22-11-2026
ਅੱਖਰ:
ਵਿਚਾਰ ਪ੍ਰਵਾਹ
ਪ੍ਰਕਾਸ਼ਿਤ: 22-07-2025

ਜਲ ਬੋਰਡ ਦੇ ਇੰਜੀਨੀਅਰ ਦੀ ਲਾਪ੍ਰਵਾਹੀ ਕਾਰਨ ਦੋ ਦਿਨਾਂ ਤੋਂ ਦਵਾਰਕਾ ਦੇ 7 ਸੈਕਟਰਾਂ ਅਤੇ 12 ਤੋਂ ਵੱਧ ਕਾਲੋਨੀਆਂ 'ਚ ਪਾਣੀ ਨਹੀਂ

ਅਜੀਤ ਡੈਸਕ 22-07-2025
ਨਵੀਂ ਦਿੱਲੀ, 21 ਜੁਲਾਈ (ਮਿਸਰਦੀਪ ਭਾਟੀਆ)-ਦਵਾਰਕਾ ਦੇ 7 ਸੈਕਟਰਾਂ ਅਤੇ ਕਰੀਬ 12 ਤੋਂ ਵੱਧ ਕਾਲੋਨੀਆਂ ਵਿਚ ਦੋ ਦਿਨਾਂ ਤੋਂ ਪਾਣੀ ਨਹੀਂ ਆ ਰਿਹਾ | ਜਲ ਬੋਰਡ ਦੇ ਇੰਜੀਨੀਅਰਾਂ ਦੀ ਲਾਪ੍ਰਵਾਹੀ ਕਾਰਨ ਹੁੰਮਸ ਭਰੀ ਇਸ ਗਰਮੀ ਵਿਚ ਲੋਕ ਪਾਣੀ ਦੀ ਕਿੱਲਤ ਦਾ ਸਾਹਮਣਾ ਕਰ ਰਹੇ ਹਨ | ਦੱਸਿਆ ਜਾ ਰਿਹਾ ਹੈ ਕਿ ਦੋ ਭੂਮੀਗਤ ਭੰਡਾਰਾਂ ਦੀ ਪਾਈਪਲਾਈਨ 'ਚ ਲੀਕੇਜ ਸੀ ਜਿਸ ਵਿਚ ਪਾਣੀ ਕਮਾਂਡ ਟੈਂਕ-2 ਤੋਂ ਜਾਂਦਾ ਹੈ ਅਤੇ ਇੰਜੀਨੀਅਰਾਂ ਨੇ ਕੋਈ ਧਿਆਨ ਹੀ ਨਹੀਂ ਦਿੱਤਾ |
ਦਵਾਰਕਾ ਵਾਟਰ ਟ੍ਰੀਟਮੈਂਟ ਪਲਾਟ ਤੋਂ ਰੋਜ਼ਾਨਾ 50 ਐਮ.ਜੀ.ਡੀ. ਪਾਣੀ ਉਤਪਾਦਨ ਹੁੰਦਾ ਹੈ ਅਤੇ 6 ਕਮਾਂਡ ਟੈਂਕਾਂ ਵਿਚ ਇਸ ਨੂੰ ਸਪਲਾਈ ਕੀਤਾ ਜਾਂਦਾ ਹੈ | ਕਮਾਂਡ ਟੈਂਕ ਤੋਂ ਪਾਣੀ ਯੂ.ਜੀ.ਆਰ. 'ਚ ਸਪਲਾਈ ਹੁੰਦਾ ਹੈ | ਕਮਾਂਡ ਟੈਂਕ-2 ਤੋਂ ਦੋ ਯੂ.ਜੀ.ਆਰ. ਵਿਚ ਲੀਕੇਜ ਸੀ, ਜਿੱਥੇ ਪਾਈਪਲਾਈਨਾਂ ਰਾਹੀਂ ਪਾਣੀ ਆਉਂਦਾ ਹੈ | ਦੱਸਿਆ ਜਾ ਰਿਹਾ ਹੈ ਕਿ ਕਿਸੇ ਨੇ ਵੀ ਲੀਕੇਜ ਵੱਲ ਧਿਆਨ ਨਹੀਂ ਦਿੱਤਾ ਗਿਆ ਅਤੇ ਇਹ ਹੌਲੀ-ਹੌਲੀ ਵਧਦਾ ਗਿਆ ਜਿਸ ਕਾਰਨ ਪਾਣੀ ਪੰਪ ਕਰਨ ਲਈ ਲਗਾਈਆਂ ਗਈਆਂ ਦੋਵੇਂ ਮੋਟਰਾਂ ਪਾਣੀ ਵਿਚ ਡੁੱਬ ਗਈਆਂ ਅਤੇ ਸਪਲਾਈ ਬੰਦ ਹੋ ਗਈ | ਇੰਜੀਨੀਅਰਾਂ ਦਾ ਕਹਿਣਾ ਹੈ ਕਿ ਪਾਣੀ ਵਿਚ ਡੁੱਬੀਆਂ ਮੋਟਰਾਂ ਨੂੰ ਬਦਲਿਆ ਜਾ ਰਿਹਾ ਹੈ |

ਪਿਛਲੀ ਖ਼ਬਰ ਕਿਸਾਨਾਂ ਨੇ ਵੱਖ-ਵੱਖ ਮੰਗਾਂ ਸੰਬੰਧੀ ਸੌਂਪਿਆ ਮੰਗ ਪੱਤਰ ਅਗਲੀ ਖ਼ਬਰ ਜ਼ਿਲ੍ਹੇ 'ਚ ਸੀ.ਈ.ਟੀ. ਪ੍ਰੀਖਿਆ ਪਾਰਦਰਸ਼ੀ ਤੇ ਸ਼ਾਂਤੀਪੂਰਨ ਢੰਗ ਨਾਲ ਕਰਵਾਈ ਜਾਵੇਗੀ-ਡੀ.ਸੀ.

Subscribers Only Story

ਇਸ ਖ਼ਬਰ ਨੂੰ ਪੂਰਾ ਪੜ੍ਹਨ ਲਈ ਸਬਸਕ੍ਰਾਈਬਰ ਲਾਗਇਨ ਕਰੋ।