਰ ਅਤੇ 3 ਐਲ. ਐਨ. ਜੀ. ਕੈਰੀਅਰ ਸ਼ਾਮਿਲ ਹਨ | ਇਨ੍ਹਾਂ ਦੇ ਇਲਾਵਾ ਭਾਰਤੀ ਝੰਡੇ ਵਾਲੇ ਜਹਾਜ਼ ਵੀ ਹਨ | ਇਨ੍ਹਾਂ 'ਚ 3 ਐਲ. ਪੀ. ਜੀ. ਟੈਂਕਰ, ਇਕ ਐਲ. ਐਨ. ਜੀ. ਕੈਰੀਅਰ ਅਤੇ ਚਾਰ ਕੱਚੇ ਤੇਲ ਦੇ ਟੈਂਕਰ ਸ਼ਾਮਿਲ ਹਨ |