ਦੋਰਾਹਾ, 20 ਨਵੰਬਰ (ਮਨਜੀਤ ਸਿੰਘ ਗਿੱਲ)-ਡਾਕਟਰੀ ਇਲਾਜ ਵਿਚ ਪ੍ਰਸਿੱਧੀ ਹਾਸਲ ਸਿੱਧੂ ਹਸਪਤਾਲ ਦੋਰਾਹਾ ਵਿੱਚ ਸਿਹਤ ਸੇਵਾਵਾਂ ਵਿਚ ਹੋਰ ਵਾਧਾ ਕਰਦਿਆਂ ਟੁੱਟੀਆਂ ਹੱਡੀਆਂ ਦੇ ਇਲਾਜ ਲਈ ਇਟਲੀ 'ਚ ਵਿਕਸਤ ਕੀਤੀ ਗਈ ਅਤੀ ਆਧੁਨਿਕ ਤਕਨੀਕ ਮੀਰੋਜ ਤਕਨੀਕ ਨੂੰ ਸਫਲਤਾਪੂਰਵਕ ਲਾਗੂ ਕੀਤਾ ਹੈ | ਇਸ ਤਕਨੀਕ ਰਾਹੀਂ ਹੱਡੀਆਂ ਦੇ ਟੁੱਟੇ ਹਿੱਸਿਆਂ ਨੂੰ ਬਹੁਤ ਛੋਟੇ ਚੀਰੇ ਰਾਹੀਂ ਜੋੜਦਾ ਹੈ, ਜਿਸ ਨਾਲ ਖੂਨ ਦੀ ਕੋਈ ਖ਼ਾਸ ਘਾਟ ਨਹੀਂ ਹੁੰਦੀ ਅਤੇ ਮਰੀਜ਼ ਜਲਦੀ ਠੀਕ ਹੁੰਦਾ ਹੈ | ਇਹ ਜਾਣਕਾਰੀ ਦਿੰਦਿਆਂ ਉੱਘੇ ਆਰਥੋ ਮਾਹਿਰ ਡਾਕਟਰ ਰਵਿੰਦਰ ਸਿੰਘ ਸਿੱਧੂ ਨੇ ਦੱਸਿਆ ਕਿ ਇਸ ਤਕਨੀਕ ਨਾਲ ਮਰੀਜ਼ ਨੂੰ ਘੱਟ ਦਰਦ, ਘੱਟ ਖਰਚੇ, ਜਲਦੀ ਚਲਣ-ਫਿਰਣ ਅਤੇ ਛੋਟੀ ਹਸਪਤਾਲ ਰਹਿਣ ਦੀ ਮਿਆਦ ਦਾ ਲਾਭ ਮਿਲਦਾ ਹੈ | ਉਨ੍ਹਾਂ ਇਸ ਤਕਨੀਕ ਨਾਲ ਮਰੀਜ਼ਾ ਦੇ ਸਫਲ ਕੀਤੇ ਇਲਾਜ ਬਾਰੇ ਹੋਰ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਸਾਡਾ ਮਕਸਦ ਹਮੇਸ਼ਾ ਇਲਾਜ ਨਾਲ ਨਵੀਂ ਤਕਨੀਕ ਜੋੜਨਾ ਰਿਹਾ ਹੈ | ਡਾ. ਸਿੱਧੂ ਨੇ ਕਿਹਾ ਕਿ ਮੀਰੋਜ ਤਕਨੀਕ ਨਾਲ ਹੁਣ ਅਸੀਂ ਦੋਰਾਹੇ ਵਿੱਚ ਹੀ ਵਿਸ਼ਵ-ਪੱਧਰੀ ਫਰੈਕਚਰ ਇਲਾਜ ਮੁਹੱਈਆ ਕਰਵਾ ਰਹੇ ਹਾਂ | ਜਿਸ ਨਾਲ ਮਰੀਜ਼ ਜਲਦੀ ਆਪਣੀ ਨਾਰਮਲ ਜ਼ਿੰਦਗੀ ਵੱਲ ਵਾਪਸ ਆ ਸਕਦਾ ਹੈ | ਉਹਨਾਂ ਕਿਹਾ ਕਿ ਸਿੱਧੂ ਹਸਪਤਾਲ ਦੋਰਾਹਾ ਹੱਡੀਆਂ, ਜੋੜ ਬਦਲਾਅ, ਰੀੜ੍ਹ ਦੀ ਹੱਡੀ ਅਤੇ ਰਿਹੈ ਬਿਲੀਟੇਸ਼ਨ ਦੇ ਖੇਤਰ ਵਿੱਚ ਅੰਤਰਰਾਸ਼ਟਰੀ ਮਿਆਰ ਦੀ ਸੇਵਾ ਜਾਰੀ ਰੱਖਦਾ ਹੈ | ਇਸ ਸਮੇਂ ਡਾਕਟਰ ਮਿਆਂਕ ਗੁਪਤਾ ਅਤੇ ਆਰਥੋ ਵਿਭਾਗ ਦਾ ਸਟਾਫ਼ ਹਾਜ਼ਰ ਸੀ |
