ਆਦਮਪੁਰ, 17 ਜੁਲਾਈ (ਰਮਨ ਦਵੇਸਰ)- ਬਲਾਕ ਆਦਮਪੁਰ ਦੇ ਪਿੰਡਾਂ ਕੂਪਰ, ਖਿਆਲਾ, ਦੂਹੜੇ ਤੇ ਸਲਾਲਾ ਵਿੱਚ ਪੰਚਾਇਤੀ ਉਪ ਚੋਣਾਂ ਦਾ ਐਲਾਨ ਕਰ ਦਿੱਤਾ ਗਿਆ ਹੈ | ਰਿਟਰਨਿੰਗ ਅਫਸਰ ਰਾਮ ਜੀਤ ਨੇ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਇਨ੍ਹਾਂ ਚਾਰ ਪਿੰਡਾਂ ਲਈ ਨਾਮਜ਼ਦਗੀਆਂ ਦਾਖਲ ਕਰਨ ਦੀ ਅੱਜ ਆਖਰੀ ਤਰੀਕ ਸੀ | ਉਨ੍ਹਾਂ ਨੇ ਦੱਸਿਆ ਕਿ ਪਿੰਡ ਕੂਪਰ ਤੋਂ ਇੱਕ ਉਮੀਦਵਾਰ ਨੇ ਕਾਗਜ਼ ਭਰੇ ਹਨ ਤੇ ਪਿੰਡ ਖਿਆਲਾ ਤੋਂ ਵੀ ਇੱਕ ਉਮੀਦਵਾਰ ਨੇ ਕਾਗਜ਼ ਭਰੇ ਹਨ ਜਦਕਿ ਪਿੰਡ ਦੂਹੜੇ ਤੋਂ ਦੋ ਉਮੀਦਵਾਰਾਂ ਨੇ ਕਾਗਜ਼ ਭਰੇ ਤੇ ਪਿੰਡ ਸਲਾਲਾ ਤੋਂ ਵੀ ਇੱਕ ਉਮੀਦਵਾਰ ਨੇ ਕਾਗਜ਼ ਭਰੇ ਹਨ | ਰਿਟਰਨਿੰਗ ਅਫਸਰ ਰਾਮ ਜੀਤ ਨੇ ਦੱਸਿਆ ਕਿ ਕੱਲ੍ਹ ਕਾਗਜ਼ਾਂ ਦੀ ਪੜ੍ਹਤਾਲ ਹੋਵੇਗੀ ਤੇ 19 ਜੁਲਾਈ ਨੂੰ ਉਮੀਦਵਾਰ ਆਪਣੇ ਕਾਗਜ਼ ਵਾਪਸ ਲੈ ਸਕਦੇ ਹਨ |
