ਸ਼ਾਹਕੋਟ, 17 ਜੁਲਾਈ (ਦਲਜੀਤ ਸਿੰਘ ਸਚਦੇਵਾ, ਸੁਖਦੀਪ ਸਿੰਘ)- ਪੰਜਾਬ ਸਰਕਾਰ ਵੱਲੋਂ ਨਸ਼ਿਆਂ ਖ਼ਿਲਾਫ਼ ਚਲਾਈ ਗਈ ਮੁਹਿੰਮ ਯੁੱਧ ਨਸ਼ਿਆਂ ਵਿਰੁੱਧ ਤਹਿਤ ਨਗਰ ਪੰਚਾਇਤ ਸ਼ਾਹਕੋਟ ਦੇ 13 ਵਾਰਡਾਂ ਵਿਚ 19 ਜੁਲਾਈ ਨੂੰ ਜਾਗਰੂਕਤਾ ਕੈਂਪ ਲਗਾਏ ਜਾ ਰਹੇ ਹਨ | ਜਾਣਕਾਰੀ ਦਿੰਦਿਆਂ ਈ.ਓ ਸ਼ਾਹਕੋਟ ਸੁਨੀਲ ਕੁਮਾਰ ਨੇ ਦੱਸਿਆ ਕਿ ਪ੍ਰਸ਼ਾਸਨ ਵਲੋਂ ਯੁੱਧ ਨਸ਼ਿਆਂ ਵਿਰੁੱਧ ਤਹਿਤ ਸਵੇਰੇ 9 ਵਜੇ ਸ਼ਾਹਕੋਟ ਦੇ ਵਾਰਡ ਨੰਬਰ 1,2,3 ਦਾ ਕੈਂਪ ਮੰਦਰ ਗਾਂਧੀ ਚੌਂਕ, ਸਵੇਰੇ 10 ਵਜੇ ਵਾਰਡ ਨੰਬਰ 4,5,6 ਦਾ ਕੈਂਪ ਰਾਮਗੜ੍ਹੀਆ ਪਬਲਿਕ ਸਕੂਲ, ਸ਼ਾਮ 4:30 ਵਜੇ ਵਾਰਡ ਨੰਬਰ 7,8,9 ਦਾ ਕੈਂਪ ਨਿੰਮਾ ਵਾਲਾ ਸਕੂਲ ਤੇ ਸ਼ਾਮ 5:30 ਵਜੇ 10,11,12 ਤੇ 13 ਦਾ ਕੈਂਪ ਦਫ਼ਤਰ ਨਗਰ ਪੰਚਾਇਤ ਸ਼ਾਹਕੋਟ ਵਿਖੇ ਲੱਗੇਗਾ | ਇਨ੍ਹਾਂ ਕੈਂਪਾਂ ਵਿਚ ਪ੍ਰਸ਼ਾਸਨਿਕ ਅਧਿਕਾਰੀ ਤੇ ਮੁਲਾਜ਼ਮ ਵੀ ਪਹੁੰਚਣਗੇ |
